రాష్ట్రీయం
ఎడమ కాలువకు నీరు విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
నాగార్జునసాగర్, ఏప్రిల్ 1: ఎట్టకేలకు నాగార్జునసాగర్ జలాశయం నుండి ఎడమకాలువకు తాగునీటిని శుక్రవారం నాడు డ్యాం అధికారులు విడుదల చేశారు. గురువారం నాడు ప్రకటించినట్లుగానే శుక్రవారం ఉదయం 6:10నిమిషాలకు పొట్టిచెలిమ వద్ద ఉన్న ఎడమకాలువ ప్రధాన ద్వారం నుండి నీటివిడుదలను ప్రారంభించారు. ఎటువంటి అట్టహాసం లేకుండా జెఇ స్థాయి అధికారితో నీటివిడుదలను గావించారు. డ్యాం జెఇ పి.జనార్ధన్‌రావు ఎడమకాలువ రెండవ గేటు ప్రధాన ద్వారం ద్వారా స్విచ్ ఆన్ చేసి నీటివిడుదల ప్రారంభించారు. 500క్యూసెక్కులతో ప్రారంభమై క్రమేణాపెరుగుతూ శుక్రవారం మధ్యాహ్నానికి 5వేల క్యూసెక్కులు, సాయంత్రం వరకు సగటున రోజుకు 6వేల క్యూసెక్కుల చొప్పున విడుదల చేస్తున్నారు. రెండు నెలలుగా ఎడమకాలువకు నీటివిడుదల చేయాలని, అడుగంటిన భూగర్భజలాల శాతాన్ని పెంచాలని, తాగునీటి సమస్యను పరిష్కరించాలని సిపిఎం ఆందోళనలు నిర్వహించినా తెలంగాణ ప్రభుత్వం మాత్రం ఏప్రిల్ 1వ తేదీనే నీటివిడుదల చేసింది. ప్రస్తుతం సాగర్ జలాశయంలో 508.10అడుగుల నీటిమట్టం ఉంది. సాగర్ జలాశయానికి శ్రీశైలం నుండి శుక్రవారం తెల్లవారుజాము వరకు 2,268 క్యూసెక్కుల నీరు వస్తుండగా శుక్రవారం సాయంత్రం 9024క్యూసెక్కుల నీరు శ్రీశైలం నుండి సాగర్‌కు చేరుకుంటుంది. సాగర్ జలాశయం నుండి కుడికాల్వ ద్వారా 3,011క్యూసెక్కులు, ఎస్‌ఎల్‌బిసి ద్వారా 1200క్యూసెక్కులు, ఎడమకాల్వ ద్వారా శుక్రవారం సాయంత్రానికి 6వేల క్యూసెక్కులను విడుదల చేస్తున్నారు. ప్రస్తుతం శ్రీశైలంలో 802.70 అడుగుల నీటిమట్టం ఉంది. అయితే ప్రస్తుతం సాగర్ ఎడమకాల్వ పరిధిలో విడుదల చేస్తున్న నీటిని రోజుకు 6వేల క్యూసెక్కుల చొప్పున వారంరోజులపాటు నీటివిడుదల చేసే అవకాశం ఉందని అధికారులు చెప్తున్నారు. అయినా ఎడమకాల్వ పరిధిలో ఇన్ని టిఎంసిల నీటిని విడుదల చేస్తాము ఇన్ని రోజులపాటు నీటివిడుదల జరుగుతుందనే విషయంపై డ్యాం అధికారులు పూర్తిస్థాయిలో స్పష్టత ఇవ్వలేకపోతున్నారు. కాగా మూడున్నర నుండి నాలుగు టిఎంసిల నీటి విడుదల చేయవచ్చని, ఎడమకాల్వ పరిధిలోని ప్రజలు నీటిని వృధా చేయకుండా తాగునీటి అవసరాల నిమిత్తమే వాడుకోవాలని, భవిష్యత్తులో నీటి లభ్యత లేనికారణంగా నీటిని వృధా చేయవద్దని డ్యాం అధికారులు కోరుతున్నారు.
నీటి లభ్యతను బట్టే విడుదల: సిఇ
నాగార్జునసాగర్ జలాశయం దాని ఎగువభాగాన ఉన్న శ్రీశైలం జలాశయంలో ఉన్నటువంటి నీటి లభ్యతను బట్టి ఎడమకాల్వకు నీటివిడుదల చేస్తామని నాగార్జునసాగర్ ప్రాజెక్టు చీఫ్ ఇంజనీర్ పురుషోత్తంరాజు తెలిపారు. ప్రస్తుతం ఉన్న నీటి లభ్యతను బట్టి ఎడమకాల్వకు తాగునీటి అవసరాల నిమిత్తం రోజుకు 6వేల క్యూసెక్కుల చొప్పున వారం రోజులపాటు నీటివిడుదల చేస్తామని ఆయన తెలిపారు.
చెరువులు నిండేవరకు విడుదల చేయాలి: జూలకంటి
నాగార్జునసాగర్ ఎడమకాలువ పరిధిలోని మంచినీటి చెరువులు, ట్యాంకులు పూర్తిస్థాయిలో నిండేవరకు ఎడమకాలువ ద్వారా నీటివిడుదల చేయాలని సిపిఎం జిల్లా కార్యదర్శి, మాజీ ఎమ్మెల్యే జూలకంటి రంగారెడ్డి కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.