రాష్ట్రీయం
రుణ పరిమితి పెంచండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కొత్తగా ఏర్పడ్డ తెలంగాణ రాష్ట్రానికి చేయూత ఇవ్వాలని 15వ ఆర్థిక కమిషన్‌కు ముఖ్యమంత్రి కేసీఆర్ విజ్ఞప్తి చేశారు. మూడు రోజుల పర్యటనకు సోమవారం హైదరాబాద్ వచ్చిన ఆర్థిక కమిషన్ చైర్మన్, సభ్యులతో ముఖ్యమంత్రి మంగళవారం సమావేశమయ్యారు. ఈ సందర్భంగా మాట్లాడుతూ, తమ ప్రభుత్వం ప్రతిష్టాత్మక ప్రాజెక్టులను చేపట్టిందని, వీటి నిర్వహణకు అవసరమైన నిధులు సమకూర్చాలని కోరారు. కృష్ణా, గోదావరి నదుల నీటిని గ్రావిటీ ద్వారా వాడుకోలేకపోతున్నామని గుర్తు చేశారు. అందుకే 13 జిల్లాల్లో 18 లక్షల ఎకరాలకు సాగునీటిని గోదావరి నది నుండి తరలించేందుకు కాళేశ్వరం ఎత్తిపోతల పథకాన్ని చేపట్టామన్నారు. ఈ పథకం నిర్మాణానికి 80వేల కోట్ల రూపాయలు తమ ప్రభుత్వం భరిస్తోందన్నారు. 15వ ఆర్థిక కమిషన్ సిఫార్సులు అమలు జరిగే 2020 నుండి 2025 వరకు కాళేశ్వరం నిర్వహణకు 40,169 కోట్ల రూపాయలు ఖర్చవుతాయని అంచనా వేశామని, ఈ మేరకు నిధులను కేంద్రం ఇచ్చేందుకు సహకరించాలని కోరారు. అలాగే ప్రతి గ్రామానికి తాగునీటిని అందించేందుకు మిషన్ భగీరథ పథకాన్ని చేపట్టామని గుర్తు చేశారు. 2020-2025 వరకు ఈ పథకాన్ని పట్టణ ప్రాంతాల్లో నిర్వహించేందుకు 2,580 కోట్ల రూపాయలు, గ్రామీణ ప్రాంతాల్లో నిర్వహణకు 10,142 కోట్ల రూపాయలు ఖర్చవుతాయని తెలిపారు. గ్రామీణ, పట్టణ ప్రాంతాలకు కలిపి 12,722 కోట్ల రూపాయలు అవసరం అవుతాయని, ఈ మేరకు నిధులు ఇవ్వాలని కోరారు. కేంద్ర ప్రభుత్వం వసూలు చేస్తున్న పన్నుల నుండి 50 శాతం వాటాను రాష్ట్రాలకు ఇవ్వాలని కేసీఆర్ కోరారు. దాని వల్ల రాష్ట్ర ప్రభుత్వాలు చేపట్టిన పథకాలు, కార్యక్రమాలకు ఆర్థిక మద్దతు లభిస్తుందన్నారు. తెలంగాణాలో గ్రామ పంచాయతీల సంఖ్య 8,368 నుండి 12,751కు పెంచామని, అలాగే మున్సిపాలిటీలను 74 నుండి 142 కు పెంచామని కేసీఆర్ తెలిపారు. ఈ అంశాన్ని దృష్టిలో ఉంచుకుని స్థానిక సంస్థలకు ఎక్కువ నిధులు లభించేలా చూడాలని కోరారు. జీఎస్‌టి అమల్లోకి వచ్చిన తర్వాత కేంద్రానికి వస్తున్న ఆదాయం పెరిగిందని కేసీఆర్ గుర్తు చేశారు. అదే విధంగా రాష్ట్రాలకు కూడా ఆదాయం లభించేలా చూడాలన్నారు.
రుణసదుపాయం పెంచాలి
జీఎస్‌డీపీలో మూడు శాతం వరకు రుణాలు తీసుకునేందుకు ప్రస్తుతం రాష్ట్రాలకు అవకాశం ఉందని, దీన్ని మరోక శాతం వరకు పెంచాలని కేసీఆర్ కోరారు. తమ ప్రభుత్వం అనేక అభివృద్ధి పథకాలను చేపట్టిందని, ఇవి సకాలంలో పూర్తి చేసేందుకు రుణాలు తీసుకోవాల్సి ఉంటుందని గుర్తు చేశారు. రాష్ట్ర ప్రభుత్వాలు చేపట్టిన ప్రతిష్టాత్మక పథకాలకు కేంద్రం నిధులు ఇచ్చేలా చూడాలని కోరారు. రోడ్డుసెస్, క్లీన్ ఎనర్జీ సెస్ నిధులను పూర్తిగా రాష్ట్రాలకు ఇవ్వడం లేదని, నిబంధనల మేరకు ఈ నిధులను రాష్ట్రాలకు ఇవ్వాలని విజ్ఞప్తి చేశారు. తెలంగాణ తరఫున అన్ని అంశాలపై నివేదికను సిద్ధం చేసి 15 వ ఆర్థిక కమిషన్‌కు ఇస్తున్నామని, దీన్ని పూర్తిగా పరిశీలించి తమకు న్యాయం చేయాలని కేసీఆర్ కోరారు.
చిత్రం.. ఆర్థిక సంఘ చైర్మన్ ఎన్.కే.సింగ్‌తో జరిగిన సమావేశంలో మాట్లాడుతున్న ముఖ్యమంత్రి కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.