రాష్ట్రీయం
ఓటుకు ఛార్జీ పోటు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఏప్రిల్ 10: ప్రజల అవసరాన్ని సొమ్ము చేసుకోవడం వ్యాపార లక్షణం. ఎప్పుడు ఎవరికి ఏది అవసరమో, వాటి ధరలు అమాంతం పెంచేసి, లాభాలార్జించాలన్న వ్యాపార ధృక్పథం ఇప్పుడు రవాణా రంగంలో స్పష్టంగా కన్పిస్తోంది. రెండు తెలుగు రాష్ట్రాల్లో ఒకే సారి ఎన్నికలు జరుగుతున్నప్పటికీ ఆంధ్రప్రదేశ్‌లో మాత్రం లోక్‌సభతో పాటు అసెంబ్లీ ఎన్నికలు కూడా జరుగుతున్నాయి. రాష్ట్రంలో ప్రభుత్వ ఏర్పాటు, ముఖ్యమంత్రి పీఠం కోసం జరుగుతున్న ఈ ప్రతిష్టాత్మక ఎన్నికల్లో ఓటర్లను ఆకర్షించడం, ప్రలోభాలకు గురిచేయడం సాధారణమే. అయితే ఈ సారి ఎన్నికలు రెండు ప్రధాన పార్టీలకు చాలా కీలకం కావడంతో ఇతర ప్రాంతాల్లో ఉన్న ఓటర్లను రప్పించి తమకు అనుకూలంగా ఓటు వేయించుకునే ప్రక్రియకు శ్రీకారం చుట్టారు. ముఖ్యంగా ఉత్తరాంధ్రకు చెందిన వేలాది మంది తెలంగాణ రాజధాని హైదరాబాద్, పరిసర ప్రాంతాల్లో ఉద్యోగ, వ్యాపారాల్లో స్థిరపడ్డారు. కొంతమంది చిరుద్యోగులు, వృత్తి పనివారు కూడా వీరిలో ఉన్నారు. ప్రతిష్టాత్మక ఎన్నికల్లో ఒక ఓటు కూడా కీలకమే కావడంతో పోటీలో ఉన్న వారు ఏ ఒక్క అవకాశాన్ని వదులుకునేందుకు సిద్ధంగా లేరు. తెలంగాణాలో ఉన్న ఉత్తరాంధ్ర ఓటర్లను రప్పించేందుకు నానాపాట్లు పడుతున్నారు. ఎలాగూ పోలింగ్ రోజన సెలవు కాబట్టి వచ్చి ఓటేసి వెళ్లండంటూ బతిమాలుతున్నారు. పార్టీ, అభ్యర్థి, బంధుత్వాలు, కులం ప్రాతిపదికన ఓటర్లను ఆకర్షిస్తూ సొంతూళ్లకు రప్పిస్తున్నారు.
ఉత్తరాంధ్ర జిల్లాల నుంచి తెలంగాణ, పరిసర ప్రాంతాల్లో నివాసం ఉంటున్న వారి సంఖ్య దాదాపు అయిదు లక్షలకు పైనే. వీరిలో 50 శాతం ఓటర్లు తమ సొంత ఊర్లలో ఓటేసేందుకు సిద్ధపడుతున్నారు. దీంతో రవాణా సదుపాయం గగన కుసుమమైపోయింది. హైదరాబాద్ నుంచి విశాఖ రావాలంటే టికెట్ ధరలు ఆకాశాన్నంటున్నాయి. సాధారణ రోజుల్లో నాన్ ఏసీ బస్‌కు టికెట్ ధర రూ.800 నుంచి రూ.1,000 ఉండగా, ప్రస్తుతం రూ.1,200 నుంచి రూ.2,390 వసూలు చేస్తున్నారు. ఇదే ఏసీ బస్‌లో సాధారణ రోజుల్లో ధర రూ.1,200 నుంచి రూ.1,500 కాగా ప్రస్తుతం రూ.రూ.1,900 నుంచి రూ.3,590గా ఉంది.
ఇక తిరుగు ప్రయాణంలో 11వ తేదీన విశాఖ నుంచి హైదరాబాద్‌కు నాన్ ఏసీ సర్వీసులకు రూ.1,000 నుంచి రూ.1,990 ఉండగా, ఎసీ సర్వీసులకు రూ.1,700 నుంచి రూ.3,750 వసూలు చేస్తున్నారు. ప్రయాణ తేదీ 12న కూడా ధరలు 20 శాతం పెరిగాయి. 14 ఆదివారం సాయంత్రం విశాఖ నుంచి తిరుగు ప్రయాణపు ఛార్జీలు మోత మోగుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.