రాష్ట్రీయం
అభ్యర్థుల కోసం అనే్వషణ
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మార్చి 13: ఖమ్మం లోక్‌సభ స్థానంలో ఆయా పార్టీల తరఫున పోటీ చేసేందుకు ప్రధాన పార్టీలు అభ్యర్థుల అనే్వషణలో పడ్డాయి. కాంగ్రెస్, టీఆర్‌ఎస్, టీడీపీతో పాటు కమ్యూనిస్టులు కూడా బలమైన అభ్యర్థిని బరిలో దింపేందుకు ప్రయత్నిస్తున్నాయి. రాష్ట్రంలోనే ఎక్కడా లేని విధంగా ఖమ్మంలో ఉన్న రాజకీయ పరిస్థితులపై ఆయా పార్టీల అధిష్ఠానాలు దృష్టిపెట్టాయి. ప్రస్తుత పరిస్థితుల్లో ఎవరు ఏ పార్టీ అభ్యర్థి అవుతారో, ఎవరు ఏ పార్టీలోకి వెళ్తారో ప్రశ్నార్థకంగా మారింది. ముఖ్యంగా అధికార టీఆర్‌ఎస్‌లో సిట్టింగ్ ఎంపీ పొంగులేటి శ్రీనివాస్‌రెడ్డికి టికెట్ ఖాయమని మొన్నటి వరకు ప్రచారం జరగ్గా గడిచిన మూడు రోజుల్లోనే పరిస్థితి పూర్తిగా మారిపోయింది. కాంగ్రెస్ ఆశావహుల జాబితాలో ఉన్న వంకాయలపాటి రాజేంద్రప్రసాద్ పేరు అనూహ్యంగా టీఆర్‌ఎస్ జాబితాలో చేరింది. మరోవైపు టీడీపీ పొలిట్‌బ్యూరో సభ్యునిగా ఉన్న నామా నాగేశ్వరరావు పేరు కాంగ్రెస్ జాబితాలో చేరింది. నామినేషన్ల పర్వం మరో నాలుగు రోజుల్లో ప్రారంభం కానున్న నేపథ్యంలో ఎవరు ఏ పార్టీలో ఉంటారనేది స్పష్టంగా తేలడంలేదు. మరోవైపు ఖమ్మం సిట్టింగ్ ఎంపీ పొంగులేటి శ్రీనివాస్‌రెడ్డి హైదరాబాద్‌లోనే మకాం వేసి టికెట్ కోసం ప్రయత్నాలను ముమ్మరం చేశారు. తాను రాజకీయ రంగప్రవేశం చేసిన వైఎస్‌ఆర్ కాంగ్రెస్ పార్టీ అధ్యక్షుడు జగన్‌మోహన్‌రెడ్డితో కూడా టీఆర్‌ఎస్ అధినేతకు ఆయన సిఫార్సు చేయించినట్లు సమాచారం. తనకు టికెట్ దక్కకపోతే ఏంచేయాలనే దానిపై కూడా సన్నిహితులతో మంతనాలు జరుపుతున్నారు. మరోవైపు వామపక్ష పార్టీలు కూడా దశాబ్దకాలం తరువాత ఖమ్మంలో ఐక్యంగా పోటీ చేయాలని నిర్ణయించడమే కాకుండా ఇరుపక్షాలకూ ఆమోదయోగ్యమైన అభ్యర్థి కోసం అనే్వషిస్తున్నాయి. ఇదిలావుంటే గడిచిన అసెంబ్లీ ఎన్నికల్లో ఖమ్మం పార్లమెంట్ పరిధిలో అధిక స్థానాలను కైవసం చేసుకున్న కాంగ్రెస్ పార్టీ తెలుగుదేశం పార్టీతో పొత్తు పెట్టుకొని ఆ పార్టీ నేత నామా నాగేశ్వరరావును కాంగ్రెస్‌లోకి ఆహ్వానించి పోటీలో నిలపాలని భావిస్తున్నట్లు తెలుస్తోంది. రాష్టవ్య్రాప్తంగా అన్ని నియోజకవర్గాల్లో అభ్యర్థుల పోటీపై నిర్ణయాలు తీసుకుంటున్న ప్రధాన రాజకీయ పార్టీలు ఖమ్మం విషయంలో మాత్రం స్పష్టమైన నిర్ణయం తీసుకోలేకపోతున్నాయి. సామాజిక మాధ్యమాల్లో వస్తున్న పేర్లతో ఆయా పార్టీల నేతలే ఆందోళన వ్యక్తం చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.