రాష్ట్రీయం
ఐటీ గ్రిడ్స్‌లో సోదాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 9: తెలుగు రాష్ట్రాల్లో సంచలనం సృష్టించిన డేటాచోరీ కేసులో తెలంగాణ ప్రభుత్వం దర్యాప్తు ముమ్మరం చేసింది. సిట్ ఇన్‌చార్జి స్టీఫెన్ రవీంద్ర నేతృత్వంలో ప్రత్యేక నిపుణుల బృందం శనివారం ఐటీగ్రిడ్స్ కార్యాలయంలో సోదాలు చేసింది. డేటాచోరీ వ్యవహారానికి సంబంధించి హైదరాబాద్‌లోని మాదాపూర్ అయ్యప్ప సొసైటీలో ఉన్న ఐటీగ్రిడ్స్ ఆఫీసుకు సీజ్ చేసిన సంగతి తెలిసిందే. శనివారం ఉదయం 10 గంటల ప్రాంతంలో సిట్ చీఫ్ స్టీఫెన్ రవీంద్ర, శే్వతారెడ్డి, రోహిణి ప్రియదర్శినితో పాటు ఇతర అధికారులు సందర్శించారు. విస్తృతంగా సోదాలు జరిపారు. ఈ కేసుకు సంబంధించి సాంకేతిక నిపుణుల సహాయంతో ఆధారాలు సేకరిస్తున్నామని స్టీఫెన్ రవీంద్ర వెల్లడించారు. డేటాచోరీ వ్యవహారానికి సంబంధించి అన్ని కోణాల్లో దర్యాప్తు చేస్తున్నామని ఆయన స్పష్టం చేశారు. అమెజాన్, గూగుల్ సంస్థలకు నోటీసులు జారీ చేశామని, ఆ సంస్థల నుంచి వివరణ అందాల్సి ఉందని తెలిపారు. హైకోర్టులో గ్రిడ్స్ సీఈవో అశోక్ వేసిన పిటిషన్‌ను న్యాయపరంగా ఎదుర్కొంటామని పేర్కొన్నారు. పోలీసులు స్వాధీనం చేసుకున్న పత్రాలు, కంప్యూటర్ డిస్క్‌లు, డివైజ్‌లను న్యాయస్థానానికి సమర్పిస్తామని రవీద్ర వెల్లడించారు. ఫామ్-7 దరఖాస్తు చేపట్టిన అనంతరం తొలిసారిగా శనివారం ఉదయం మాదాపూర్ ఐటీగ్రిడ్స్ కార్యాలయానికి చేరుకున్న సిట్ అధికారులు కార్యాలయంలో తనిఖీలు చేపట్టారు. కార్యాలయంలోని మిగిలిన కంప్యూటర్లను సైతం స్వాధీనం చేసుకున్న పోలీసులు శుక్రవారం ఆ కార్యాలయాన్ని సీజ్ చేశారు. ఆఫీసు పరిసర ప్రాంతాలకు ఇతరులెవరూ రాకుండా పటిష్ట పోలీసు బందోబస్తును ఏర్పాటు చేశారు. హార్డ్ డిస్క్‌లోని డేటాను ఐటీ నిపుణులు విశే్లషిస్తున్నారు.
చిత్రం..మీడియాతో మాట్లాడుతున్న సిట్ చీఫ్ స్టీఫెన్ రవీంద్ర
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.