రాష్ట్రీయం
‘పరిషత్’ ఎన్నికలకు సహకరిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: జిల్లా ప్రజా పరిషత్, మండల ప్రజా పరిషత్ ఎన్నికలకోసం రాష్ట్ర ఎన్నికల కమిషన్‌కు పూర్తిగా సహకరిస్తామని ప్రభుత్వం హామీ ఇచ్చాంది. తెలంగాణ రాష్ట్ర ఎన్నికల కమిషనర్ వి. నాగిరెడ్డి తన కార్యాలయంలో సోమవారం ఉన్నతస్థాయి సమావేశం ఏర్పాటు చేశారు. ప్రభుత్వ ప్రధాన కార్యదర్శి డాక్టర్ ఎస్.కే. జోషి, పోలీస్ డైరెక్టర్ జనరల్ (డీజీపీ) మహేందర్‌రెడ్డి, పంచాయతీరాజ్ శాఖ ముఖ్యకార్యదర్శి వికాస్‌రాజ్ తదితరులు ఈ సమావేశంలో పాల్గొన్నారు. పరిషత్ ఎన్నికల సన్నద్దతపై సుదీర్ఘంగా చర్చించారు. పరిషత్ ఎన్నికల తేదీలను ఇంకా ఖరారు చేయలేదని, ప్రభుత్వం నుండి రిజర్వేషన్ల వివరాలు అందిన తర్వాత ఎన్నికల షెడ్యూల్ విడుదల చేస్తామని నాగిరెడ్డి ఈ సందర్భంగా స్పష్టం చేశారు. జడ్‌పీటీసీ, ఎంపీటీసీ ఎన్నికల నిర్వహణలో ఇప్పటికే జాప్యం జరిగిందని, ఇప్పటికైనా ఎన్నికలు నిర్వహించేందుకు ప్రభుత్వం సహకారం అందించాలని విజ్ఞప్తి చేశారు. మే మొదటి పక్షం వరకు పరిషత్ ఎన్నికలు నిర్వహించేందుకు వీలుగా ప్రణాళిక రూపొందించామని, ఇందుకు అనుగుణంగా అన్ని కోణాల్లో ప్రభుత్వం సహకారం కావాలని నాగిరెడ్డి కోరారు. రాష్టవ్య్రాప్తంగా దాదాపు 32 వేల పోలింగ్ స్టేషన్లు ఏర్పాటు చేస్తామని, 1,80,000 మంది సిబ్బందిని ఎన్నికల నిర్వహణకోసం డిప్యూట్ చేస్తే సౌలభ్యంగా ఉంటుందని సూచించారు. ఎన్నికల నిర్వహణకు 150 కోట్ల రూపాయలు అవసరం అవుతాయని, ఈ నిధులను ఆ యా జిల్లాల యంత్రాంగాలకు పంపించేందుకు వీలుగా వెంటనే విడుదల చేయాలని కోరారు.
ఈ సందర్భంగా ప్రభుత్వ ప్రధాన కార్యదర్శి జోషి మాట్లాడుతూ, ఎన్నికల నిర్వహణకు అవసరమైన సిబ్బందిని సమకూరుస్తామని హామీ ఇచ్చారు. ఒకటి రెండు రోజుల్లో ఈ మేరకు ఆదేశాలు జారీ చేస్తామన్నారు. నిధులు విడుదల చేసేందుకు ఆర్థిక శాఖ అధికారులకు ఆదేశాలు జారీ చేస్తామన్నారు. ఈ నిధులు కూడా వెంటనే ఉపయోగించుకునేందుకు కలెక్టర్లకు అవకాశం ఉంటుందని వెల్లడించారు. ఎన్నికల నిర్వహణ పూర్తిగా ఎండాకాలంలో జరుగుతోందని, అందువల్ల ఓటర్లకు అవసరమైన తాగునీటిని పోలింగ్ కేంద్రాల్లో ఏర్పాటు చేస్తామని, పోలింగ్ కేంద్రాలకోసం పాఠశాలలను, ఇతర భవనాలను కేటాయిస్తామన్నారు. పోలింగ్ నిర్వహణలో ఇతరత్రా వౌలిక సదుపాయాలను కూడా కల్పిస్తామన్నారు. పోలింగ్ ప్రశాంతంగా జరిగేందుకు 55 వేల మందికిపైగా పోలీసు సిబ్బందిని కేటాయిస్తామని డీజీపీ మహేందర్‌రెడ్డి రాష్ట్ర ఎన్నికల కమిషనర్‌కు హామీ ఇచ్చారు. పోలింగ్‌లో పాల్గొనే వారికి అత్యవసరం అయితే చికిత్స అందించేందుకు వైద్య ఆరోగ్య శాఖ చర్యలు తీసుకుంటుందని వైద్య ఆరోగ్య శాఖ అధికారులు ఈ సందర్భంగా తెలిపారు.
చిత్రం...ఉన్నత స్థాయ సమావేశంలో మాట్లాడుతున్న రాష్ట్ర ఎన్నికల కమిషనర్ నాగిరెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.