రాష్ట్రీయం
పంచాయతీ సెక్రటరీ ఉద్యోగాలకు నేడు స్క్రీనింగ్ టెస్ట్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ఆంధ్రప్రదేశ్ పబ్లిక్ సర్వీస్ కమిషన్ ఆధ్వర్యంలో పంచాయతీ సెక్రటరీ (గ్రేడ్ 4,3) సర్వీస్ ఉద్యోగాలకు ఈ నెల 21, ఆదివారం స్క్రీనింగ్ టెస్ట్ నిర్వహిస్తున్నట్లు ఏపీపీఎస్సీ కార్యదర్శి ఏకే వౌర్య శనివారం ఒక ప్రకటనలో తెలిపారు. పంచాయతీ సెక్రటరీ ఉద్యోగాలకు 13 జిల్లాల్లో 1320 పరీక్షా కేంద్రాల్లో 1051 పోస్టులకు 4,95,526 మంది అభ్యర్థులు దరఖాస్తు చేసుకున్నారన్నారు. ఆదివారం ఉదయం 10 గం. నుండి 12.30 గం. వరకు స్క్రీనింగ్ టెస్ట్ ఉంటుందని తెలిపారు. అభ్యర్థులు తమ హాల్‌టిక్కెట్లతో పరీక్షా కేంద్రాలకు హాజరుకావాలని ఉదయం 9 గం. నుండి 9.30 గం.
మధ్య పరీక్ష కేంద్రంలోకి అనుమతిస్తారన్నారు. 15 నిమిషాల గ్రేస్ పిరియడ్ వరకు అంటే 9.45 లోపు వచ్చిన వారిని కూడా అనుమతిస్తారన్నారు. పరీక్ష హాల్‌టిక్కెట్‌తో పాటు అభ్యర్థి ఫొటోతో కూడిన ప్రభుత్వంచే గుర్తింపు పొందిన పాస్‌పోర్టు, ఓటర్ ఐడీ, ఆధార్‌కార్డు, ప్రభుత్వ ఉద్యోగి ఐడీ కార్డు, డ్రైవింగ్ లైసెన్స్‌ల్లో ఏదైనా ఒక ఒరిజినల్ కార్డు వెంట తీసుకురావాలని తెలిపారు. పరీక్ష హాల్‌లో అభ్యర్థికి ఇచ్చే ఓఎంఆర్ షీట్‌లో అభ్యర్థి పేరు, హాల్ టిక్కెట్ నెంబర్, పరీక్ష కేంద్రం వివరాలు రాసి సర్కిల్స్‌ను (బబుల్స్) పూర్తిగా బ్లూ లేదా బ్లాక్ పెన్‌తో దిద్దాలన్నారు. అదే విధంగా టెస్ట్ బుక్‌లెట్ సిరీస్‌ను పూర్తి చేసి సర్కిల్స్ దిద్దాలన్నారు. అసంపూర్తిగా పూర్తి చేసిన టెస్ట్ బుక్‌లెట్ సిరీస్‌లు పరిగణలోకి తీసుకోరన్నారు. ఎలక్ట్రానిక్ వస్తువులైన సెల్యులార్ ఫోన్లు, క్యాలుక్యులేటర్లు పరీక్ష హాల్‌లోకి అనుమతించబోరని స్పష్టం చేశారు. దివ్యాంగులకు అనుమతించిన మేర అదనపు సమయం ఇవ్వడంతోపాటు స్క్రెబ్ (సహాయకుడు)ను అవసరం మేర అనుమతిస్తారన్నారు. ప్రతి తప్పు సమాధానికి 1/3 మార్కు (నెగిటివ్ మార్కు) తీసివేస్తారని తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.