రాష్ట్రీయం
అభివృద్ధికి రాజకీయాల్లేవ్
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, ఫిబ్రవరి 20: అభివృద్ధి విషయంలో ప్రజాప్రతినిధులు, నేతలు రాజకీయాలకు అతీతంగా సహకరించుకోవాలని, ఎన్నికల సమయంలో మాత్రమే పార్టీలన్న విషయాన్ని మననం చేసుకోవాలని భారత ఉపరాష్ట్రపతి ఎం.వెంకయ్యనాయుడు సూచించారు. మూడు రోజుల నెల్లూరు జిల్లా పర్యటన నిమిత్తం బుధవారం ఆయన నెల్లూరుకు విచ్చేశారు. ఈ సందర్భంగా నగరంలో రూ.30కోట్ల వ్యయంతో నిర్మించిన నెక్లెస్‌రోడ్డు తదితర అభివృద్ధి పనులను ఉపరాష్ట్రపతి ప్రారంభించారు. ఈ సందర్భంగా ఆయన మాట్లాడుతూ దేశానికి రాజైనా తల్లికి కొడుకేనని, తాను కూడా దేశ ఉపరాష్ట్రపతిగా ఉన్నప్పటికీ ఒక సాధారణ నెల్లూరువాడిగా ఇక్కడి నేలంటే తనకెంతో ఇష్టమన్నారు. తన ఉచ్వాస గ్రామాలైతే, నిశ్వాస రైతులని స్పష్టం చేశారు. ఈ కారణంతోనే గతంలో తనకెన్నో ఉన్నత పోర్టుపోలియోలు ఇస్తానన్నా కాదని, గ్రామీణాభివృద్ధి శాఖను గతంలో కోరుకున్నానని గుర్తు చేశారు. పట్టణాభివృద్ధి శాఖ మంత్రిగా పనిచేసే సమయంలో దేశంలో 75లక్షల ఇళ్లను పట్టణ నిరుపేదలకు కేటాయిస్తే అందులో సుమారు 11లక్షల 31వేల ఇళ్లను ఆంధ్రప్రదేశ్‌కు కేటాయించానన్నారు. ఈ విషయంలో తాను విమర్శలు కూడా ఎదుర్కొన్నానని తెలిపారు. రాష్ట్భ్రావృద్ధి కాంక్షించి ఎన్నో పథకాలు, కేంద్ర రంగ సంస్థలను రాష్ట్రానికి తీసుకొచ్చానని, అయితే రాష్ట్ర ప్రభుత్వం కూడా తన వంతు సహకారం సంపూర్తిగా ఇచ్చిందని కొనియాడారు. రాష్ట్ర పురపాలక శాఖ మంత్రి పొంగూరు నారాయణ మాట్లాడుతూ పురపాలక మంత్రిగా తాను రాష్ట్రంలో బాధ్యతలు చేపట్టడం, అదే సమయంలో కేంద్రంలో పట్టణాభివృద్ధి శాఖ మంత్రి వెంకయ్యనాయుడు ఉండడం తనకు కొండంత అండ, ధైర్యాన్ని ఇచ్చిందన్నారు. ఈ కార్యక్రమంలో నెల్లూరు మేయర్ అబ్దుల్ అజీజ్, నుడా చైర్మన్ కోటంరెడ్డి శ్రీనివాసులరెడ్డి, మాజీ మంత్రి ఆదాల ప్రభాకర్‌రెడ్డి తదితరులు పాల్గొన్నారు.
చిత్రం.. రేణిగుంట విమానాశ్రయం అభివృద్ధి పనుల శంకుస్థాపన శిలాఫలకాన్ని ఆవిష్కరిస్తున్న వెంకయ్యనాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.