రాష్ట్రీయం
ఆర్టీసీ పరిరక్షణకు నిధులు కేటాయించాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (సిటీ), జనవరి 20: రాష్ట్రంలో లక్షల మంది ప్రజలకు రవాణా సౌకర్యం అందిస్తున్న ఆర్టీసీకి నష్టాలు రావడానికి డీజిల్, స్పేర్ పార్ట్స్ ధరల పెరుగుదలే ప్రధాన కారణమని ఆంధ్రప్రదేశ్ రాష్ట్ర రోడ్డు రవాణా సంస్థ అన్ని కార్మిక సంఘాల జాయింట్ యాక్షన్ కమిటీ అభిప్రాయపడింది. ఆర్టీసీని పరిరక్షించేందుకు రాష్ట్ర ప్రభుత్వం వెంటనే నిధులు విడుదల చేయాలని డిమాండ్ చేసింది. ఇక్కడి ఆర్టీసీ హౌస్‌లోని ఎంప్లారుూస్ యూనియన్ కార్యాలయంలో ఆదివారం అన్ని ఆర్టీసీ కార్మిక సంఘాల నేతలు కలిసి ప్రత్యేక సమావేశం నిర్వహించారు. జేఏసీగా 13 మందితో కమిటీని ఏకగ్రీవంగా ఎన్నుకున్నారు. జేఏసీ కన్వీనర్‌గా పలిశెట్టి దామోదరరావు, కోకన్వీనర్లుగా సుందరయ్య, వి వరహాలనాయుడును ఎన్నుకున్నారు. ఈసందర్భంగా జేఏసీ నేతలు మాట్లాడుతూ రాష్ట్రంలో రోజుకి 65 నుండి 70 లక్షల మంది ప్రజలకు రవాణా సౌకర్యం కల్పిస్తూ ఆర్టీసీ ప్రపంచంలోనే అతిపెద్ద సంస్థగా ఎదిగిందన్నారు. అయితే ఆర్టీసీకి నష్టాలు రావడానికి 2015 నుండి ఇప్పటివరకు ఒక్క రూపాయి కూడా బస్ ఛార్జీలు పెంచకపోవడం ఒక కారణమని వారన్నారు. ఇదే సమయంలో డీజిల్, స్పేర్ పార్ట్స్ ధరలు 50శాతం పెరగడంతో సంస్థకు నష్టాలు పెరిగాయన్నారు. గ్రామీణ ప్రాంతాల్లో తిరుగుతున్న సుమారు 5వేల పల్లెవెలుగు బస్సులకు వస్తున్న నష్టాలు ఏడాదికి రూ. 800 కోట్లుగా ఉన్నాయన్నారు. ప్రభుత్వానికి వస్తున్న మోటారు వాహనాల పన్ను రూ.300 కోట్లకు పైబడి ఉందన్నారు. ఆర్టీసీ అప్పులకు రోజుకి రూ. 2 కోట్లు వడ్టీలు కట్టాల్సి వస్తోందన్నారు. ఈ పరిస్థితుల్లో ఆర్టీసీని ప్రభుత్వం ఆదుకోవాలని, సంస్థను పరిరక్షించుకునేందుకు ప్రస్తుతం బడ్జెట్‌లో సుమారు రూ.3720 కోట్లు కేటాయించాలని డిమాండ్ చేశారు. ఇన్ని ఇబ్బందులు, నష్టాలు ఉన్నప్పటికీ ప్రజలకు ఎలాంటి అసౌకర్యం కలగకుండా బస్సులను అన్ని ప్రాంతాలకు నడుపుతున్నారని, దీంతో నష్టాలు మరింతగా పెరిగాయన్నారు. ఈనేపథ్యంలో ఆర్టీసీకి వస్తున్న నష్టాలు మొత్తం ప్రభుత్వం భరించాలని విజ్ఞప్తి చేశారు. అలాగే గతంతో పోల్చుకుంటే ఆర్టీసీ ఉద్యోగుల కృషి ఫలితంగా రూ.2వేల కోట్ల రూపాయల ఆదాయం సంస్థకు లభించిందన్నారు. గత నాలుగేళ్లలో 10వేల మంది రిటైరయ్యారని, ఇంతచేసినా నష్టాలు వస్తున్నాయంటే ఆర్టీసీని విద్య, వైద్య రంగాల మాదిరిగా ప్రభుత్వం ఆదుకోవాల్సిన అవసరం ఉందన్నారు. ఇప్పటికీ సంస్థలో ఉద్యోగులు ప్రభుత్వ ఉద్యోగుల కంటే 20 నుండి 30 శాతం తక్కువ వేతనాలతో పనిచేస్తున్నారని తెలిపారు. 2017 ఏప్రిల్ 1 నుండి జరగాల్సిన వేతన సవరణను 50శాతం ఫిట్‌మెంట్ కలిపి వెంటనే అమలు చేయాలని డిమాండ్ చేశారు. ఈ నెల 22న యాజమాన్యంతో జరిగే మలివిడత చర్చల్లో సానుకూల వైఖరి రాకుంటే 23న జేఏసీ ఆధ్వర్వంలో భవిష్యత్ కార్యాచరణ ప్రకటిస్తామని వారు వెల్లడించారు. జేఏసీకి దూరంగా ఉన్న ఎన్‌ఎంయూ కార్మికల సంక్షేమాన్ని దృష్టిలో ఉంచుకుని తమతో కలసి రావాలని వారు విజ్ఞప్తి చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.