రాష్ట్రీయం
తెరాస అంటే... ‘తిరుగులేని రాజకీయ శక్తి’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెసంబర్ 15: టీఆర్‌ఎస్ అంటే తెలంగాణ రాష్ట్ర సమితినే కాదు ‘తెలంగాణ రాజకీయ శక్తి’ అని ఆ పార్టీ నూతన వర్కింగ్ ప్రెసిడెంట్‌గా నియమితులైన కే. తారక రామారావుస్పష్టం చేశారు. లోక్‌సభకు జరగబోయే ఎన్నికల్లో టీఆర్‌ఎస్ 16 సీట్లను గెలుచుకుంటుందని ఆయన ధీమా వ్యక్తం చేశారు. శనివారం సోమాజిగూడ ప్రెస్‌క్లబ్‌లో ఏర్పాటైన మీట్ ద ప్రెస్‌లో కేటీఆర్ పాల్గొన్నారు. ‘అసెంబ్లీ ఎన్నికల్లో విజయం సాధించిన తర్వాత ప్రెస్‌క్లబ్‌కు వస్తానని చెప్పాను. అలాగే మీడియా మందుకు రానని అన్నాను’ అని కేటీఆర్ గుర్తుచేశారు. ఇటీవల ఎన్నికల యుద్ధంలో విజయం సాధించి సంతోషంగా ఉన్న పార్టీ కార్యకర్తలు, భవిష్యత్‌లో మరిన్ని పోరాటాలకు సిద్ధం కావాలని ఆయన పిలుపునిచ్చారు. చిరస్మరణీయంగా ఉండేలా చారిత్రాత్మక తీర్పు ఇచ్చిన తెలంగాణ ప్రజలకు తాను శిరస్సు వంచి కృతజ్ఞతలు చెబుతున్నానని అన్నారు. తాను జీవించి ఉన్నంత వరకూ ఈ తీర్పును మరచిపోలేనని కేటీఆర్ చెప్పారు. రాష్ట్ర ప్రజలు కేసీఆర్‌ను తమ గుండెల్లో ఎంతగా పదిలంగా ఉంచుకున్నారో ఈ ఫలితాలతో స్పష్టమైందన్నారు. రాష్ట్ర ప్రజల ప్రయోజనాలకు టీఆర్‌ఎస్ రక్షణ కవచం ఉంటిదని ఆయన చెప్పారు. స్వీయ రాజకీయమే శ్రీరామరక్ష అని ప్రొఫెసర్ జయశంకర్ చెబుతుండే వారని ఆయన గుర్తు చేశారు. సిట్టింగ్ ప్రభుత్వం సానుకూల ఓట్లతో విజయం సాధించడం అసాధారణ విషయమని ఆయన స్పష్టం చేశారు. ఎన్నికల్లో టీఆర్‌ఎస్‌కు 98 లక్షల ఓట్లు లభించాయని, తమ పార్టీకి, కాంగ్రెస్‌కు మధ్య 42 లక్షల ఓట్ల తేడా ఉందని ఆయన చెప్పారు. బీజేపీకి వంద సీట్లలో డిపాజిట్లు గల్లంతు అవుతాయని తాను ఎన్నికలకు ముందు చెప్పానని, చివరకు ఫలితాల్లో 103 స్థానాల్లో డిపాజిట్లు గల్లంతయ్యాయని ఆయన తెలిపారు. దేశ రాజకీయాల్లో కీలక పాత్ర పోషించాలని భావిస్తున్న ముఖ్యమంత్రి కే. చంద్రశేఖర్ రావు తనను వర్కింగ్ ప్రెసిడెంట్‌గా నియమించినందుకు పాదాభివందనం చేస్తున్నానని అన్నారు. టీఆర్‌ఎస్‌ను రాజకీయంగా మరింత పటిష్టవంతం చేసేందుకు కేసీఆర్ తనకు ఈ బాధ్యత అప్పగించారని ఆయన తెలిపారు. గ్రామ స్థాయి నుంచి రాష్ట్ర స్థాయి వరకూ వందేళ్ల పాటు పటిష్టంగా ఉండేలా చర్యలు తీసుకుంటామని చెప్పారు. తాను పరోక్షంగా 8 ఎన్నికల్లో పని చేశానని, నాలుగు ఎన్నికల్లో విజయం సాధించానని కేటీఆర్ చెప్పారు. పంచాయతీరాజ్, పార్లమెంటు, మున్సిపల్, జిల్లా, సొసైటీ, మండల పరిషత్ ఎన్నికలను సమర్థంగా ఎదుర్కొవడాని చర్యలు చేపట్టనున్నట్లు ఆయన తెలిపారు.
వచ్చే ఏడాది జరగబోయే లోక్‌సభ ఎన్నికల్లో తమ పార్టీ సునాయసంగా 16 సీట్లను కైవసం చేసుకుంటుందని కేటీఆర్ ధీమాగా చెప్పారు. ఇప్పటికే 14 స్థానాలు తమ పార్టీ గెలుపొందిందని ఆయన ఒక ప్రశ్నకు సమాధానంగా అన్నారు. లోక్‌సభలో ఒక్కోసారి ఒక్క సీటు కూడా కీలకమే అవుతుందని ఆయన చెప్పారు. కాంగ్రెస్-బీజేపీలకు ప్రత్యామ్నాయంగా కేసీఆర్ ఫ్రంట్‌ను ఏర్పాటు చేయనున్నందున, అది కీలక పాత్ర పోషిస్తుందన్నారు. అసెంబ్లీ ఎన్నికల ఫలితాలను బట్టి చూస్తే 15 లోక్‌సభ సీట్లలో తమకు స్పష్టమైన మెజారిటీ కనిపిస్తున్నదని, ఒక్క ఖమ్మం లోక్‌సభ స్థానంలోనే అధిక్యత లేదని, అక్కడ దృష్టి కేంద్రీకరిస్తామని ఆయన చెప్పారు. రాష్ట్రంలో అమలులో ఉన్న సంక్షేమ కార్యక్రమాలు దేశవ్యాప్తంగా అమలు కావాలంటే టీఆర్‌ఎస్ నిర్ణయాత్మక పాత్ర పోషించాలని ఆయన అన్నారు.
గతంలో ఇచ్చిన హామీ ప్రకారం జర్నలిస్టుల ఇళ్ళ స్థలాలు, హెల్త్ కార్డుల వంటి సమస్యలు పరిష్కరిస్తామని ఆయన హామీ ఇచ్చారు.
చిత్రం..టీఆర్‌ఎస్ వర్కింగ్ ప్రెసిడెంట్ కేటీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.