రాష్ట్రీయం
ప్రధాని పదవిపై ఆశలేదు
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ సిటీ:: దేశ రాజకీయాల్లో కీలకపాత్రను పోసిస్తున్నప్పటకీ ప్రధాన మంత్రి పదవిపై తనకు ఎలాంటి ఆశలేదని, తనకు రాష్ట్ర ప్రయోజనాలే ముఖ్యమని ముఖ్యమంత్రి చంద్రబాబునాయుడు వ్యాఖ్యానించారు. తూర్పుగోదావరి జిల్లా తాళ్ళరేవు మండలంలో పెథాయ్ తుపాను ప్రభావిత ప్రాంతాలను మంగళవారం మధ్యాహ్నం సందర్శించిన అనంతరం ముఖ్యమంత్రి చంద్రబాబునాయుడు కాకినాడ కలెక్టరేట్‌లో నూతనంగా నిర్మించిన కమాండ్ కంట్రోల్ రూమ్‌లో పాత్రికేయులతో మాట్లాడారు. ప్రధాని మంత్రి అవుతారా అని ఒక విలేఖరి
ప్రశ్నించనపుడు తనకు పదవుల కంటే ప్రజాస్వామ్య పరిరక్షణే ముఖ్యమన్నారు. ప్రధాన మంత్రి మోదీ తనకు అందరూ లొంగి ఉండాలనే భావంతో ఉన్నారని, అందుకు టీఆర్‌ఎస్, రాష్ట్రంలోని కొంతమంది రాజకీయ నాయకులు సరెండర్ అవుతున్నారని ఆరోపించారు. వారికి త్వరలోనే ప్రజలు మంచి బహుమతి (గిఫ్ట్) ఇవ్వబోతున్నారన్నారు. త్వరలో దేశ రాజకీయాల్లో పెనుమార్పులు రాబోతున్నాయని, ఇందులోభాగంగానే తాజాగా జరిగిన శాసన ఎన్నికల్లో మూడు రాష్ట్రాల్లో కాంగ్రెస్‌పార్టీ విజయం సాధించిందన్నారు. తుపాను వస్తుంటే ఇతర రాష్ట్రాల ముఖ్యమంత్రుల ప్రమాణ స్వీకారాలకు హాజరయ్యారని వచ్చిన విమర్శలపై ముఖ్యమంత్రి స్పందిస్తూ తాను ఆ కార్యక్రమానికి హాజరైనప్పటకీ తన మనస్సు అంతా రాష్ట్రంపైనే ఉందని, ఎక్కడ ఉన్నా తుపాను పరిస్థితులను ఎప్పటికప్పడు సమర్థవంతంగా పర్యవేక్షించినట్టు పేర్కొన్నారు. అయితే తనను విమర్శిస్తున్న నాయకులు, పక్కనే ఉన్న గ్రామంలో తుపాను వస్తే కనీసం సందర్శనకు కూడా వెళ్లరని ఆరోపించారు. వారు తుపాన్లు వస్తే స్పందించరు, ప్రత్యేక హోదాకోసం అడగరు, విశాఖ రైల్యేజోన్ విషయం ప్రస్తావించరు, పెట్రోకెమికల్ కారిడార్ కోసం మాట్లాడరు, కడప ఉక్కు ఫ్యాక్టరీ కోసం కనీసం అడగనైనా అడగరని, వారా తనను విమర్శించేది అని చంద్రబాబు దుయ్యబట్టారు. తుపాను ప్రభావంతో వాతావరణం అనుకూలంగా లేదంటూ త్వరగా విలేఖరుల సమావేశాన్ని ముగించి రాజధాని అమరావతికి పయనమయ్యారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.