రాష్ట్రీయం
హలో సార్... బాగున్నారా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 14: పార్లమెంట్ ఎన్నికల షెడ్యూల్ ప్రకటించి, పోలింగ్ ముగిసే వరకు గవర్నర్ నరసింహన్‌ను కలువని ముఖ్యమంత్రి కల్వకుంట్ల చంద్రశేఖర్‌రావు చాలా రోజుల తర్వాత ఆదివారం రాజ్‌భవన్‌కు వెళ్లి ఆయనతో భేటీ అయ్యారు. తాజా దేశ, రాష్ట్ర రాజకీయ పరిణామాలతో పాటు పరిపాలన సంస్కరణలకు శ్రీకారం చట్టడానికి రెవెన్యూ, మున్సిపల్ చట్టాల్లో తీసుకరానున్న మార్పులపై ఈ భేటీ సందర్భంగా గవర్నర్‌కు సీఎం వివరించినట్టు సమాచారం. అలాగే పార్లమెంట్ ఎన్నికల సందర్భంగా ఆంధ్రప్రదేశ్‌లో జరిగిన ఎన్నికల ప్రచారంలో తన చూట్టే తిరిగిన రాజకీయాలు మొదలుకుని ఏపీ సీఎం చంద్రబాబు నాయుడు తనపై చేసిన విమర్శలను కూడా కేసీఆర్ ప్రస్తావించినట్టు తెలుస్తోంది. తనను తిట్టడం ద్వారా ఆంధ్రలో జరిగిన ఎన్నికల్లో లబ్ధి పొందడానికి చంద్రబాబు చేసిన ప్రయత్నాలను వివరిస్తూ, ఎంత రెచ్చగొట్టినా తాను ఆయన ట్రాప్‌లో చిక్కుకుండా హుందాగా వ్యవహరించిన తీరును కేసీఆర్ వివరించినట్టు తెలిసింది. శాసనసభ ఎన్నికలు, ఆ తర్వాత సర్పంచ్ ఎన్నికలు, పార్లమెంట్ ఎన్నికల వల్ల కోడ్ అమలులో ఉండటం వల్ల తీసుకోలేక పోయిన నిర్ణయాలను వివరించినట్టు సమాచారం. భూ ప్రక్షాళన సందర్భంగా క్షేత్రస్థాయిలో జరిగిన అవినీతి వల్ల ప్రభుత్వానికి చెడ్డా పేరు వచ్చిందని కేసీఆర్ ఆవేదన వ్యక్తం చేసినట్టు తెలిసింది. అవినీతిరహితంగా ప్రజలకు మరింత మెరుగైన సేవలు అందించడానికి రెవెన్యూ, మున్సిపల్ చట్టాల్లో తీసుకరానున్న మార్పులను సీఎం వివరించారని తెలిసింది. పార్లమెంట్ ఎన్నికల కోడ్ ముగిసేలోగా మే 20 వరకు జిల్లా, మండల పరిషత్ ఎన్నికలు పూర్తి చేయడానికి తీసుకున్న చర్యలను కూడా వివరించారని అంటున్నారు.
చిత్రం... రాజ్‌భవన్‌లో ఆదివారం గవర్నర్‌ని కలిసిన ముఖ్యమంత్రి కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.