రాష్ట్రీయం
ఎన్‌ఐఏ దర్యాప్తుపై కోర్టుకు?
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం), జనవరి 17: ప్రతిపక్ష నేత వైఎస్ జగన్మోహన్ రెడ్డిపై విశాఖ వినానాశ్రయంలో జరిగిన హత్యాయత్నం కేసు మరో మలుపు తిరిగింది. కోడికత్తి కేసును ఎన్‌ఐఏ దర్యాప్తు చేయడాన్ని వ్యతిరేకిస్తూ హైకోర్టులో పిటిషన్ దాఖలు చేసే యోచనలో రాష్ట్ర ప్రభుత్వం ఉన్నట్లు తెలుస్తోంది. తాజాగా గురువారం డీజీపీ ఆర్పీ ఠాకూర్ ముఖ్యమంత్రి చంద్రబాబు నాయుడుతో భేటీ కావడం దీనికి బలం చేకూరుస్తోంది. మరోవైపు విచారణలో తమకు సహకరించడం లేదని జాతీయ దర్యాప్తు సంస్థ ఎన్‌ఐఏ ఏపీ సిట్ బృందంపై ఆరోపణ చేసింది. ఈమేరకు విజయవాడలోని ఎన్‌ఐఏ ప్రత్యేక కోర్టులో గురువారం పిటిషన్ దాఖలు చేసింది. జగన్‌పై కోడికత్తి దాడి కేసును హత్యాయత్నం కేసు కింద నమోదు చేసిన విశాఖ పోలీసుల చేతి నుంచి విచారణాధికారం ఎన్‌ఐఏకు వెళ్లిన విషయం తెలిసిందే. ఈ కేసులో నిందితుడైన శ్రీనివాసరావును ఇప్పటికే కోర్టు ఆదేశాలతో వారం రోజుల పాటు తమ కస్టడీకి తీసుకున్న ఎన్‌ఐఏ అధికారులు విశాఖ, హైదరాబాద్, తదితర చోట్లకు తరలించి ప్రశ్నించారు. కాగా శుక్రవారంతో కస్టడీ
ముగియనున్నందున నిందితుడు శ్రీనివాసరావును విజయవాడలోని ఎన్‌ఐఏ కోర్టులో హాజరుపరచనున్నారు. ఇదిలావుండగా.. కేసుకు సంబంధించిన ఆధారాలు ఇచ్చేందుకు ఏపీ సిట్ నిరాకరించిందంటూ ఎన్‌ఐఏ కోర్టులో పిటిషన్ దాఖలు చేసింది. సిట్ పోలీసుల తీరుపై అసహనం వ్యక్తం చేయగా, దీనిపై ఇరువర్గాల వాదనలు కొనసాగాయి. సిట్ పోలీసులు రికార్డులు ఇవ్వడం లేదని, సహకరించడం లేదని ఎన్‌ఐఏ ఆరోపించింది. వాదనలు విన్న న్యాయస్థానం విచారణను శుక్రవారానికి వాయిదా వేసింది. అయితే ఎన్‌ఐఏ ఆరోపణలను ఏపీ పోలీసు ఉన్నతాధికారులు తప్పుపడుతున్నారు. ఎన్‌ఐఏ అధికారులకు సహకరిస్తున్నామని, జగన్ కేసులో సాక్ష్యాలను ఇప్పటికే కోర్టుకు అందజేశామని, అవసరమైతే ఎన్‌ఐఏ అధికారులు కోర్టు నుంచి తీసుకోవచ్చని అంటున్నారు. సహకరించడం లేదనే వాదన కొట్టిపారేస్తూ ఇప్పటికే ఎన్‌ఐఏ అధికారులకు పోలీసు ఎస్కార్ట్ కూడా ఇస్తున్నామని స్పష్టం చేస్తున్నారు. ఈ అంశంపై శుక్రవారం కోర్టు ఆదేశాలు వెలువడనున్నట్లు తెలుస్తోంది.
ఇదిలావుండగా, జగన్ కేసును ఎన్‌ఐఏ విచారించడాన్ని వ్యతిరేకిస్తూ వస్తోన్న రాష్ట్ర ప్రభుత్వం దీనిపై కీలక నిర్ణయం తీసుకోనుంది. డీజీపీ ఠాకూర్ ముఖ్యమంత్రి చంద్రబాబుతో ప్రత్యేక భేటీ సందర్భంగా జగన్ కేసు, ఎన్‌ఐఏకు వ్యతిరేకంగా హైకోర్టులో పిటిషన్ దాఖలు చేసే అంశం చర్చకు వచ్చినట్లు తెలిసింది. దీంతో జగన్ కేసును ఎన్‌ఐఏకు అప్పగించడాన్ని వ్యతిరేకిస్తూ హైకోర్టులో శుక్రవారం ప్రభుత్వం పిటిషన్ వేసే ఆలోచనలో ఉన్నట్లు తెలుస్తోంది. డీజీపీ సీఎంతో భేటీ కావడం ఇందుకు ఊతమిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.