రాష్ట్రీయం
మహమూద్ అలీకి హోంశాఖ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 13: ముఖ్యమంత్రి కేసీఆర్‌తో పాటు మంత్రిగా ప్రమాణ స్వీకారం చేసిన మహమూద్ అలీకి హోంశాఖను కేటాయించారు. ఈ మేరకు అధికారికంగా సీఎం ఆదేశాలు జారీ చేశారు. గతంలో ఈ శాఖను నిర్వహించిన ఎమ్మెల్సీ నాయిని నరసింహారెడ్డిని శాసనమండలి చైర్మన్‌గా నియమించే అవకాశం ఉన్నట్టు టీఆర్‌ఎస్ వర్గాల సమాచారం. మంత్రిమండలి కూర్పుపై సీఎం కేసీఆర్ కసరత్తు ప్రారంభించారు. కూర్పు కసరత్తు ముగిసాక నాలుగైదు రోజుల్లో పూర్తిస్థాయి మంత్రివర్గం ప్రమాణ స్వీకారం చేయనున్నట్టు సమాచారం. ఇలా ఉండగా మంత్రివర్గం కూర్పులో హైదరాబాద్ నగరం నుంచి ఎవరికి అవకాశం కల్పించాలన్న అంశమే కాస్త పీటముడిగా మారినట్టు సమాచారం. హైదరాబాద్ నుంచి ఎమ్మెల్యేలుగా ఎన్నికైన వారిలో ఇద్దరు మాజీ మంత్రులు ఉండటంతో వీరికి తిరిగి మంత్రివర్గంలో స్థానం కల్పించడంతో పాటు కొత్తగా మరొకరికి అవకాశం ఉన్నట్టు సమాచారం. హైదరాబాద్ నగరం నుంచి ఇప్పటికే మహమూద్ అలీని హోంమంత్రిగా నియమించడంతో మరో ఇద్దరు లేక ముగ్గురికి మాత్రమే మంత్రిమండలిలో అవకాశం ఉన్నట్టు సమాచారం. ఇద్దరికే కల్పించాల్సి వస్తే గతంలో మంత్రులుగా పనిచేసిన పద్మారావు, తలసాని శ్రీనివాస్ యాదవ్ ఉంటారని తెలిసింది. వీరు కాకుండా మరొకరికి అవకాశం కల్పించాల్సి వస్తే దానం నాగేందర్‌కు గానీ, కూకట్‌పల్లి నుంచి గెలుపొందిన మాధవరం కృష్ణారావుకు అవకాశం ఉండవచ్చని భావిస్తున్నారు. ఉమ్మడి రంగారెడ్డి జిల్లా నుంచి గత మంత్రివర్గంలో ఉన్న పట్నం మహేందర్‌రెడ్డి తాండూరు స్థానంలో ఓటమి పొందారు. దీంతో ఈయన స్థానంలో తిరిగి రెడ్డి సామాజిక వర్గానికే అవకాశం కల్పించాలని సీఎం కేసీఆర్ భావిస్తోన్నట్టు తెలిసింది. మహేందర్‌రెడ్డి సోదరుడు పట్నం నరేందర్‌రెడ్డి కొడంగల్ నుంచి గెలిచారు. ఇక్కడ కాంగ్రెస్ వర్కింగ్ ప్రెసిడెంట్ రేవంత్‌రెడ్డిని నరేందర్‌రెడ్డి ఓడించారు. టీఆర్‌ఎస్ టార్గెట్‌గా పెట్టుకున్న రేవంత్‌రెడ్డిని ఓడించిన నరేందర్‌రెడ్డికి మంత్రి పదవి ఇవ్వాలా? లేక సిట్టింగ్ ఎంపీగా ఉండి ఈ ఎన్నికల్లో మేడ్చల్ నుంచి ఎమ్మెల్యేగా గెలుపొందిన సిహెచ్ మల్లారెడ్డికి అవకాశం కల్పించాలా? అన్న అంశం కేసీఆర్ పరిశీలిస్తున్నట్టు తెలిసింది. ఉమ్మడి మహబూబ్‌నగర్ జిల్లా వనపర్తి నుంచి గెలుపొందిన నిరంజన్‌రెడ్డికి ఈసారి మంత్రివర్గంలో స్థానం కల్పించాలని సీఎం భావిస్తోన్నట్టు తెలిసింది. ఎన్నికల ప్రచార సభలోనే ఈ మేరకు నిరంజన్‌రెడ్డికి పెద్ద పదవి ఇవ్వబోతున్నట్టు కేసీఆర్ ప్రకటించారు. పైగా ఇదే జిల్లా నుంచి మంత్రిగా ఉన్న జూపల్లి కృష్ణారావు కొల్లాపూర్‌లో ఓటమి పాలు కావడంతో నిరంజన్‌రెడ్డికి లైన్ క్లియర్ అయింది. ఇప్పటికే ఈ జిల్లా నుంచి మరొకరు డాక్టర్ లక్ష్మారెడ్డి మంత్రిగా పని చేశారు. ఈ సారి మంత్రివర్గంలో కూడా లక్ష్మారెడ్డికి అవకాశం ఉంటుందనడంలో ఎలాంటి సందేహం లేదు. అయితే ఇదే జిల్లా మహబూబ్‌నగర్ నుంచి రెండవసారి అత్యధిక మెజార్టితో గెలిచిన శ్రీనివాస్‌గౌడ్‌కు కూడా అవకాశం లభించే అవకాశం ఉన్నట్టు పార్టీ వర్గాలు కచ్చితంగా చెబుతున్నాయి. గత మంత్రి వర్గంలో వెలమ సామాజిక వర్గానికి చెందిన జూపల్లి కృష్ణారావు ఈ ఎన్నికల్లో ఓటమి చెందడంతో ఈయన స్థానంలో ఇదే సామాజిక వర్గానికి చెందిన ఉమ్మడి వరంగల్ జిల్లా పాలకుర్తి నుంచి గెలుపొందిన సీనియర్ నాయకుడు ఎర్రబెల్లి దయాకర్‌రావుకు అవకాశం లభించవచ్చని తెలిసింది. శాసనసభలో తన తర్వాత సీనియర్ ఎర్రబెల్లి దయాకర్‌రావు అని సీఎం కేసీఆర్ వ్యాఖ్యానించడంతో ఈయనకు మంత్రిమండలి స్థానం ఖాయం అయినట్టేనని పార్టీ వర్గాలు భావిస్తున్నాయి. ఈ ఎన్నికల్లో ఇద్దరు ఎమ్మెల్సీలు ఎమ్మెల్యేలుగా ఎంపిక కావడంతో వీరి స్థానంలో మాజీ స్పీకర్ కేఆర్ సురేశ్‌రెడ్డికి మంత్రివర్గంలో స్థానం లభించే అవకాశం లేకపోలేదని పార్టీ వర్గాల సమాచారం.
చిత్రం..ప్రమాణ స్వీకారోత్సవ వేదికపై కేసీఆర్, మహమూద్ అలీ ఆలింగనం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.