రాష్ట్రీయం
మళ్లీ తెరపైకి ఓటుకు నోటు కేసు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 12: ఓటుకు నోటు కేసు మళ్ళీ తెరపైకి వచ్చింది. తెలంగాణ కాంగ్రెస్ వర్కింగ్ ప్రెసిడెంట్ రేవంత్‌రెడ్డికి ఈడీ అధికారులు నోటీసులు జారీ చేశారు. మంగళవారం హైదరాబాద్‌లో ఉన్న కేంద్ర ఎన్‌ఫోర్స్‌మెంట్ డైరెక్టరేట్ ఎదుట కాంగ్రెస్ సీనియర్ నేత వేం నరేందర్‌రెడ్డితో పాటు ఆయన ఇద్దరు కుమారులు విచారణకు హాజరయ్యారు. ఓటుకు నోటు కేసులో స్టిఫెన్‌సన్‌కు ఇచ్చిన నగదు మనీలాండరింగ్ ద్వారా వచ్చిందన్న అభియోగంపై నరేందర్‌రెడ్డిని ఈడీ అధికారులు ప్రశ్నించారు. ఈ కేసులో ఆయన ఇద్దరు కొడుకులను కూడా విడవిడిగా విచారించారు. ఎమ్మెల్సీ ఎన్నికల్లో టీడీపీ అభ్యర్థిగా వేం నరేందర్‌రెడ్డి పోటీ చేశారు. మంగళవారం ఉదయం నుంచి సాయంత్రం వరకు దాదాపు 10 గంటలకు పైగా ఈడీ అధికారులు వారిపై ప్రశ్నల వర్షం కురిపించారు. విచారణలో ప్రధానంగా నరేందర్‌రెడ్డి బ్యాంక్ లావాదేవీలతో పాటు తెలంగాణ అవినీతి నిరోధక శాఖ అధికారులు నమోదు చేసిన కేసు వివరాలపై ఈడీ అధికారులు దృష్టి పెట్టారు. ఓటుకు నోటు కేసులో తన కుమారులకు ఎలాంటి సంబంధ లేకున్నా వారిని విచారణకు ఈడీ అధికారులు పిలిపించడం పట్ల నరేందర్‌రెడ్డి అభ్యంతరం వ్యక్తం చేశారు. తెలంగాణ ప్రభుత్వం కావాలనే ఈ కేసును ఈడీ అధికారులకు అప్పగించిందని ఆరోపించారు. రూ 50 లక్షలు ఎక్కడివన్న అంశాలు కోర్టులో తెలుస్తాయని ఆయన ఈడీ అధికారుల చెప్పారు. స్టీఫెన్‌సన్‌కు ఇచ్చిన రూ 50 లక్షలతో పాటు మిగతా రూ. 4.50 కోట్ల ఎక్కడి నుంచి మళ్ళిస్తారన్న అంశాలపై ఈడీ అధికారులు ప్రశ్నించారు. 2015లో తెలంగాణ శాసన మండలి ఎన్నికలకు సంబంధించి ఓటుకు నోటు కేసు ఈడీ ఎదుట విచారణకు వచ్చింది. 2015 మే నెల 30 వ తేదీన అప్పటి ఎమ్మెల్యే రేవంత్‌రెడ్డి స్టీఫెన్‌సన్‌కు( ఎమ్మెల్సీ అంగ్లో ఇండియన్) రూ 50 లక్షలు ఇవ్వచూపిన కేసులపై ఈడీ అధికారులు విచారిస్తున్నారు. స్టీఫెన్‌సన్‌కు నగదు ఇచ్చే సమయంలో రేవంత్‌రెడ్డితో పాటు వేం నరేందర్‌రెడ్డి ఉన్నట్లు అనిశా అధికారులు కేసు నమోదు చేశారు. కాగా వారం లోగా ఈడీ ఎదుట హాజరు కావాలని రేవంత్‌రెడ్డికి నోటీసులు మంగళవారం జారీ అయ్యాయి. ఇప్పటికే రేవంత్‌రెడ్డిపై ఆదాయపన్ను శాఖ అధికారులు పలుదఫాలుగా విచారణ చేపట్టారు. ఐటి అధికారులు రేవంత్‌రెడ్డి అన్నతో పాటు మామను విచారించారు. 2015లో శాసన మండలిలో ఖాళీ అయిన 6 ఎమ్మెల్సీ స్థానాలకు ఎన్నికలు జరిగాయి. ఆ ఎన్నికల్లో 5 ఎమ్మెల్సీ స్థానాలను తెరాస కైవసం చేసుకోగా. ఒక స్థానం కోసం టీడీపీ, కాంగ్రెస్ పార్టీలు పోటీ పడ్డాయి. ఒక స్థానం గెలుచుకోవడానకి అవసరమైన ఎమ్మెల్సీ మద్దత్తు కోసం టీడీపీ అధినేత చంద్రబాబు స్టీఫెన్‌సన్ వద్దకు రేవంత్‌రెడ్డిని పంపించారు. ఈ ఒప్పందాల్లో రూ 5 కోట్ల ఇవ్వడానికి టీడీపీ సిద్ధం కాగా తొలుతగా రూ 50 లక్షలు ఇవ్వడానికి స్టీఫెన్‌సన్ ఇంటికి రేవంత్‌రెడ్డి వెళ్ళారు. నగదు మార్పిడిలో జరిగిన స్టింగ్ ఆఫరేషన్‌లో ఏసీబీ అధికారులకు రేవంత్‌రెడ్డితో పాటు మిగతా నలుగురిపై కేసులు నమోదు చేశారు.
చిత్రం.. వేం నరేందర్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.