రాష్ట్రీయం
ఔను! సీబీఐకి నో ఎంట్రీ
S ,7 à 8 RSCA (si SASPAS) et 6 cialis pharmacie cialis rapports de stage.
* కేంద్రానికి మేం భయపడం * హోంమంత్రి చినరాజప్ప స్పష్టీకరణ
అమరావతి, నవంబర్ 16: సీబీఐ ఎంట్రీని రద్దు చేస్తూ ఏపీ సర్కార్ తీసుకున్న నిర్ణయం కలకలం రేపుతోంది. కేంద్ర ప్రభుత్వ విచారణ సంస్థకు కోర్టు ఆదేశాల మేర ఏ రాష్ట్రంలో అయినా విచారించే అధికారం ఉందని పలువురు వాదిస్తుంటే సీబీఐ ఏర్పాటైన నాటి చట్టం ప్రకారం ఆ సంస్థ ఢిల్లీకే పరిమితమని రాష్ట్రాల్లో విచారణ జరపాలంటే అందుకు ఆయా ప్రభుత్వాల అనుమతి తప్పనిసరని ఆంధ్రప్రదేశ్ ప్రభుత్వం చెబుతోంది. ఇటీవల కాలంలో సీబీఐలో చోటుచేసుకున్న పరిణామాల నేపథ్యంలో న్యాయ నిపుణులు, మేధావుల సూచన మేరకు సాధారణ సమ్మతిని రద్దుచేస్తూ జీవో జారీ చేసినట్లు రాష్ట్ర హోం మంత్రి నిమ్మకాయల చినరాజప్ప స్పష్టం చేశారు. ఈ విషయమై సచివాలయంలో ఆయన శుక్రవారం మీడియాతో మాట్లాడుతూ ఢిల్లీ పోలీస్ చట్టం ప్రకారం 1946లో సీబీఐ ఏర్పాటైందని, అందువల్ల అది హస్తినకే పరిమితమని తేల్చి చెప్పారు. ఇకపై రాష్ట్రానికి చెందిన ఏ కేసైనా దర్యాప్తు చేయాలంటే రాష్ట్ర ప్రభుత్వం అనుమతి ఉండాల్సిందే అని స్పష్టం చేశారు. ఢిల్లీ స్పెషల్ పోలీస్ ఎస్టాబ్లిష్‌మెంట్ చట్టంలోని 6వ సెక్షన్ ప్రకారం సీబీఐ దర్యాప్తుకు రాష్ట్రాల సమ్మతి తప్పనిసరని గుర్తు చేశారు. ఉమ్మడి ఆంధ్రప్రదేశ్‌లో ఇచ్చిన సాధారణ సమ్మతి (జనరల్ కనె్సంట్)ని ప్రభుత్వం ఎప్పటికప్పుడు పొడిగిస్తూ వచ్చిందని చెప్పారు. దాన్ని రద్దు చేయటం వల్ల ఇకపై విచారణ నిమిత్తం రాష్ట్రానికి వస్తే ప్రభుత్వం అనుమతి తీసుకోవాల్సి ఉంటుందన్నారు. దీనికి సంబంధించి జీవో 126ను ఈనెల 8వ తేదీన విడుదల చేశామని కర్ణాటక ప్రభుత్వం కూడా సీబీఐకి ఇచ్చిన జనరల్ కనె్సంట్ రద్దు చేసిందని తెలిపారు. కేంద్ర ప్రభుత్వ ఉద్యోగులకు సంబంధించి ఏదైనా విచారణ జరపాల్సి వస్తే అందుకు రాష్ట్ర ప్రభుత్వ అనుమతి తీసుకోవాల్సిన అవసరంలేదని, రాష్ట్రానికి సంబంధించిన వ్యక్తులు, సంస్థల విషయాల్లో మాత్రం నిబంధనలు పాటించాల్సిందే అన్నారు.
ఈడీ అధికారాలు ఇలా ఉంటే, తమ పరిశీలనలోకి వచ్చిన కేసు దర్యాప్తుకు సంబంధించి ఎన్‌ఫోర్స్‌మెంట్ అధికారికి పూర్తి స్వేచ్ఛ ఉంటుంది. ఇందులో భాగంగా సాక్ష్యాధారాల సేకరణ, తదుపరి దర్యాప్తు చేయడం వంటి చర్యలను ఈడీ చేపట్టవచ్చు.అలాగే సాక్ష్యాల సేకరణ కోసం లాకర్ తెరిచే అలాగే అల్మారాలు పగులగొట్టే అధికారం కూడా దీనికి ఉంటుంది. తమ సాక్ష్యాధారాల అధారంగా మనీలాండరింగ్ తదితర నేరాల్లో ఎవరైనా దోషిగా తేలితే వారిని అరెస్టు చేసి కోర్టులో వ్యాజ్యాలు మొదలు పెట్టే అధికారం కూడా ఈడీకి ఉంటుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.