రాష్ట్రీయం
గండికోటలో బయల్పడిన రేఖాచిత్రాలు!
S ,7 à 8 RSCA (si SASPAS) et 6 cialis pharmacie cialis rapports de stage.
కడప, ఫిబ్రవరి 20: దక్షిణాది రాష్ట్రాల్లో ప్రసిద్ధమైన కోటల్లో ఒకటైన కడప జిల్లా గండికోట ప్రాంతంలో ఆది మానవులు రాతిపై గీసిన రేఖాచిత్రాలు బయటపడ్డాయి. రాక్ ఆర్ట్స్ సొసైటీ సభ్యులు రెండురోజులుగా ఇక్కడ జరుపుతున్న పరిశోధనల్లో ఈ రేఖాచిత్రాలు వెలుగుచూశాయి. గత రెండురోజులుగా రాక్ ఆర్ట్స్ సొసైటీ ఆఫ్ ఇండియా (రాశి) సభ్యులు కట్టా శ్రీనివాసరావు, కొండ్రెడ్డి భాస్కర్‌తో కూడిన బృందం గండికోటలో పరిశోధనలు జరుపుతోంది. ప్రొద్దుటూరుకు చెందిన కవి, కాలమిస్టు సి.వి.సురేష్ సహకారంతో వారు ఈ పరిశోధనలు జరుపుతున్నారు. గండికోటకు పడమర వైపు నుంచి ఒంపుతిరిగి ఉత్తర దిక్కుకు కొండను చీల్చుకుంటూ పెన్నానది ప్రవహిస్తున్న విషయం చూసిన వారందరికీ తెలిసిందే. ఎర్రమల కొండల నడుమ ఎనిమిది కిలోమీటర్లు వ్యాపించిన ఈ సహజ పెన్నా రాతిలోయ గండికోటకు పెట్టని కందకం. ఈలోయ దిగువన ‘లంజల పడవ’గా పిలువబడే ఒక గుహలో వారు ఈ రేఖాచిత్రాలను కనుగొన్నారు. ఈప్రాంతాల్లో ఆది మానవులు నివసించిన ఆనవాళ్లు ఇంతకుముందే బయటపడ్డాయి. అక్కడి రాతి ఆయుధాల ఆనవాళ్లు వాటిని సానబెట్టిన తావులు (గ్రూవ్స్) వంటివి ఇంతకుముందే బయటపడటంతో, ఈ చుట్టుపక్కల పరిసరాల్లో ఆది మానవులు గీసిన రేఖాచిత్రాలు ఉండవచ్చన్న ఆశతో పరిశోధించారు. ఈ పరిశోధనలో ఈ రేఖాచిత్రాలు బయటపడ్డాయి. రేఖాచిత్రాలు బయటపడిన లంజల పడవ గుహలోకి వెళ్లాలంటే దాదాపు పాకుతూ లోపలికి వెళ్లాలి. ఈ గుహలో ఉన్నవారు బయటివారికి కనిపించరు. గుహలోపల ఉన్నవారికి మాత్రం బయట ఉన్నవారు కనిపిస్తుంటారు. కిందపడుకుని గుహ పైభాగాన ఈరాతి చిత్రాలను గీసినట్లు అర్థవౌతోంది. పుడక చిత్రాలను పోలిన మానవాకృతులు కొన్ని తెల్లని వర్ణంలో ఉన్నాయి. అక్షరాలు రాని పిల్లలు గీతలతో మనిషి బొమ్మను గీసినట్లుగా, మనుషుల బొమ్మను గుంపులుగా ఏదో క్రతువు కోసం నిలబడినట్లుగా ఆకారాలు ఉన్నాయి. నిండు చంద్రుడిని పోలిన బొమ్మ ఒకటి కనిపించింది. ఎటువంటి జంతువులు, పక్షుల బొమ్మలు లేవు. మూడేళ్ల క్రితం ఎరుపురంగులోని రాతి చిత్రాలను పరిశోధకులైన ఏనుగుల రామకృష్ణారెడ్డి వెలుగులోకి తెచ్చారు.
చిత్రం.. గుహలో బయల్పడిన రేఖాచిత్రాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.