రాష్ట్రీయం
నాకెన్ని మార్కులేస్తారో మీ చేతిలోనే ఉంది
S ,7 à 8 RSCA (si SASPAS) et 6 cialis pharmacie cialis rapports de stage.
సిద్దిపేట రూరల్/ సిద్దిపేట అర్బన్/ సిద్దిపేట టౌన్, నవంబర్ 20: మీ ఇంట్లో బిడ్డగా.. మీ అందరి వాడిగా కష్ట సుఖాల్లో మీ కుటుంబ సభ్యుడిగా నాలుగున్నరేళ్లు పనిచేశా... ఈ ఎన్నికల పరీక్షల్లో ఎన్ని మార్కులు వేస్తారో మీ చేతిలో ఉందని, మీ కుటుంబ సభ్యుడిగా మీరు నన్ను ఆశీర్వదించాలని ఆపద్ధర్మ మంత్రి, సిద్దిపేట టీఆర్‌ఎస్ అభ్యర్థి తన్నీరు హరీష్‌రావు అన్నారు. సిద్దిపేట పత్తి మార్కెట్ యార్డు మైదానంలో జరిగిన టీఆర్‌ఎస్ ఆశీర్వాద సభలో మంత్రి హరీష్‌రావు మాట్లాడుతూ ముఖ్యమంత్రి కేసీఆర్ ఇచ్చిన దీవెనలతో, ప్రజల ఆశీర్వాదంతో నాలుగున్నరేళ్లుగా చేసిన అభివృద్ధి మీ కండ్ల ముందే ఉందన్నారు. ఇప్పుడు పరీక్ష వచ్చింది ఈ పరీక్షల్లో నాకు ఎన్ని మార్కులు వేస్తారో మీ చేతుల్లోనే ఉందన్నారు. మీ ఇంట్లో మీ కొడుకు పదవ తరగతి పరీక్ష వ్రాస్తే ఫస్ట్ క్లాస్‌లో పాసు కావాలని మీరు ఎలా కొరుకుంటారో, లెక్కల్లో వంద మార్కులు రావాలని ఎలా కోరుకుంటారో అలా మీ కుటుంబ సభ్యుడిగా నిలబడ్డాను, నాలుగున్నరేళ్లలో ప్రగతి పరీక్ష వ్రాశానని, ఈ పరీక్షల్లో నాకు ఎన్ని మార్కులు వేస్తారో మీ చేతుల్లోనే ఉందన్నారు.
ఎంత ఎదిగితే అంత ఒదిగి పనిచేయాలని కేసీఆర్ మాకు నేర్పారని, ప్రజల ఆశీస్సులు, దీవెనలు తీసుకొని ఆ శక్తి నుండి ప్రజలకు సేవ చేయాలని మాకు నేర్పించారన్నారు. ఐదు సార్లు ఎమ్మెల్యేగా గెలిపించి ఇక్కడ సేవ చేసే అదృష్టాన్ని కల్పించారు. కేసీఆర్ నాయకత్వంలో సిద్దిపేటను అన్ని రంగాల్లో అభివృద్ధి చేశానన్నారు. గతంలో సిద్దిపేటకు వచ్చినప్పుడు సీఎం కేసీఆర్ సిద్దిపేట జిల్లా, మెడికల్ కాలేజీ ఏర్పాటుతో పాటు రైల్వే లైన్ మూడు హామీ లిచ్చి నెరవేర్చిన తర్వాత మళ్లీ సిద్దిపేటకు వచ్చారన్నారు.
సీఎం ఆశీస్సులతోనే దుబ్బాక అభివృద్ధి
- మాజీ ఎమ్మెల్యే, టీఆర్‌ఎస్ అభ్యర్థి
సోలిపేట రామలింగారెడ్డి
దుబ్బాక నియోజకవర్గం అంటేనే కరవుతో విలయతాండవం చేస్తుండేదని, టీఆర్‌ఎస్ ప్రభుత్వం అధికారంలోకి వచ్చిన తర్వాత సీఎం కేసీఆర్ ఆశీస్సులతో దుబ్బాకను అన్ని రంగాల్లో అభివృద్ధి చేశానని దుబ్బాక మాజీ ఎమ్మెల్యే, టీఆర్‌ఎస్ అభ్యర్థి సోలీపేట రామలింగారెడ్డి అన్నారు. సిద్దిపేటలో జరిగిన టీఆర్‌ఎస్ ఆశీర్వాద సభలో ఆయన మాట్లాడుతూ ఇంటింటికి నల్లా కనెక్షన్ ఇచ్చి ఇంటింటికి మంచినీటి సరఫరాను చేయడం జరుగుతుందన్నారు. సీఎం కృషితోనే దుబ్బాకలో మంచినీటి సమస్యను పరిష్కరించుకోవడం జరిగిందన్నారు. సిద్దిపేట నుండి దుబ్బాకకు కాళేశ్వరం నీళ్లు కాలువల ద్వారా కరవును శాశ్వతంగా తరిమికొట్టేందుకు దుబ్బాక ప్రాంతంలో చెరువులు, కుంటలు, వాగులు ప్రధానంగా కూడవెళ్లి వాగును జీవనది చేస్తూ జలకళ సంతరించుకునేలా నింపి ఈ ప్రాంతం సస్యశ్యామలం చేసేందుకు సీఎం కృషి చేయడం జరిగిందన్నారు. ప్రభుత్వం చేపడుతున్న ప్రతి సంక్షేమ పథకాన్ని వందకు వందశాతం పూర్తి చేస్తామన్నారు.
చిత్రాలు.. ఆశీర్వాద సభలోమాట్లాడుతున్న టీఆర్‌ఎస్ అభ్యర్థి
హరీష్‌రావు. (ఇన్‌సెట్‌లో )*గులాబీ పూలతో సీఎంకు స్వాగతం పలుకుతున్న మంత్రి హరీష్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.