రాష్ట్రీయం
గోబ్యాక్ నినాదంపై వక్రభాష్యాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 10: గోబ్యాక్ మోదీ అంటూ చేసిన నినాదాలపై ప్రధాని మోదీ వక్రభాష్యాలు చెబుతున్నారని రాష్ట్ర ఆర్థిక శాఖ మంత్రి యనమల రామకృష్ణుడు మండిపడ్డారు. గుంటూరు సభలో ప్రధాని మోదీ చేసిన విమర్శలపై ఆయన స్పందించారు. గోబ్యాక్ అంటే గోబ్యాక్ గుజరాత్ అని, ఆయన గోబ్యాక్ ఢిల్లీ అన్నట్లు వక్రభాష్యాలు చెబుతున్నారని విమర్శించారు. గోబ్యాక్ ఢిల్లీ అనుకుంటే నవ్వులపాలే అని, గోబ్యాక్ టు గుజరాత్ అవుతుందో, గోబ్యాక్ టు ఫారెస్టు అవుతుందో, గోబ్యాక్ టు హిమాలయాస్ అవుతుందో 2019 ఎన్నికల్లో ప్రజలే తేలుస్తారని ఎద్దేవా చేశారు. ఢిల్లీలో ఉండి దేశాన్ని పాలించే యోగ్యత మోదీకి లేదన్నారు. గుంటూరులో మోదీ ప్రసంగం చూస్తే చంద్రబాబు పట్ల ఉన్న భయానికి నిదర్శంగా ఉందన్నారు. మోదీ 3లక్షల కోట్ల రూపాయల ప్రాజెక్టులు అంటారని, అమిత్‌షా 6లక్షల కోట్ల రూపాయల ప్రాజెక్టులు అంటారన్నారు. ఇవి తప్పుడు మాటలు కావా? అని ప్రశ్నించారు. మోదీ చెప్పిన 3లక్షల కోట్ల రూపాయల ప్రాజెక్టుల చిరునామాలు ఎక్కడని, రాబోయే 10ఏళ్లలో వచ్చే ప్రాజెక్టుల జాబితానా అని నిలదీశారు. తాము చట్టప్రకారం రావాల్సిన ప్రాజెక్టుల గురించి అడుగుతున్నామని, వాటిగురించి మోదీ ఎందుకు నోరు తెరవరన్నారు. విశాఖ రైల్వేజోన్, కడప స్టీల్‌ప్లాంట్, కాకినాడ పెట్రోలియం కాంప్లెక్సు గురించి ఎందుకు ప్రస్తావించలేదన్నారు.
మోదీ, అమిత్‌షా చెప్పేవి అబద్ధాలని, వైకాపా, బీజేపీ నడత దుర్మార్గమన్నారు. రాఫెల్ అవినీతి బురదలో దొర్లుతూ తమపై బురద జల్లుతున్నారని విమర్శించారు. వచ్చే ఎన్నికల్లో ఓడిపోతామనే దాడులు చేస్తున్నారని ఆరోపించారు. ఏపీ, పశ్చిమ బెంగాల్, కర్నాటక, కేరళపై కక్ష సాధిస్తారా? అంటూ నిలదీశారు. ప్రధాని ప్రసంగంలో భయం కనిపిస్తోందని, ప్రజలే తగిన గుణపాఠం చెబుతారని అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.