రాష్ట్రీయం
ప్రభుత్వాన్ని బర్తరఫ్ చేయండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 23: ఇతర పార్టీల నుంచి ఎమ్మెల్యేలుగా ఎన్నికైన వారిని ప్రలోభాలకు గురి చేస్తూ, ఫిరాయింపులను ప్రోత్సహిస్తున్న రాష్ట్ర ప్రభుత్వాన్ని బర్తరఫ్ చేయాలని కాంగ్రెస్ నేతలు రాష్ట్ర గవర్నర్ ఈఎస్‌ఎల్ నరసింహన్‌ను కోరారు. శనివారం సీఎల్‌పీ నేత మల్లు భట్టివిక్రమార్క, కేంద్ర మాజీ మంత్రులు వీరప్ప మొయిలీ, ఎస్. జైపాల్ రెడ్డి, ఏఐసీసీ నాయకుడు, పార్టీ రాష్ట్ర వ్యవహారాల ఇన్‌ఛార్జీ ఆర్‌సీ కుంతియా, సీఎల్‌పి మాజీ నేత కే. జానారెడ్డి, మాజీ మంత్రులు మహ్మద్ షబ్బీర్ అలీ, జే. గీతారెడ్డి, టీ.పీసీసీ కోశాధికారి గూడూరు నారాయణ రెడ్డి తదితరులు గవర్నర్‌ను కలిసి ఈ మేరకు వినతి పత్రం అందజేశారు. అసెంబ్లీ ఎన్నికల్లో టీఆర్‌ఎస్‌కు మెజారిటీ ఉన్నప్పటికీ ఇతర పార్టీల ఎమ్మెల్యేలను ప్రలోభాలకు గురి చేసి ప్రతిపక్షమే లేకుండా చేసేందుకు ప్రయత్నిస్తున్న ఈ ప్రభుత్వాన్ని బర్తరఫ్ చేయాలని వారు గవర్నర్‌ను కోరారు.
లోక్‌పాల్‌లో ఫిర్యాదు చేస్తాం..
అనంతరం కేంద్ర మాజీ న్యాయ శాఖ మంత్రి వీరప్ప మొయిలీ మీడియాతో మాట్లాడుతూ ఫిరాయింపులను ప్రోత్సహిస్తున్న రాష్ట్ర ప్రభుత్వంపై లోక్‌పాల్‌లో, సీఇసీకీ ఫిర్యాదు చేస్తామని అన్నారు. దేశ వ్యాప్తంగా ర్యాలీలు నిర్వహిస్తామని చెప్పారు. ముఖ్యమంత్రి కేసీఆర్ ఒత్తిడి మేరకు కౌన్సిల్ చైర్మన్, అసెంబ్లీ స్పీకర్ ఫిరాయింపు ఎమ్మెల్సీలు, ఎమ్మెల్యేలపై చర్యలు తీసుకోవడం లేదని విమర్శించారు. ఫిరాయింపుల గురించి తాము చైర్మన్, స్పీకర్ వద్ద పిటీషన్లు దాఖలు చేసినా చర్యలు తీసుకోలేదని ఆయన విమర్శించారు. ముఖ్యమంత్రి కేసీఆర్ రాజ్యాంగ విరుద్ధంగా పాలన చేస్తున్నారని విమర్శించారు. సీఎం క్యాంపు కార్యాలయాన్ని దుర్వినియోగం చేస్తున్నారని, పార్టీ మారిన ఎమ్మెల్యేల లేఖలన్నీ ఒకే విధంగా ఉన్నాయని ఆయన తెలిపారు. తెలంగాణలో ప్రజాస్వామ్యాన్ని కాపాడాలని గవర్నర్‌ను కోరామని మొయిలీ చెప్పారు. మల్లు భట్టివిక్రమార్క మాట్లాడుతూ రాష్ట్ర ప్రభుత్వాన్ని బర్తరఫ్ చేయాలని గవర్నర్‌ను కోరామని చెప్పారు. అధికారం, డబ్బు ఉపయోగించి పార్టీ ఫిరాయింపులను ప్రోత్సహిస్తున్నారని, పార్టీ ఫిరాయింపుల నిరోధక చట్టానికి తూట్లు పొడుస్తున్నారని ఆయన విమర్శించారు.
చిత్రం.. గవర్నర్‌ను కలిసి వినతిపత్రం అందజేస్తున్న కాంగ్రెస్ నేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.