రాష్ట్రీయం
కేసీఆర్ అనే నేను..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 13: తెలంగాణ ముఖ్యమంత్రిగా కల్వకుంట్ల చంద్రశేఖర్‌రావు గురువారం మధ్యాహ్నం 1.25 నిమిషాలకు రాజ్‌భవన్ దర్బార్ హాల్‌లో ప్రమాణ స్వీకారం చేశారు. గవర్నర్ ఇఎస్‌ఎల్ నరసింహన్ కేసీఆర్‌తో ప్రమాణ స్వీకారం చేయించారు. సీఎంతో పాటు మహమూద్ అలీ ఒక్కరే మంత్రిగా ప్రమాణ స్వీకారం చేశారు. మంత్రివర్గం కూర్పు కసరత్తు ముగిసాక మరో నాలుగైదు రోజుల్లో పూర్తిస్థాయి మంత్రిమండలి ప్రమాణ స్వీకారం చేయనున్నట్టు సీఎం కార్యాలయ వర్గాల సమాచారం. ఇలా ఉండగా తెలంగాణ సీఎంగా బాధ్యతలు చేపట్టడం కేసీఆర్‌కు ఇది రెండోసారి. తెలంగాణ రాష్ట్రం ఏర్పాటు తర్వాత జూన్ 2, 2014లో మొదటిసారి ముఖ్యమంత్రిగా కేసీఆర్ బాధ్యతలు చేపట్టారు. అయితే తొమ్మిది నెలల ముందు సెప్టెంబర్ 6న శాసనసభను రద్దు చేసి ముందస్తు ఎన్నికలకు వెళ్లిన విషయం తెలిసిందే. శాసనసభ రద్దు తర్వాత మూడు నెలలపాటు అపద్ధర్మ ముఖ్యమంత్రిగా కొనసాగారు. ఈ మధ్య కాలంలో శాసనసభ ఎన్నికల ప్రక్రియ ముగిసి తిరిగి టీఆర్‌ఎస్ రెండోసారి కూడా అధికార పీఠాన్ని దక్కించుకుంది. కొత్త సభ్యులు శాసనసభా పక్షం సమావేశంలో కేసీఆర్‌ను సభా నాయకునిగా ఏకగ్రీవంగా ఎన్నుకున్నారు. ఆపద్ధర్మ ముఖ్యమంత్రి పదవికి కేసీఆర్ రాజీనామా చేయడంతో గవర్నర్ నరసింహన్ ప్రభుత్వం ఏర్పాటుకు ఆహ్వానించారు. ఈ మేరకు గురువారం సీఎంగా ప్రమాణ స్వీకారం చేశారు. గత మంత్రివర్గంలో ఉప ముఖ్యమంత్రిగా పనిచేసిన మహమూద్ అలీ ఒక్కర్నే లాంఛనప్రాయంగా మంత్రివర్గంలోకి తీసుకున్నారు. శాసనసభ సభ్యుల సంఖ్య ప్రకారం రాష్ట్రంలో సీఎంతో కలిపి మొత్తం 18 మందికి మాత్రమే మంత్రివర్గంలో చోటు కల్పించాల్సి ఉంటుంది. మరో 16 మందిని మంత్రివర్గంలోకి తీసుకునే అవకాశం ఉంది. ఇలా ఉండగా ముఖ్యమంత్రి ప్రమాణ స్వీకారోత్సవానికి ఎంపీలు, మాజీ మంత్రులు, ఎన్నికైన కొత్త శాసన సభ్యులు, ప్రభుత్వ ప్రధాన కార్యదర్శి ఎస్‌కె జోషీ, డీజీపీ మహేందర్‌రెడ్డి, ప్రత్యేక ప్రధాన కార్యదర్శులు, ముఖ్య కార్యదర్శులు, పార్టీ నేతలు హాజరయ్యారు. వేములవాడ శ్రీరాజరాజేశ్వరి ఆలయం నుంచి వచ్చిన అర్చకులు సీఎం కేసీఆర్‌కు అమ్మవారి తీర్థప్రసాదాలు అందజేసి ఆశీర్వదించారు.
రాజ్‌భవన్‌లో గురువారం ముఖ్యమంత్రిగా ప్రమాణ స్వీకారం చేస్తున్న కే. చంద్రశేఖరరావు. చిత్రంలో గవర్నర్ నరసింహన్ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.