రాష్ట్రీయం
ఏపీలో బలమైన పార్టీకి మద్దతు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఆంధ్రప్రదేశ్ రాష్ట్రంలో జరగనున్న ఎన్నికల్లో బలమైన ప్రాంతీయ పార్టీకి మద్దతునిస్తామని టీఆర్‌ఎస్ వర్కింగ్ ప్రెసిడెంట్ కే. తారక రామారావు ప్రకటించారు. సోమాజీగూడ ప్రెస్ క్లబ్ నిర్వహించిన మీట్ ద ప్రెస్‌లో కేటీఆర్ పాల్గొన్నారు. ఈ సందర్భంగా విలేఖరులు అడిగిన ప్రశ్నలకు ఆయన సమాధానలిచ్చారు. ఆంధ్ర రాజకీయాల్లో కల్పించుకోవాల్సిందిగా అక్కడి ప్రజలు కోరుతున్నారని కేటీఆర్ లోగడ చెప్పిన అంశాన్ని ఒక విలేఖరి ప్రస్తావిస్తూ, ఎవరికి మద్దతునిస్తారని ప్రశ్నించగా,
కేటీఆర్ స్పందిస్తూ ‘ఒక బలమైన ప్రాంతీయ పార్టీకి మద్దతు ఇస్తాం’ అని బదులిచ్చారు. వైఎస్సార్ కాంగ్రెస్ పార్టీ అని ఆయన చెప్పకుండా పరోక్షంగా బలమైన ప్రాంతీయ పార్టీ అని చెప్పడం గమనార్హం. ముఖ్యమంత్రి కే. చంద్రశేఖర్ రావు భారత దేశం అభివృద్ధి కోసం పని చేయాలని ఫెడరల్ ఫ్రంట్ ఏర్పాటు దిశగా అడుగులు వేస్తుంటే, ఏపీ ముఖ్యమంత్రి చంద్రబాబు తెలుగు దేశం పార్టీ కోసం ఫ్రంట్ అంటూ తిరుగుతున్నారని ఆయన వ్యంగ్యోక్తులు విసిరారు. ప్రజాబలం లేని ప్రజాకూటమిని రాష్ట్రంలో ఏ మాత్రం బలం లేని చంద్రబాబు ప్రజలపై రుద్దాలని యత్నించారని ఆయన విమర్శించారు. ప్రజా చైతన్యం ముందు ఏ శక్తి నిలవదని ఈ ఎన్నికలతో స్పష్టమైందన్నారు. మూడు రాష్ట్రాల్లో కాంగ్రెస్ గెలిస్తే అక్కడ ఈవీఎంల ట్యాంపరింగ్ జరగలేదట, కానీ తెలంగాణలో టీఆర్‌ఎస్ గెలవగానే ఈవీఎంల ట్యాంపరింగ్ అంటూ ఆ పార్టీ నాయకులు విమర్శిస్తున్నారని ఆయన ఎద్దేవా చేశారు. తమ పార్టీపై దుష్ప్రచారం చేసే వారి విజ్ఞతకే వదిలి వేస్తున్నానని అన్నారు. మరి కొంత మంది ఉత్సాహంగా హంగ్ వస్తుందని అన్నారని ఆయన చెప్పారు. సీఎం కేసీఆర్ మాత్రం టీఆర్‌ఎస్‌కు సంపూర్ణమైన మెజారిటీ లభిస్తుందని మొదటి నుంచీ చెప్పారని ఆయన గుర్తు చేశారు. ప్రజాస్వామ్యంలో ప్రతిపక్షాల పాత్ర కీలకంగా ఉండాలి కదా? అని ప్రశ్నించగా, ఆ పాత్రను మీడియా పోషించాలని కేటీఆర్ స్పష్టం చేశారు. వార్తలు నిష్పాక్షికంగా ఉండాలని ఆయన అన్నారు. పత్రికలు స్వీయ నియంత్రణ పాటించాలని ఆయన సూచించారు. తాను రాహుల్‌ను, ప్రధానిని తిడితే దానిని ప్రచురించరాదని, ఎలక్ట్రానిక్ మీడియాలో చూపించరాదని ఆయన కోరారు. అదేవిధంగా ఎవరైనా కేసీఆర్‌ను తిట్టినా చూపించవద్దని, ప్రచురించవద్దని కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.