రాష్ట్రీయం
పవర్ పాలిటిక్స్‌కు దూరం
S ,7 à 8 RSCA (si SASPAS) et 6 cialis pharmacie cialis rapports de stage.
కడప, మార్చి 17: ‘‘అధికార రాజకీయాల నుంచి తప్పుకుంటున్నా.. ఇక ఏ రాజకీయమైనా కేవలం గ్రేటర్ రాయలసీమ కోసమే’’ అని మాజీ ఎంపీ, సీనియర్ రాజకీయవేత్త డాక్టర్ ఎంవీ మైసూరారెడ్డి సంచలన ప్రకటన చేశారు. గ్రేటర్ రాయలసీమ ప్రాంతానికి చెందిన 6 జిల్లాల నేతలు, ప్రజలతో త్వరలో ఒక మహాసభ నిర్వహించేందుకు కసరత్తు చేస్తున్నామని తెలిపారు. కడప నగరంలోని ఓ ఫంక్షన్ హాలులో ఆదివారం రాయలసీమలోని 4 జిల్లాలు, ప్రకాశం, నెల్లూరు జిల్లాల నుంచి వచ్చిన ప్రజాసంఘాలు, నాయకులతో రౌండ్ టేబుల్ సమావేశం నిర్వహించారు. ఈ సమావేశం ముగిసిన తర్వాత మైసూరా పాత్రికేయుల సమావేశంలో మాట్లాడారు. తాను అధికార క్రియాశీల రాజకీయాల నుంచి తప్పుకుంటున్నానని ప్రకటించారు. రాయలసీమ, ప్రకాశం, నెల్లూరు జిల్లాల ప్రాజెక్టులకు నీటి కేటాయింపులు చేయకుండా, అభివృద్ధినంతటినీ అమరావతిలోనే కేంద్రీకరిస్తూ ఈ 6 జిల్లాలకు ప్రభుత్వం, ప్రతిపక్షం అన్యాయం చేస్తున్నాయని విమర్శించారు. ఉమ్మడి రాష్ట్రంలో ఎంతో కొంత సాధించినా, రాష్ట్ర విభజన తర్వాత తిరిగి ఈప్రాంతం పరిస్థితి మళ్లీ మొదటికొచ్చిందన్నారు. ఈ వేదన ఈ 6 జిల్లాల్లోనూ ఉందని, ఈక్రమంలో కొందరు సంఘాలుగా ఏర్పడి ప్రభుత్వానికి, ప్రతిపక్ష నేతకు పలుమార్లు విజ్ఞప్తులు కూడా చేశారని గుర్తు చేశారు. తాము కూడా రాయలసీమ సమస్యలపై ఒక సమగ్ర నివేదికతో అధికార, ప్రతిపక్ష పార్టీలకు లేఖలు రాశామని, ఈ సమస్యలను వారి వారి మేనిఫెస్టోల్లో పెట్టి ఈ ప్రాంతానికి ఏం చేస్తారో చెప్పాలని డిమాండ్ చేసినా ఇంతవరకూ ఆ పార్టీలు స్పందించలేదన్నారు. ప్రస్తుత ఎన్నికల్లో ఏ పార్టీ అధికారంలోకి వచ్చినా, ఇక రాయలసీమ, ప్రకాశం, నెల్లూరు జిల్లాల సమస్యలపై ఉద్యమం ఆగదని మైసూరా స్పష్టం చేశారు. ఎన్నికల అనంతరం గ్రేటర్ రాయలసీమ ప్రాంత సమస్యలపై ఆసక్తి, ఆత్రుత, అనుబంధం ఉన్న నాయకులను సమన్వయపరిచి, ప్రజల భాగస్వామ్యంతో ఒక మహాసభ నిర్వహిస్తామని, అందుకు సంబంధించిన కసరత్తు కూడా జరుగుతోందన్నారు. అధికారమే ధ్యేయంగా పని చేస్తున్న రాజకీయ పార్టీలకు అతీతంగా ఉద్యమం నిర్మించాలనే దృఢమైన సంకల్పంతోనే తాను క్రియాశీల రాజకీయాల నుంచి తప్పుకుంటున్నానని తెలిపారు. మాజీ ఎమ్మెల్యే శివరామకృష్ణారావు, రాయలసీమ సాగునీటి సాధన సమితి అధ్యక్షుడు దశరథరామిరెడ్డి మాట్లాడుతూ తాము నిర్వహించబోయే మహాసభలో ప్రజలు కోరుకుంటే రాయలసీమ సమస్యలపై పోరాడే పార్టీని ప్రకటిస్తామన్నారు. సమావేశంలో విశ్రాంత డీజీపీ సి.ఆంజనేయరెడ్డి, మాజీ ఎమ్మెల్యేలు మదన్‌మోహన్‌రెడ్డి, జగదీష్, మార్కాపురం మాజీ ఎమ్మెల్యే కందుల నాగార్జునరెడ్డి కుమారుడు డా. గౌతమ్‌రెడ్డి, రాయలసీమ కమ్యూనిస్టు పార్టీ రాష్ట్ర కార్యదర్శి రవిశంకర్‌రెడ్డి, జేఎన్‌టీయూ ప్రొఫెసర్ మాధవి, తదితరులు పాల్గొన్నారు.
చిత్రం..కడప రౌండ్ టేబుల్ సమావేశంలో మాట్లాడుతున్న ఎంవీ మైసూరారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.