రాష్ట్రీయం
ఉద్రిక్తతల నడుమ చత్తీస్‌గఢ్ తొలి దశలో భారీ పోలింగ్
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, నవంబర్ 12: మావోయిస్టుల కోటలో ఉద్రిక్తతల నడుమ పోలింగ్ ముగిసింది. తెలంగాణ రాష్ట్రానికి సరిహద్దుగా ఉన్న చత్తీస్‌గఢ్ రాష్ట్రంలో సోమవారం ఎనిమిది జిల్లాలోని 18 నియోజకవర్గాలకు జరిగిన తొలిదశ పోలింగ్ మావోయిస్టులకు, పోలీసుల పోరాటం మధ్య ముగిసింది. బీజాపూర్ జిల్లాలోని పామేడు సమీపంలో కోబ్రా దళాలకు, మావోయిస్టులకు జరిగిన కాల్పుల్లో ఐదుగురు మావోలు మృతి చెందగా ముగ్గురు కోబ్రా కానిస్టేబుళ్ళకు తీవ్ర గాయాలు కావడంతో హెలికాప్టర్ ద్వారా రాయపూర్ ప్రభుత్వాసుపత్రికి తరలించారు. మరోవైపు దంతెవాడ జిల్లాలోని ద్వారపర పోలింగ్ బూత్ వద్ద మావోలు ఐఇడిని పేల్చివేశారు. మరో ఐదు ఐఇడిలను పోలీసులు పసిగట్టి నిర్వీర్యం చేశారు. చాలా నియోజకవర్గాల్లో పోలీసులు, మావోలకు ఆధిపత్య పోరు సాగుతున్నప్పటికీ 70 శాతం మంది ప్రజలు
తమ ఓటు హక్కు వినియోగించుకున్నారు. 10 స్థానాల్లో ఉదయం ఏడు గంటల నుంచి మధ్యాహ్నం 3 గంటల వరకు పోలింగ్ జరగ్గా మిగిలిన ఎనిమిది స్థానాల్లో సాయంత్రం ఐదు గంటల వరకు పోలింగ్ జరిగింది. ఎనిమిది జిల్లాల పరిధిలోని 32 లక్షల మంది ఓటర్లకు 4,336 పోలింగ్ బూత్‌లు ఏర్పాటు చేశారు. దాదాపు లక్ష మంది పోలీసులను, 17 హెలికాప్టర్లను ఈ ఎన్నికలకు ఉపయోగించారు. ఆ రాష్ట్ర ముఖ్యమంత్రి రమణ్‌సింగ్ పోటీ చేసిన రాజ్‌నంద్‌గావ్ నియోజకవర్గంలో కూడా సోమవారం ఎన్నిక పూర్తయింది. ఈ నియోజకవర్గంలో 2008, 2014లో రమణ్‌సింగ్ గెలవగా, ప్రస్తుతం ఆయనపై కాంగ్రెస్ పార్టీ అభ్యర్థిగా బీజేపీ అగ్రనేత దివంగత వాజ్‌పాయ్ మేనకోడలు శుక్లా పోటీ చేస్తున్నారు. బస్తర్ డివిజన్‌లో కమల కళాశాల బూత్‌లో పోలింగ్ నిలిచిపోగా 53 చోట్ల ఆలస్యంగా నడిచింది. పామేడు సమీపంలో రెండుచోట్ల చెట్ల కిందనే పోలింగ్ బూత్‌లు ఏర్పాటు చేశారు. సరాసరిన ప్రతి 37 మంది ఓటర్లకు ఒక పోలీస్ ఉండేలా బందోబస్తు ఏర్పాటు చేశారు.
చిత్రం..సుక్మా జిల్లాలోని ఓ పోలింగ్ కేంద్రం వద్ద బారులు తీరిన ఓటర్లు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.