రాష్ట్రీయం
కాపులను మభ్యపెట్టడానికే 5 శాతం కోటా
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, జనవరి 22: ఎన్నికల ముందు కాపులను మభ్యపెట్టడానికే అగ్ర వర్ణ పేదలకు ఉద్దేశించిన పది శాతం కోటాలో ఐదు శాతం ఇస్తామని చంద్రబాబు ఆశ చూపుతున్నారని బీజేపీ ఎమ్మెల్సీ, ఆ పార్టీ రాష్ట్ర ఎన్నికల నిర్వహణ కమిటీ కన్వీనర్ సోము వీర్రాజు వ్యాఖ్యానించారు. పార్లమెంటులో బిల్లును ఆమోదించి, అగ్రవర్ణాల్లోని పేదలకు 10శాతం రిజర్వేషన్లు అమలుచేస్తే, అందులో 5శాతం వాటాను కాపులకు కేటాయించాలన్న చంద్రబాబు నిర్ణయం రాజ్యాంగ విరుద్ధమని, అది చెల్లదన్నారు. కాపులు ఈ విషయాన్ని గ్రహించి, చంద్రబాబు ప్రకటనలను నమ్మవద్దన్నారు. తూర్పు గోదావరి జిల్లా రాజమహేంద్రవరంలో మంగళవారం ఆయన విలేఖర్లతో మాట్లాడారు. గతంలో కాపులను బీసీల్లో చేరుస్తామని ప్రకటించి, బీసీ వర్గాలను రెచ్చగొట్టే ప్రయత్నం చేశారన్నారు. కాపులను బీసీల్లో చేర్చడానికి రాష్ట్ర ప్రభుత్వం కేంద్రానికి పంపించిన తీర్మానం పనికిరానిదిగా అభివర్ణించారు. ప్రధాని నరేంద్రమోడీని గద్దె దించడానికి ఏకమవుతున్న విపక్షాల కూటమి తమ ప్రధాని అభ్యర్థి ఎవరో ప్రకటించగలవా అని సోము ప్రశ్నించారు. విపక్ష కూటమి ప్రధాని అభ్యర్థి రాహుల్ గాంధీయా, మమతా బెనర్జీయా, లేక మాయావతా అని ప్రశ్నించారు. ఈ కూటమిలో కీలక పాత్ర పోషిస్తున్నానని చెప్పుకుంటున్న ముఖ్యమంత్రి చంద్రబాబునాయుడుకు దమ్ముంటే ప్రధాని అభ్యర్థిని ప్రకటించాలని సవాల్ చేశారు. ప్రధాని నరేంద్రమోడీ తనను చూసి భయపడుతున్నారన్న చంద్రబాబు వ్యాఖ్యలను సోము ఎద్దేవాచేశారు. పాకిస్థాన్, చైనా దేశాలకే మోడీ భయపడటం లేదని గుర్తుంచుకోవాలన్నారు. చంద్రబాబే కేసుల భయంతో దేశమంతా తిరుగుతున్నారని ఎద్దేవాచేశారు. జగన్‌పై దాడి కేసును ఎన్‌ఐఏకి అప్పగిస్తే భయపడి కోర్టును ఆశ్రయించారన్నారు. కేంద్రం రాష్ట్రానికి నిధులు మంజూరు చేయడం లేదని చంద్రబాబు ఒకపక్క దుష్ప్రచారం సాగిస్తుంటే ఆయన మంత్రివర్గ సహచరులు కేంద్ర మంత్రులను పొగడ్తలతో ముంచెత్తుతున్నారన్నారు. దేశవ్యాప్తంగా ఉపాధి హామీ పథకానికి కేంద్రం రూ.62వేల కోట్లు మంజూరుచేస్తే, ఏపీ ఒక్క రాష్ట్రానికే రూ.10వేల కోట్లు మంజూరు చేసిందన్నారు. రాజమహేంద్రవరం రూరల్‌లో ఉపాధి హామీ నిధులతోనే చెరువులు తవ్వి మట్టిని అమ్ముకున్నారన్నారు. అందుకే రాష్ట్రానికి మంజూరైన ఫుడ్‌పార్కును ప్రారంభించలేకపోయిందన్నారు. కేంద్రం 10 లక్షల ఇళ్లు మంజూరు చేస్తే, సబ్సిడీ నిధులు లేక రాష్ట్ర ప్రభుత్వం రెండు లక్షల ఇళ్లనే నిర్మిస్తోందన్నారు. కేంద్ర నిధులతోనే కడియంలో ఫ్లోరీకల్చర్ రీసెర్చ్ కేంద్రానికి శంకుస్థాపన జరిగిందని సోము తెలిపారు.
చిత్రం.. విలేఖర్లతో మాట్లాడుతున్న సోము వీర్రాజు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.