రాష్ట్రీయం
సూరీడు.. భగ భగ
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్: జిల్లాలో పగటి పూట ఎండ వేడి ప్రజలను అల్లాడిస్తోంది. బుధవారం ఆదిలాబాద్ జిల్లాలో 43 డిగ్రీల పగటి ఉష్ణోగ్రత నమోదు కాగా సాయంత్రం వేళల్లో తేలికపాటి జల్లులు, గాలి దుమారంతో వాతావరణం చల్లబడింది. మధ్యాహ్నం 2 గంటల సమయంలో వేడి గాలులకు ప్రజలు ఉక్కిరిబిక్కిరవుతున్నారు. ఆదిలాబాద్, జైనథ్, బేల, పెంబి, బజార్‌హత్నూర్, వాంకిడి, జైనూర్ మండలాల్లో 43 డిగ్రీల ఉష్ణోగ్రతలు నమోదు కాగా మధ్యాహ్నం వేళ పట్టణాల్లో జన సంచారం లేక ప్రధాన వీదులు నిర్మానుషంగా మారుతున్నాయి. ఇంటి గడప దాటి బయటకు వెళ్లేందుకు ప్రజలు ఇబ్బందులు పడుతున్నారు. సిం గరేణి గనులతో పాటు వ్యవసాయ పనులకు వెళ్ళాల్సిన కూలీలు ఎండ తీవ్రత నేపథ్యంలో సాయంత్రం వేళల్లో పనులు పూర్తిచేసుకుంటున్నారు. పట్టణాల్లో ప్రభు త్వ, ప్రైవేట్ కార్యాలయాలు పాక్షికంగా పనిచేస్తుండగా మరోవైపు వృద్దులు, పిల్లల పరిస్థితి అగమ్యగోచరంగా మారుతోంది. గత వారం రోజులుగా 42 డిగ్రీల నుండి 43 డిగ్రీల వరకు ఉష్ణోగ్రతలు పెరగడంతో జనజీవనం స్తంభించిపోతోంది. పల్లెల్లో విష జ్వరాలు, కలుషిత నీరు తాగి వ్యాధులతో ఆసుపత్రి పాలవుతున్నారు. గత నాలుగు రోజుల్లోనే వడ దెబ్బసోకి జిల్లాలో ముగ్గురు మృతి చెందగా పలువురు అస్వస్థతకు గురై చికిత్స పొందుతున్నారు. ఉపాధి హామీ కూలీల పరిస్థితి దుర్బరంగా మారింది. పనిచేసే చోట షామియనాలు, తాగునీటి వసతి, కనీస సౌకర్యాలు కల్పించాల్సిన అధికారులు వీటి గురించి పట్టించుకోవడం లేదన్న విమర్శలు ఉన్నాయి. మరోవైపు ఎండ తీవ్రత నేపథ్యంలో తాగునీటి జలాశయాలు అడుగంటిపోయి నీటి ఎద్దడి తీవ్రరూపం దాలుస్తోంది. మారుమూల గ్రామాల్లో దప్పిక తీర్చుకునేందుకు గ్రామీణ ప్రజలు ఉదయం నుండే బావుల వద్ద నీటికోసం పాట్లు పడాల్సి వస్తోంది. ఇప్పుడే ఎండలు ఈ విధంగా దంచికొడుతుంటే మున్ముందు పరిస్థితి ఏలా ఉంటుందోనని ప్రజలు బెంబేలెత్తుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.