రాష్ట్రీయం
వీవీ పాట్స్‌ను లెక్కించాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఈవీఎంలతో పాటు వివీపాట్స్‌ను కూడా లెక్కించాలని తెలంగాణ ప్రదేశ్ కాంగ్రెస్ కమిటీ ఎన్నికల కమిషన్‌ను డిమాండ్ చేసింది. తమకు ఈవీఎంలపై అనుమానాలు ఉన్నాయని టీపీసీసీ అధ్యక్షుడు ఉత్తమ్‌కుమార్‌రెడ్డి ఆరోపించారు. ఈవీఎంలకు అనుసంధానం చేసిన వీవీపాట్స్‌ను (ఓటర్ వెరిఫికేషన్ పాట్స్) లెక్కపెట్టిన తర్వాతనే ఫలితాలను ప్రకటించాలన్న తమ డిమాండ్‌కు ఎన్నికల కమిషన్ అంగీకరించక పోవడానికిగల అభ్యంతరం ఏమిటో చెప్పాలన్నారు. తాము వ్యక్తం చేసిన అభ్యంతరంపై రాష్ట్ర ఎన్నికల ముఖ్య అధికారికి, కేంద్ర ఎన్నికల సంఘానికి టీపీసీసీ తరఫున లిఖితపూర్వకంగా ఫిర్యాదు చేశామన్నారు. ఎన్నికల ఫలితాలపై ఉత్తమ్‌కుమార్‌రెడ్డి స్పందిస్తూ గాంధీభవన్‌లో ఆయన మీడియాతో మాట్లాడుతూ, ఎన్నికల కమిషన్ మొదటి నుంచి టీఆర్‌ఎస్ పార్టీకి అనుకూలంగా వ్యవహరిస్తోందని ఆరోపించారు. ఎన్నికల కమిషన్ కంటే ముందుగానే ఎన్నికల షెడ్యూల్‌ను సీఎం కేసీఆర్ ప్రకటించడం పట్ల తాము ఫిర్యాదు చేసినా ఎన్నికల కమిషన్ పట్టించుకోలేదన్నారు. అప్పటి నుంచి ఎన్నికల ఫలితాల దాకా టీఆర్‌ఎస్‌కు ఎన్నికల కమిషన్ సహకరిస్తూనే ఉందని విమర్శించారు. ఈవీఎంల బటన్‌పై నొక్కిన విధంగానే ఓటు పడిందా? లేదా? అని నిర్దారించుకోవడానికే ఎన్నికల కమిషన్ వివీపాట్స్‌ను ప్రవేశపెట్టిందన్నారు. మరి తమ డిమాండ్ మేరకు వివీపాట్స్‌ను ఎందుకు లెక్కపెట్టడం లేదని ఉత్తమ్‌కుమార్‌రెడ్డి ప్రశ్నించారు. ఒక్కో నియోజకవర్గానికి ఒక్క వివీపాట్స్‌ను మాత్రమే లెక్కిస్తామని ఎన్నికల కమిషన్ చెప్పడం కూడా తమకు అనుమానంగా ఉందన్నారు. అలాగైతే తాము సూచించిన బూతుల వివీపాట్స్‌ను మాత్రమే లెక్కించాలని కోరినా ఎన్నికల కమిషన్ అంగీకరించడం లేదన్నారు. అలాంటప్పుడు ఎవరి కోసం వివీపాట్స్‌ను ఏర్పాటు చేసినట్టు అని ఆయన ప్రశ్నించారు. అధికారులు నిర్ణయించిన వివీపాట్స్‌ను కాకుండా తాము సూచించిన వాటిని లెక్కపెట్టకపోవడం వల్ల తమ అనుమానాలకు మరింత బలం చేకూర్చినట్టు అయిందని ఉత్తమ్‌కుమార్‌రెడ్డి ఆరోపించారు. వీవీపాట్స్‌కు సంబంధించిన కేసు సుప్రీంకోర్టులో కూడా పెండింగ్‌లో ఉందని ఉత్తమ్‌కుమార్‌రెడ్డి గుర్తు చేశారు. జగిత్యాల జిల్లా ధర్మపురిలో తమ పార్టీకి చెందిన అభ్యర్థి లక్ష్మణ్ కేవలం 440 ఓట్లతో ఓడిపోయినట్టు ప్రకటించారన్నారు. రెండు లక్షల ఓట్లలో 440 స్వల్ప ఓట్ల తేడా ఉండటంతో వివీపాట్స్‌ను లెక్కించాలని తమ అభ్యర్థి డిమాండ్ చేసినా ఎన్నికల అధికారులు తిరస్కరించారన్నారు. గద్వాలలో కూడా తమ అభ్యర్థి డికె అరుణ వివీపాట్స్‌ను లెక్కించాలని కోరినా ఎన్నికల అధికారులు పట్టించుకోలేదన్నారు. ఈ అంశంపై తమ పార్టీ కేంద్ర ఎన్నికల అధికారిని కూడా తమ పార్టీ కలువనుందని ఆయన తెలిపారు.
చిత్రం..ఫలితాలు వెలువడిన తరువాత మీడియాతో మాట్లాడుతున్న పీసీసీ చీఫ్ ఉత్తమ్‌కుమార్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.