రాష్ట్రీయం
సత్వర న్యాయం.. తక్షణ పరిష్కారం
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, డిసెంబర్ 15: మారుతున్న పరిస్థితులకు అనుగుణంగా ఆధునిక సమాచార వ్యవస్థతో కోర్టులు, పోలీస్ శాఖల మధ్య సమాచారాన్ని ఇచ్చిపుచ్చుకునే సంబంధాలను వేగవంతం చేసుకోవాలని సుప్రీం కోర్టు న్యాయమూర్తి మదన్ బి లోకూర్ సూచించారు. నూతన పైలెట్ ప్రాజెక్టుతో కోర్టు, పోలీస్ శాఖల మధ్య పనిభారం తగ్గుతుందని ఆయన అభిప్రాయపడ్డారు. శనివారం వరంగల్ జిల్లా సుబేదారి పోలీస్ స్టేషన్ నుంచి సమాచార పైలెట్ ప్రాజెక్టును ఆయన ప్రారంభించారు. ఈ సందర్భంగా ఆయన మాట్లాడుతూ ఆధునిక వ్యవస్థను తొలి ప్రయత్నంగా తెలంగాణలో ఏర్పాటు చేయడం పట్ల ఆయన తెలంగాణ డీజీపీ మహేందర్‌రెడ్డిని అభినందించారు.
పోలీస్ స్టేషన్లను న్యాయ వ్యవస్థతో అనుసంధానం చేస్తూ నూతనంగా రూపొందించిన ఇంటర్ ఆపరబుల్ క్రిమినల్ జస్టిస్ సిస్టంను ఆయన వీడియో కాన్ఫరెన్స్ ద్వారా వివరాలను తెలుసుకున్నారు. ప్రస్తుతం అందుబాటులో ఉన్న ఆధునిక పరిజ్ఞానాన్ని వినియోగించుకొని కోర్టు, పోలీస్ విభాగాల అనుసంధానం చేయడం ద్వారా త్వరితగతిన కోర్టులో కేసులను పరిష్కరించడంతోపాటు బాధితులకు స్వత్వరమే న్యాయం కల్పించడం కోసం సుప్రీం కోర్టు పర్యవేక్షణలో నూతనంగా ఇంటర్ ఆపరబుల్ క్రిమినల్ జస్టిస్ సిస్టం (ఐసీజేఎస్) రూపొందించబడిందని అన్నారు. ప్రస్తుతం ఈ ఐసీజేఎస్ పరిజ్ఞానాన్ని వినియోగించుకొని పోలీస్ స్టేషన్లలో నమోదు అయిన కేసులను క్షణాల్లో స్ధానిక కోర్టుకు అనుసంధానం చేయడంతో పాటు, కేసులకు సంబంధించిన చార్జీషీట్లను సైతం ఐసీజేఎస్ ద్వారా కోర్టుకు అందజేసేందుకు వీలుంటుందని అన్నారు. పోలీస్ స్టేషన్‌లో నమోదు అయిన కేసులు తాలుకా ఎఫ్‌ఐఆర్ కాఫీతో పాటు చార్జిషీట్ల సైతం పోలీస్ సిబ్బంది స్ధానిక కోర్టుకు అందజేయడంతో పాటు సీసీ నెంబర్లు, వారెంట్లు, సమన్లను కూడా కోర్టు ద్వారా పోలీస్ సిబ్బంది పొందాల్సి ఉంటుందని ఆయన తెలిపారు. ఇది దృష్టిలో పెట్టుకొని కోర్టు, పోలీసుల మధ్య అనుసంధానం చేయడంతో పాటు సమయాన్ని ఆదా చేయడం, పోలీస్ సిబ్బంది వినియోగాన్ని తగ్గించడం కోసం ఈ ఐసీజేఎస్ పరిజ్ఞానాన్ని దేశ వ్యాప్తంగా అమలు చేసేందుకు సుప్రీం కోర్టు ప్రణాళికను రూపొందించుకోవడం జరిగిందన్నారు. ఈ ఫైలట్ ప్రాజెక్టులో భాగంగా దేశంలోనే తొలి పోలీస్ స్టేషన్‌గా వరంగల్ పోలీస్ కమిషనరేట్ పరిధిలోని సుబేదారి పోలీస్ స్టేషన్‌ను ఎంపిక చేయడం జరిగిందన్నారు. ఈ ఫైలట్ ప్రాజెక్టు ప్రారంభించిన అనంతరం వరంగల్ పోలీస్ కమిషనర్ రవీందర్ తొలిసారిగా సుబేదారి పోలీస్ స్టేషన్ నందు చివరిగా నమోదయైన కేసుకు సంబంధించిన పూర్తి సమాచారాన్ని పోలీస్ కమిషనర్ సుప్రీం కోర్టు న్యాయమూర్తికి వీడియో కాన్ఫరెన్స్ ద్వారా వివరించారు. ఈ సందర్బంగా ఐసీజేఎస్ పరిజ్ఞానాన్ని అందుబాటులో తీసుకరావడంలో కృషి చేసిన వారందరికి ప్రత్యేకంగా వరంగల్ పోలీసులకు అభినందనలు తెలియజేశారు. దేశ వ్యాప్తంగా ఎక్కువ సంఖ్యలో పోలీస్ కేసులు పెండింగ్‌లో ఉన్నాయని ఇందుకు కారణం కేసులకు సంబంధించి పత్రాలను సమయానికి అందజేయకపోవడంతో పాటు సాక్షులు కోర్టుకు హాజరకాకపోవడంతో కోర్టుల్లో చాలా సంవత్సరాలుగా కేసులు పెండింగ్‌లో ఉన్నాయని అన్నారు. వీటనంటిని అధిగమించేందుకుగాను ఐసీజేఎస్ విధానాన్ని అమలు పర్చడం ద్వారా కేసులను సత్వర్యంగా పరిష్కరించి బాధితులకు న్యాయం చేయండంతో పాటు నింధితులకు శిక్షలు పడే అవకాశాల సంఖ్య ఘననీయంగా పెరుగుతుందని తెలియజేశారు. అనంతరం ఈ వీడియో సమావేశంలో హాజరైయిన తెలంగాణ రాష్ట్ర పోలీస్ డీజీపీ ఎం. మహేందర్ రెడ్డి వరంగల్ కమిషనర్ రవీందర్‌తో పాటు సుబేదారి ఇన్స్‌స్పెక్టర్ సదయ్యను ప్రత్యేకంగా అభినందించారు. ఈ ప్రాజెక్టు నిర్వహణలో సుబేదారి పోలీసులు దేశంలోని అన్ని పోలీస్ విభాగాలకు ఆదర్శంగా నిలవాలని సూచించారు. ఈ సమావేశంలో సెంట్రల్ జోన్ డీసీపీ వెంకట్‌రెడ్డి, హన్మకొండ ఎసీపీ చంద్రయ్యర, తదితరులు పాల్గొన్నారు.
చిత్రం..వీడియో కాన్ఫరెన్స్ ద్వారా మాట్లాడుతున్న సుప్రీం కోర్టు న్యాయమూర్తి మదన్ బి. లోకూర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.