రాష్ట్రీయం
22నుంచి 25 వరకు బడ్జెట్ సమావేశాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ రాష్ట్ర శాసనసభలో ఈ నెల 22న ‘ఓట్ ఆన్ అకౌంట్’ ప్రవేశపెట్టాలని ప్రభుత్వం నిర్ణయించింది. బడ్జెట్ సమావేశాలు ఫిబ్రవరి 22 నుండి 25 వరకు జరుగుతాయని ముఖ్యమంత్రి కార్యాలయం గురువారం రాత్రి వెల్లడించింది. ఫిబ్రవరి 22న ఓట్ ఆన్ అకౌంట్ ప్రతిపాదించి 23, 24 తేదీల్లో చర్చకు సభ్యులకు అవకాశం ఇస్తారు. 25న ద్రవ్య వినిమయ బిల్లును ప్రతిపాదించి, శాసనసభ ఆమోదం తీసుకుంటారు. నాలుగు రోజుల్లో ఓట్ ఆన్ అకౌంట్ బడ్జెట్ సమావేశాలు ముగించనున్నారు. సాధారణంగా అయితే బడ్జెట్ సమావేశాలు 40 రోజుల పాటు (సెలవులు కూడా కలిపి) జరుగుతాయి. ఫిబ్రవరి మధ్య నుండి మార్చి 31 వరకు వరకు బడ్జెట్ సమావేశాలను గతంలో నిర్వహించారు. 2019-20 ఆర్థిక సంవత్సరానికి సంబంధించి కేంద్ర ప్రభుత్వం నుండి ఏయే రంగాలకు ఎంత మేరకు నిధులు వస్తాయో స్పష్టం కాకపోవడం, కేంద్ర ప్రభుత్వం కూడా ‘ఓట్ ఆన్ అకౌంట్’ ప్రతిపాదించడం వల్ల తెలంగాణ రాష్ట్ర ప్రభుత్వం కూడా రెగ్యులర్ బడ్జెట్‌ను ప్రతిపాదించడం లేదు. ఈ విషయం గతంలోనే ముఖ్యమంత్రి కేసీఆర్ స్పష్టంగా వెల్లడించారు. కేంద్రం నుండి లభించే నిధులపై స్పష్టత ఉంటేనే, దానికి అనుగుణంగా వార్షిక బడ్జెట్‌ను ప్రతిపాదించేందుకు వీలవుతుందని అధికార వర్గాలు వెల్లడించాయి. పూర్తిస్థాయి బడ్జెట్‌ను ప్రతిపాదించేందుకు వీలుకాకపోవడం వల్ల ఓట్ ఆన్ అకౌంట్‌కే కేసీఆర్ మొగ్గు చూపారు. ఓట్ ఆన్ అకౌంట్ ఈ నెల 22న ప్రతిపాదించడం వల్ల మరోకు రెండు, మూడు నెలల వరకు ప్రభుత్వం రోజువారీ ఖర్చులకు చట్టపరంగా ఎలాంటి చిక్కులు ఉండవు. పార్లమెంట్ ఎన్నికలు ముగిసిన తర్వాత కొత్తగా ఏర్పడబోయే ప్రభుత్వం 2019-20 సంవత్సరానికి పూర్తిస్థాయి బడ్జెట్‌ను ప్రవేశపెట్టిన తర్వాత తెలంగాణ ప్రభుత్వం పూర్తిస్థాయి బడ్జెట్‌ను ప్రవేశపెడుతుందని అధికార వర్గాలు వివరించాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.