రాష్ట్రీయం
శబరిమలకు టీఎస్ ఆర్‌టీసీ ప్రత్యేక బస్సులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 21: శబరిమలకు వెళ్లే అయ్యప్ప భక్తుల రద్దీని దృష్టిలో పెట్టుకుని తెలంగాణ ఆర్‌టీసీ 56 ప్రత్యేక బస్సులను నడుపుతోందని రంగారెడ్డి ఆర్‌టీసీ ఆర్‌ఎం ఇ.యాదగిరిరెడ్డి చెప్పారు. బుధవారం నాడిక్కడ ఆయన మీడియా ప్రతినిధులతో మాట్లాడుతూ ప్రతి ఏటా అయ్యప్ప భక్తుల కోసం తెలంగాణ ఆర్‌టీసీ బస్సులు నడుపుతున్నామని చెప్పారు. ఈ ఏడాది అయ్యప్ప భక్తుల నుంచి ఎక్కువ వినతులు రావడంతో బస్సుల సంఖ్యను పెంచామన్నారు. ఇంధన ధరలు పెరిగినప్పటికీ అయ్యప్ప భక్తుల సేవ కోసం బస్సు అద్దెలు పెంచడంలేదని చెప్పారు. రంగారెడ్డి రీజియన్ పరిధిలోని హైదరాబాద్, సికింద్రాబాద్, పరిగి, చేవేళ్ళ, శంకర్‌పల్లి, తాండూర్ కేంద్రాలకు ఆయా బస్సులు బయలు దేరుతాయన్నారు. బస్సుల ఛార్జీ 1కిలోమీటరుకు 30,14,42,45 రూపాయలు వసూళ్ళు చేస్తామన్నారు. ప్రతి రోజు కనీసం ఒక బస్సు 480 కిలోమీటర్లు ప్రయాణం చేయాల్సి ఉంటుందన్నారు. ప్రతి బస్సులో ఇద్దరు వంట వారితో సహా ఇద్దరు మణికంఠ స్వాములతో పాటు ఒక లగేజ్ బాయ్‌కు అనుమతి ఇస్తామన్నారు. బస్సుల బుకింగ్ కోసం ఏజెంట్లకు రోజుకు ఒక బస్సుకు రూ 300 రూపాయలు కమీషన్ ఇస్తామన్నారు. బస్సులో ఆడియో, వీడియోతో పాటు మొబైల్ ఛార్జింగ్ సౌకర్యం ఏర్పాటు చేస్తున్నట్లు ఆయన చెప్పారు. బుధవారం రీజినల్ కార్యాలయంలో శబరిమలకు సంబంధించిన బ్రోచర్‌ను విడుదల చేశారు. ఈ కార్యక్రమంలో రీజినల్ మేనేజర్ యాదగిరి, సీనియర్ కస్టమర్ రిలేషన్ మేనేజర్ పీఎస్‌కే రెడ్డి, రంగారెడ్డి డివిజన్ మేనేజర్ శ్రీదేవి పాల్గొన్నారు.
చిత్రం..శబరిమల ప్రత్యేక బస్సులకు సంబంధించిన బ్రోచర్‌ను విడుదల చేస్తున్న ఆర్‌ఎం యాదగిరి, పీఎస్‌కే రెడ్డి, డీఎం శ్రీదేవి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.