రాష్ట్రీయం
నేటి నుంచి నౌకాదళ నమూనా విన్యాసాలు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, జనవరి 21: ముంబయి కేంద్రంగా గతంలో జరిగిన విధ్వంసాలను దృష్టిలో ఉంచుకుని భవిష్యత్‌లో ఎదురయ్యే పరిణామాలను ఎదుర్కొనేందుకు నమూనా విన్యాసాలను నౌకాదళం మంగళవారం ప్రారంభించనుంది. రెండు రోజుల పాటు తీర ప్రాంతాల్లో జరిగే ఈ విన్యాసాల ద్వారా భవిష్యత్‌లో ముంబయి తరహా దాడులను సమర్థవంతంగా తిప్పికొట్టే విధానాలు, అందుబాటులోకి వచ్చిన ఆధునిక వ్యవస్థలను ఈ సందర్భంగా ప్రదర్శించనున్నారు. ఎక్సర్‌సైజ్ సీ విజిల్ పేరిట జరిగే అతిపెద్ద తీరప్రాంత విన్యాసాలను నౌకాదళం సమన్వయం చేస్తోంది. 13 రాష్ట్రాల సహా కేంద్రపాలిత ప్రాంతాల్లో విస్తరించిన తీర రక్షణకు సంబందించి నౌకా వాణిజ్య వర్గాలు, మత్స్యకారులు, అనుబంధ ప్రజానీకాన్ని సమన్వయం చేస్తూ ఈ విన్యాసాలు సాగనున్నాయి. నౌకాదళంతో పాటు రక్షణ, హోం, పెట్రోలియం, ఓఎన్‌జీసీ, ఫిషరీస్, కస్టమ్స్ తదితర కేంద్ర ప్రభుత్వ శాఖలతో పాటు రాష్ట్ర ప్రభుత్వ ఆధీనంలో ప్రభుత్వ విభాగాలతో ఈ విన్యాసాలు జరగనున్నాయి. సీ విజిల్ విన్యాసాల ప్రధాన ఉద్దేశం సముద్రంలోను, తీరంలోను ఎదురయ్యే ఉగ్రవాద కార్యకలాపాల నియంత్రణ, అణచివేత వంటి అంశాలుగా ఉండనున్నాయి. నౌకాదళంతో పాటు కోస్ట్‌గార్డ్ సహా రాష్ట్రాల మెరైన్ పోలీసుల సహకారంతో నిర్వహిస్తారు. తీర ప్రాంతంలో కట్టుదిట్టమైన నిఘాతో పాటు ప్రస్తుతం ఉన్న భద్రత చర్యలను మరోసారి పర్యవేక్షిస్తారు. లోపాలను సరిదిద్దుకుంటూనే భవిష్యత్‌లో సాంకేతికంగా ఎదురయ్యే సవాళ్లను సమర్ధవంతంగా ఎదుర్కొనే విధంగా సీ విజిల్ జరుగుతుంది. సీ విజిల్ కార్యక్రమం ద్వారా ప్రస్తుతం అనుసరిస్తున్న భద్రత ప్రమాణాలు, భవిష్యత్‌లో తీసుకోవాల్సిన పటిష్ట చర్యలకు దిక్సూచి కానుంది. తీరం గుండా దేశంలోకి చొరబడే ప్రయత్నం చేసే ముష్కరులను సమర్ధవంతంగా తిప్పికొట్టే విధంగా ఈ విన్యాసాలు దోహదం చేస్తాయని భావన.
నౌకాదళం గతంలో ఎక్సర్‌సైజ్ సీ విజిల్ దృశ్యం (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.