రాష్ట్రీయం
జనసేనలో చేరిన ఆకుల
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ(సిటీ): ఎమ్మెల్యే ఆకుల సత్యనానారాయణ చేరికతో జనసేన పార్టీకి నవ జవసత్వాలు వచ్చాయని ఆ పార్టీ అధ్యక్షుడు పవన్ కళ్యాణ్ అన్నారు. పార్టీకి మరింత బలం తెచ్చిన ఆకులకు ఎల్లవేళలా అండగా ఉంటానని చెప్పారు. రాజమండ్రి అర్బన్ బీజేపీ శాసన సభ్యుడు డాక్టర్ ఆకుల సత్యనారాయణ, ఆయన సతీమణి ఆకుల లక్ష్మీ పద్మావతి సోమవారం పార్టీ అధ్యక్షుడు పవన్‌కళ్యాణ్ సమక్షంలో జనసేన తీర్థం పుచ్చుకున్నారు. విజయవాడలోని ప్రైవేటు కళ్యాణ మండపంలో జరిగిన కార్యక్రమంలో జనసేన పార్టీ అధ్యక్షుడు పవన్‌కళ్యాణ్ వారికి పార్టీ కండువా కప్పి ఆహ్వానించారు. ఈ సందర్భంగా పవన్ కళ్యాణ్ మాట్లాడుతూ సత్యనారాయణను మనస్ఫూర్తిగా పార్టీలోనికి ఆహ్వానిస్తునట్లు తెలిపారు.
తూర్పు గోదావరి జిల్లాలో ఆకుల సత్యనారాయణ కుటుంబానికి ప్రత్యేక గౌరవం ఉందని, అటువంటి కుటుంబం జనసేనలో చేరడంతో పార్టీ మరింత బలోపేతమయిందన్నారు. 2014 ఎన్నికల సమయంలో పొత్తులో భాగంగా తాను ఆకుల సత్యనారాయణకు మద్దతు ఇచ్చానన్నారు. వారి కుటుంబానికి పార్టీ ఎల్లప్పుడూ అండగా ఉంటూ ప్రోత్సహిస్తుందన్నారు. జనసేన పార్టీలోకి చేరిన ఆకుల సత్యనారాయణ మాట్లాడుతూ పార్టీ అధ్యక్షుడు ఎక్కడి నుండి పోటీ చేయమంటే అక్కడి నుండి పోటీ చేసేందుకు తాను సిద్ధంగా ఉన్నట్లు ప్రకటించారు. నేటి కుళ్లిపోయిన రాజకీయ వ్యవస్థలను ప్రక్షాళన చేయడం పవన్ కళ్యాణ్‌కే సాధ్యమని అభిప్రాయపడ్డారు. సంక్షేమ పథకాల్లో అవినీతి రాజ్యమేలుతుందని, అవినీతికి తావులేని పరిపాలన పవన్ కళ్యాణ్ అందిస్తారనే నమ్మకం ఉందన్నారు. తమ స్వార్థ రాజకీయాలు, ఓటు బ్యాంకు కోసం కొంత మంది నాయకులు కులాల మధ్య అంతరాలు పెంచుతున్నారని ఆవేదన వ్యక్తం చేశారు. ఓటు బ్యాంకు రాజకీయాలకు అతీతంగా పవన్ మాత్రమే అలోచిస్తున్నారని, సమర్థమైన, పారదర్శకమైన పాలన జనసేనతోనే సాధ్యమని నమ్మి పార్టీలో చేరినట్లు ఆకుల సత్యనారాయణ స్పష్టం చేశారు. 2014 ఎన్నికల్లో రాజమండ్రి అర్బన్ నుండి బీజేపీ అభ్యర్థిగా పోటీ చేసి గెలిచిన ఆకుల సత్యనారాయణ ఆ పార్టీ ప్రాథమిక సభ్యత్వానికి రాజీనామా చేశారు. సుమారు 300 కార్లు వెయ్యిమంది జనసేన కార్యకర్తలు, అభిమానులతో కలిసి ఆయన భారీ ర్యాలీగా విజయవాడ చేరుకున్నారు.
మత్స్యకార సంఘం నేత నాయకర్ చేరిక
అలాగే పార్టీ రాష్ట్ర కార్యాలయంలో పశ్చిమ గోదావరి జిల్లా నరసాపురం నియోజకవర్గానికి చెందిన మత్య్సకార సంఘం నేత బొమ్మిడి నాయకర్ తన అనుచరులతో జనసేన పార్టీలోకి పవన్ కళ్యాణ్ సమక్షంలో చేరారు. ఉభయగోదావరి జిల్లాల అగ్నికుల క్షత్రియ సంఘం నేతగా నాయకర్ 2009 నుంచి నరసాపురం నియోజకవర్గంలో టీడీపీలో కీలక నేతగా ఉన్నారు.
చిత్రం..రాజమండ్రి అర్బన్ ఎమ్మెల్యే ఆకుల సత్యనారాయణకు జనసేన కండువా కప్పి పార్టీలోకి ఆహ్వానిస్తున్న పవన్ కళ్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.