రాష్ట్రీయం
కేసీఆర్ ద్విముఖ వ్యూహం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 14: అసెంబ్లీ ఎన్నికల్లో ఘన విజయం సాధించిన తర్వాత టీఆర్‌ఎస్ అధ్యక్షుడు, ముఖ్యమంత్రి కే.చంద్రశేఖర్ రావు ద్విముఖ వ్యూహంతో దూసుకెళుతున్నారు. ఒకవైపు గ్రామ స్థాయి నుంచి పార్టీని మరింత పటిష్టవంతం చేయడం, మరోవైపు ప్రభుత్వ పథకాలను సమర్థవంతంగా అమలు చేయించడం. పార్టీకి కార్యకర్తలు, అభిమానులు, ప్రజలు అండగా ఉన్నప్పటికీ, ఇకమీదట పోలింగ్ కేంద్రం స్థాయి నుంచి కమిటీలను పటిష్టవంతం చేయడం, వారికి శిక్షణ ఇవ్వడం, అండగా ఉండడం వంటివి చేయాలని భావిస్తున్నారు. ఈ మేరకు తన కుమారుడు, యువ నాయకుడైన కే.తారక రామారావుకు పూర్తిగా పార్టీ బాధ్యతలు అప్పగించి, తాను ప్రభుత్వ పథకాలపై ఎప్పటికప్పుడు సమీక్ష చేస్తూ, వాటిని సమర్థంగా అమలు చేయడం ద్వారా పార్టీని ఇక తిరుగులేని శక్తిగా మార్చాలని ఆయన సంకల్పించారు. ముఖ్యంగా ప్రభుత్వ పథకాల అమలులో తప్పిదాలు, లోపభూయిష్టంగా ఉండకుండా చర్యలు తీసుకుంటున్నారు. ప్రభుత్వ పథకాల అమలులో ఎక్కడైనా ప్రజలకు అన్యాయం, అక్రమాలు జరిగినా వాటిని వెంటనే సరి చేయాలని ఉన్నతాధికారులను ఆదేశించారు. ఎక్కడైనా తేడా వస్తే సంబంధిత ఉన్నతాధికారులే బాధ్యత వహించాల్సి ఉంటుందని ఆయన హెచ్చరిస్తున్నారు. ఎందుకంటే ఎక్కడైనా తేడా వస్తే, ప్రతిపక్షాలు అదే పనిగా గగ్గోలు పెట్టి ప్రభుత్వాన్ని అప్రతిష్టపాలు చేసే ప్రమాదం ఉన్నందున, అటువంటి అవకాశం, అస్త్రం ప్రతిపక్షాలకు ఇవ్వరాదని ఆయన పట్టుదలగా ప్రభుత్వ పథకాల అమలుపై దృష్టి సారించారు. రైతు బంధు, రైతు బీమా, వ్యవసాయానికి ఉచిత విద్యుత్తు వంటి పథకాలు అసెంబ్లీ ఎన్నికల్లో టీఆర్‌ఎస్‌ను బ్రహ్మండంగా గెలిపించినందున, ఆ పథకాల అమలుపై ప్రత్యేక దృష్టి పెట్టారు.
కోటి ఎకరాలకు సాగు నీరు
ఈ నెల 17 నుంచి 20వ తేదీ వరకు అసెంబ్లీ సమావేశాలు జరగనున్న సంగతి తెలిసిందే. అసెంబ్లీ సమావేశాలు ముగిసిన వెంటనే ముఖ్యమంత్రి కేసీఆర్ ప్రాజెక్టుల బాట పట్టనున్నారు. ప్రతిష్టాత్మకంగా చేపట్టిన కాళేశ్వరం ప్రాజెక్టును సందర్శించనున్నారు. కోటి ఎకరాలకు సాగు నీరు అందిస్తామన్న హామీని నిలబెట్టుకోవడానికి నీటి పారుదల ప్రాజెక్టుల నిర్మాణాలను వేగవంతం చేయించాలన్న పట్టుదలతో ఉన్నారు. అందుకు తాను స్వయంగా ప్రాజెక్టుల వద్దకు వెళ్ళి పరిశీలన చేస్తే తప్ప అధికారుల్లో కదలిక రాదన్న భావనతో ముఖ్యమంత్రి కేసీఆర్ ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.