రాష్ట్రీయం
ఏపీలో ఒంటరిగానే పోటీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 23: ఆంధ్రప్రదేశ్‌లో కాంగ్రెస్ ఒంటరిగానే పోటీ చేస్తుందని ఏఐసీసీ ప్రధాన కార్యదర్శి, రాష్ట్ర కాంగ్రెస్ వ్యవహారాల ఇన్‌చార్జి ఊమెన్ చాందీ స్పష్టం చేశారు. దేశంలో నెలకొన్న ప్రస్తుత అస్తవస్య రాజకీయ పరిస్థితుల్లో దేశవ్యాప్తంగా తెలుగుదేశంతో సహా ఎక్కడికక్కడ స్థానిక ప్రాంతీయ పార్టీలతో కాంగ్రెస్ కలిసినప్పటికీ ప్రత్యేక పరిస్థితుల దృష్ట్యా ఆంధ్రప్రదేశ్‌లో మాత్రం టీడీపీ సహా ఏ రాజకీయ పార్టీతోనూ పొత్తు లేకుండా ఒంటరిగానే పోటీ చేయనున్నామని చాందీ స్పష్టం చేశారు. ఆంధ్రరత్నభవన్‌లో ఆయన బుధవారం రాష్ట్ర ముఖ్య నేతలతోను ఆపై రాష్ట్ర
కార్యవర్గ సమావేశంలోనూ పాల్గొని అందరి అభిప్రాయాలు తెలుసుకున్న తర్వాత ఈ ప్రకటన చేశారు. ఈ నెల 31వ తేదీన జరిగే పార్లమెంట్, శాసనసభ నియోజకవర్గ సమావేశాల్లో తమ పార్టీ భవిష్యత్ కార్యాచరణనను ప్రధానంగా బస్సుయాత్రపై ప్రకటన చేస్తామన్నారు. ఏఐసీసీ ప్రధాన కార్యదర్శిగా, తూర్పు ఉత్తరప్రదేశ్ ఇన్‌చార్జిగా ప్రియాంకా గాంధీ నియమితులు కావటంపై ఉమెన్ చాందీ హర్షం వెలిబుచ్చారు. ఆమె తెలివైన, ధైర్యవంతురాలైన నాయకురాలన్నారు. దేశ రాజకీయాల్లో క్రీయాశీలక పాత్ర వహించబోతుండటం హర్షదాయకమన్నారు. రాహుల్‌గాంధీ ప్రధాని కావాలని దేశ ప్రజలంతా ఆకాంక్షిస్తున్నారన్నారు. ఈ రాష్ట్రానికి ప్రత్యేక హోదా రావాలన్నా, విభజన హామీలు అమలు కావాలన్నా కాంగ్రెస్ పార్టీతోనే సాధ్యమవుతుందన్నారు. ఈ పరిస్థితుల్లో రాహుల్ గాంధీకి ప్రియాంక తోడ్పాటు పార్టీ శ్రేణుల్లో నూతనోత్తేజాన్ని కల్గిస్తోందన్నారు. అమ్మ ఇందిరా గాంధీనే తమతో ఉన్నట్లుగా పార్టీ శ్రేణులు, కార్యకర్తలు భావిస్తున్నారన్నారు. నేడు దేశ రాజకీయాల్లో భయానక మార్పులు చోటుచేసుకుంటున్నాయని, మోదీ చేతిలో భారతమాత విలవిల్లాడిపోతున్నదని ఇలాంటి స్థితిలో దేశ రాజకీయాలను గాడిలో పెట్టడానికి తిరిగి కాంగ్రెస్ అధికారంలో రావాల్సి ఉందన్నారు. పీసీసీ అధ్యక్షుడు ఎన్ రఘువీరారెడ్డి మాట్లాడుతూ ఫిబ్రవరి 1న పార్లమెంట్ సమావేశాలు ప్రారంభమవుతున్న నేపథ్యంలో ఆ రోజు ప్రత్యేకహోదా సాధన సమితి ఆధ్వర్యంలో జరిగే రాష్ట్ర బంద్‌లో అన్ని పార్టీలు అన్ని వర్గాలు, ప్రజలు పాల్గొనాల్సిందిగా పిలుపునిచ్చారు. ఈ సమావేశంలో ఏఐసీసీ కార్యదర్శులు సీడీ మెయ్యప్పన్, క్రిస్ట్ఫార్ తిలక్, రాష్ట్ర కార్యవర్గ సభ్యులు, అనుబంధ సంఘాల అధ్యక్షులు, 13 జిల్లాల అధ్యక్షులు పాల్గొన్నారు.
చిత్రం..విలేఖరులతో మాట్లాడుతున్న ఊమెన్‌చాందీ, రఘువీరా తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.