రాష్ట్రీయం
బీఎస్పీకి 3 ఎంపీ, 21 అసెంబ్లీ స్థానాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 17: పొత్తుల్లో భాగంగా ఆంధ్రప్రదేశ్‌లో బహుజన సమాజ్ పార్టీకి మూడు లోక్‌సభ, 21 శాసనసభ స్థానాలను కేటాయించినట్లు జనసేన పార్టీ అధ్యక్షుడు పవన్ కళ్యాణ్ వెల్లడించారు. తిరుపతి, చిత్తూరు, బాపట్ల పార్లమెంట్ స్థానాలను బీఎస్పీకి కేటాయించినట్లు తెలిపారు. ఆదివారం విజయవాడలోని జనసేన పార్టీ రాష్ట్ర కార్యాలయంలో బీఎస్పీ జాతీయ నేత, రాజ్యసభ సభ్యుడు వీర్‌సింగ్, ఆ పార్టీ నేతలతో చర్చలు జరిపారు. అనంతరం నిర్వహించిన విలేఖరుల సమావేశంలో పవన్‌కళ్యాణ్ మాట్లాడుతూ బీఎస్పీకి మూడు లోక్‌సభ, 21 శాసనసభ స్థానాలు కేటాయించామని, బీఎస్పీతో కలిసి ప్రయాణం చేయడం వ్యక్తిగతంగా చాలా ఆనందాన్నిచ్చిందన్నారు. గతంలో తనను ఆంధ్రప్రదేశ్ రాష్ట్రానికి బీఎస్పీ అధ్యక్షునిగా పనిచేయమని అడిగారని, అయితే ఆనాటి రాజకీయ ప్రస్థానం వల్ల అది ముందుకి వెళ్లలేదని, ఇప్పుడు పొత్తుల కారణంగా కలిసి పనిచేసే అవకాశం వచ్చిందన్నారు. సోదరి మాయావతి లాంటి మహోన్నత వ్యక్తిత్వం కలిగిన నేతను దేశానికి ప్రధానిగా చూడాలన్నది కోట్లాది మంది ప్రజల ఆకాంక్ష అన్నారు. రాజకీయాలు ప్రజలను భయపెట్టేలా కాకుండా అందరినీ కలిపేలా ఉండాలన్న లక్ష్యంతో చాలా చక్కటి వాతావరణంలో చర్చలు సాగాయన్నారు. సీపీఐ, సీపీఎం, బీఎస్పీలతో కలిసి ముందుకు వెళ్తామన్నారు. ఏలూరు పార్లమెంట్ అభ్యర్థిగా ప్రముఖ ఎకనమిస్ట్ డాక్టర్ పెంటిపాటి పుల్లారావును ఎంపిక చేసినట్లు పవన్‌కళ్యాణ్ ప్రకటించారు. ఈసందర్భంగా వీర్‌సింగ్ మాట్లాడుతూ జనసేనతో పొత్తు కుదిరిన మార్చి 15వ తేదీ ఒక శుభదినమన్నారు. అంబేద్కర్ ఆశయ సాధన కోసం మాయావతి పాటుపడుతున్నారని, ఆంధ్రప్రదేశ్, తెలంగాణ రాష్ట్రాల్లో అదేవిధమైన సామాజిక మార్పు దిశగా పవన్‌కళ్యాణ్ కృషి చేస్తున్నారన్నారు. ఏప్రిల్ 3, 4తేదీల్లో అమలాపురం, తిరుపతి, హైదరాబాద్‌లలో జరిగే సభల్లో బీఎస్పీ అధినేత్రి మాయావతి పాల్గొననున్నట్లు తెలిపారు. సమావేశంలో జనసేన ముఖ్య నాయకులు నాదెండ్ల మనోహర్, మాదాసు గంగాధరం, బీఎస్పీ రాష్ట్ర నాయకులు ఆర్‌జే మల్లిక్, చిట్టిబాబు పాల్గొన్నారు.
జనసేనలోకి లక్ష్మీనారాయణ
సీబీఐ మాజీ జాయింట్ డైరెక్టర్ వీ లక్ష్మీనారాయణ ఆదివారం జనసేన పార్టీ కార్యాలయంలో అధ్యక్షుడు పవన్‌కళ్యాణ్ సమక్షంలో పార్టీ సభ్యత్వం స్వీకరించారు. వీరితోపాటు ఆయన తోడల్లుడు, విద్యావేత్త, శ్రీకృష్ణ దేవరాయ వర్శిటీ మాజీ ఉప కులపతి రాజగోపాల్ కూడా జనసేనలో చేశారు. జనసేన మూల సిద్ధాంతాలు, పార్టీ అధ్యక్షుడు పవన్‌కళ్యాణ్ నిబద్ధతకు ఆకర్షితులైన కడప జిల్లాకు చెందిన ఇద్దరు ముస్లిం నేతలు జనసేనలో చేశారు. బీజేపీ మైనార్టీ మోర్చా నాయకుడు సయ్యద్ ముకరం చాంద్, రాయచోటికి చెందిన ఎస్‌కే హసన్ బాషా ఆదివారం విజయవాడలోని పార్టీ కార్యాలయంలో జనసేనలో చేశారు. పార్టీ అధ్యక్షుడు పవన్‌కళ్యాణ్ చాంద్, బాషాలకు పార్టీ కండువా కప్పి ఆహ్వానించారు. కడప జిల్లా జనసేన నాయకులు నార్జల దాశరథి ఈ కార్యక్రమంలో పాల్గొన్నారు.
చిత్రం..జేడీ లక్ష్మీనారాయణను జనసేనలోకి ఆహ్వానిస్తున్న పవన్‌కళ్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.