రాష్ట్రీయం
ఢిల్లీలో కాంగ్రెస్ వలస నేతల మకాం
S ,7 à 8 RSCA (si SASPAS) et 6 cialis pharmacie cialis rapports de stage.
నిజామాబాద్, నవంబర్ 12: ఎన్నికల బరిలోకి దిగి తమ అదృష్ఠాన్ని పరీక్షించుకోవాలని భావిస్తున్న కాంగ్రెస్ ఆశావహులు ఎలాగైనా టిక్కెట్ దక్కించుకుకోవాలనే ఆరాటాన్ని ప్రదర్శిస్తున్నారు. ఇప్పటికే తొలి జాబితా సిద్ధమైనట్టు అధిష్ఠానం ప్రకటించిన నేపథ్యంలో, ఆ జాబితాలోనే తమ పేరును చేర్చాల్సిందిగా ముఖ్య నేతలపై ఒత్తిడి పెంచుతున్నారు. ప్రధానంగా టిక్కెట్ ఎలాగూ తమకే ఖరారవుతుందనే గట్టి నమ్మకంతో కాంగ్రెస్‌లోకి చేరిన వలస నేతలు ప్రస్తుత తుది సమయంలో నేరుగా అధిష్ఠానం పెద్దలను కలిసి ఒప్పించేందుకు గత కొద్దిరోజుల నుండి ఢిల్లీలోనే మకాం వేసి తుదికంటా ప్రయత్నాలు సాగిస్తున్నారు. ముఖ్యంగా ఆర్మూర్, నిజామాబాద్ రూరల్ నియోజకవర్గాల నుండి అభ్యర్థిత్వాలపై గంపెడాశలు పెట్టుకున్న ఇద్దరు వలస నాయకులు లాబీయింగ్ యత్నాల్లో నిమగ్నమై ఉన్నట్టు తెలుస్తోంది. ఆర్మూర్ నుండి ఇదివరకటి ఓయూ విద్యార్థి నేత రాజారాంయాదవ్ టిక్కెట్‌ను ఆశిస్తుండగా, ఎమ్మెల్సీ ఆకుల లలిత ఇప్పటికే గత పక్షం రోజుల ముందునుండే ఎన్నికల ప్రచారాన్ని హోరెత్తిస్తున్నారు. తనకు హైకమాండ్ పెద్దలు గ్రీన్ సిగ్నల్ ఇవ్వడం వల్లే అధికారిక ప్రకటనకు ముందే ప్రచార బరిలోకి దిగినట్టు ఆమె ధీమా వెలిబుచ్చుతున్నారు. అయితే కాంగ్రెస్ టిక్కెట్‌ను ఆశిస్తూ తెదెపాకు రాజీనామా చేసి ఆ పార్టీలో చేరిన రాజారాంయాదవ్‌కు ఈ పరిణామం మింగుడుపడని వ్యవహారంలా మారింది. ఆకుల లలితకు పోటీగా రాజారాంయాదవ్ కూడా ఒకటిరెండు రోజుల పాటు సెగ్మెంట్‌లో ప్రచారం చేసినప్పటికీ, లలితకే టిక్కెట్ వచ్చే అవకాశాలు ఎక్కువగా ఉన్నాయనే సంకేతాలు వెలువడడంతో అధిష్ఠానం పెద్దలను మచ్చిక చేసుకునే పనిలోపడ్డారు. హైదరాబాద్‌లో ముమ్మర ప్రయత్నాలు చేసిన ఆయన, ప్రస్తుతం ఢిల్లీకి మకాం మార్చి హైకమాండ్ పెద్దలను ఒప్పించే పనిలో నిమగ్నమయ్యారు. ఇదే బాటలో నిజామాబాద్ రూరల్ నుండి టిక్కెట్‌ను ఆశిస్తున్న మాజీ ఎమ్మెల్సీ అర్కల నర్సారెడ్డి కూడా ఢిల్లీకి చక్కర్లు కొడుతూ అభ్యర్థిత్వాన్ని ఎలాగైనా తనకే ఖరారు చేసుకోవాలనే పట్టుదలను ప్రదర్శిస్తున్నారు. రూరల్ సెగ్మెంట్‌ను మహాకూటమి పొత్తు ఒప్పందంలో భాగంగా తెలుగుదేశం పార్టీకి కేటాయిస్తారనే ప్రచారం నిన్నమొన్నటి వరకు జరిగింది. ఆ పార్టీకి చెందిన మాజీ మంత్రి మండవ వెంకటేశ్వరరావు ఎన్నికల బరిలోకి దిగనున్నారని అనుచరులు చెబుతూ వచ్చారు. అయితే పోటీకి మండవ సుముఖత వ్యక్తపర్చని కారణంగా రూరల్ టిక్కెట్‌ను ఇటీవలే కాంగ్రెస్‌లో చేరిన తెరాస అసమ్మతి నేత, ఎమ్మెల్సీ డాక్టర్ ఆర్.్భపతిరెడ్డికి కేటాయించనున్నారనే ప్రచారం తెరపైకి వచ్చింది. దీంతో ఆయన కంటే ముందే రూరల్ టిక్కెట్‌ను ఆశిస్తూ తెదెపాకు గుడ్‌బై చెప్పి తెరాసలో చేరిన మాజీ ఎమ్మెల్సీ అర్కల నర్సారెడ్డి టిక్కెట్ వేటను ముమ్మరం చేశారు. ఢిల్లీలో మకాం వేసి ఏఐసీసీ పెద్దలను ఒప్పించే పనిలో పడ్డారని తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.