రాష్ట్రీయం
బీఎల్‌ఎఫ్‌లోకి వస్తే సీపీఐకి కోరిన సీట్లు ఇస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం టౌన్, నవంబర్ 12: కాంగ్రెస్ పాలనలో తెలంగాణ భ్రష్టు పట్టిందని, అటువంటి పార్టీతో సీపీఐ జత కట్టడం దురదృష్టకరమని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం వ్యాఖ్యానించారు. భద్రాచలంలో బీఎల్‌ఎఫ్ బలపర్చిన సీపీఎం అభ్యర్థి మిడియం బాబూరావు నామినేషన్ దాఖలు కార్యక్రమంలో పాల్గొన్న అనంతరం కార్యకర్తలతో నిర్వహించిన బహిరంగ సభలో ఆయన మాట్లాడారు. కాంగ్రెస్, టీఆర్‌ఎస్ పాలన చూసిన ప్రజలు ప్రత్యామ్నాయ రాజకీయాల వైపు చూస్తున్నారన్నారు. సీపీఐని అనేకసార్లు బహుజన లెఫ్ట్ ఫ్రంట్‌తో కలిసి ముందుకు సాగాలని కోరామని, అయితే తమను ఆహ్వానించలేదని సీపీఐ నేతలు పేర్కొనడం సరికాదన్నారు. అప్పుడు, ఇప్పుడు సీపీఐతో ఒకేలా ఉన్నామని, ఇప్పుడు కలిసొచ్చినా కోరిన సీట్లు ఇస్తామన్నారు. కోదండరామ్ స్థాపించిన తెలంగాణ జన సమితి పార్టీ కూడా బీఎల్‌ఎఫ్‌తో కలిసి రావాలని, ఆశించిన సీట్లు ఇస్తామన్నారు. పౌర హక్కుల నేతగా ఉంటానన్న కేసీఆర్ అధికారంలోకి వచ్చాక బూటకపు ఎన్‌కౌంటర్లతో తెలంగాణను రక్తసిక్తం చేశారని విమర్శించారు. బంగారు తెలంగాణను బాధల తెలంగాణగా మార్చిన కేసీఆర్ నియంత పాలనకు చరమగీతం పాడే రోజులు దగ్గర పడ్డాయన్నారు.
కేంద్రంలో మోదీ అనుసరిస్తున్న విధానాలతో నాలుగేళ్లలో 1.12 కోట్ల ఉద్యోగాలు ఊడిపోతే, తెలంగాణలో 2.50 లక్షల ఖాళీల్లో నాలుగున్నరేళ్లలో 23 వేల ఉద్యోగాలనే కేసీఆర్ భర్తీ చేసి నిరుద్యోగాన్ని పెంచి పోషించారన్నారు. ప్రజలు రానున్న ఎన్నికల్లో లోతుగా ఆలోచించి బతుకులు బాగు చేసే వారికే ఓటు వేయాలని తమ్మినేని కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.