రాష్ట్రీయం
ఆయుష్మాన్ కంటే.. ఆరోగ్యశ్రీ బెటర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 20: కేంద్ర ప్రభుత్వం ప్రవేశ పెట్టిన ఆయుష్మాన్ భారత్ పథకం కంటే దివంగత ముఖ్యమంత్రి వైఎస్ రాజశేఖర్‌రెడ్డి హయాంలో తీసుకొచ్చిన ఆరోగ్యశ్రీ ఎన్నో రెట్లు మెరుగైందని తెలంగాణ ముఖ్యమంత్రి కల్వకుంట్ల చంద్రశేఖర్‌రావు కొనియాడారు. ఆరోగ్యశ్రీ మంచి పథకం కాబట్టే మరింత మెరుగ్గా తీర్చిదిద్ది కొనసాగిస్తున్నామని ప్రకటించారు. ‘మంచిని మంచి అనడానికి మాకు ఎలాంటి భేషజాలు లేవు’ అని ఆయన స్పష్టం చేశారు. ఆదివారం శాసనసభలో గవర్నర్ ప్రసంగానికి ధన్యవాదాలు తెలిపే చర్చకు కేసీఆర్ సమాధానమిస్తూ ఆరోగ్యశ్రీ పథకాన్ని ప్రశంసించారు. వైఎస్ హయాంలో 108 సేవలు కొనసాగితే, దానికి అమ్మఒడిని తమ ప్రభుత్వం జోడించి కొనసాగిస్తోందని చంద్రశేఖరరావు పేర్కొన్నారు. ప్రధాన మంత్రిని కలిసేందుకు తాను ఎప్పుడు వెళ్లినా ఆయన ఆయుష్మాన్ భారత్‌లో తెలంగాణ రాష్ట్రం చేరకపోవడాన్ని గుర్తు చేస్తారన్నారు. ‘మీరు తీసుకొచ్చిన ఆయుష్మాన్ భారత్ కంటే ఆరోగ్యశ్రీ ఎన్నో రెట్లు మెరుగైంది. అందుకే ఆయుష్మాన్ పథకాన్ని తెలంగాణలో చేర్చలేదని ప్రధానికే చెప్పాను’ అని ఆయన వెల్లడించారు. కంటి వెలుగు పథకం కింద ఇప్పటి వరకు 1.32 కోట్ల మందికి పరీక్షలు నిర్వహించి అవసరమైన వారికి అద్దాలు అందజేశామన్నారు. కంటి వెలుగు పథకాన్ని ఇతర రాష్ట్రాలు కూడా అమలు చేసేందుకు ప్రయత్నిస్తున్నాయని ఆయన తెలిపారు. త్వరలోనే కంటి వెలుగు మాదిరిగానే చెవి, ముక్కు, గొంతు పరీక్షలను నిర్వహించబోతున్నామని కేసీఆర్ ప్రకటించారు. ఆ తర్వాత ప్రతి ఒక్కరి రక్త నమునాలు సేకరించి ప్రజలందరి హెల్త్ ప్రొఫైల్‌ను రికార్డు చేయబోతున్నామని కేసీఆర్ వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.