రాష్ట్రీయం
ప్రాదేశిక ఎన్నికల్లో సత్తా చూపుదాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 20: తెలంగాణ రాష్ట్రంలో జరుగుతున్న ప్రాదేశిక ఎన్నికల్లో పోటీ చేసి సత్తా చూపాలని జనసేన అధినేత పవన్‌కళ్యాణ్ పేర్కొన్నారు. తెలంగాణ నేతలతో ఆయన సమీక్ష జరిపి తెలంగాణ జరుగుతున్న స్థానిక సంస్థల ఎన్నికల్లో పోటీకి సిద్ధం కావాలని సూచించినట్టు జనసేన పార్టీ తెలంగాణ ఇన్‌ఛార్జి ఎన్ శంకర్‌గౌడ్ పేర్కొన్నారు. తెలంగాణ రాష్ట్రంలో నిర్వహించనున్న స్థానిక సంస్థల ఎన్నికల్లో జనసేన పార్టీ అభ్యర్ధులను దించాలని కోరిన మీదట పవన్‌కళ్యాణ్ అందుకు సానుకూలంగా స్పందించారు. 5857 ఎంపీటీసీ, 535 జడ్పీటీసీ స్థానాలకు ఎన్నికల షెడ్యూలును ప్రకటించిన నేపథ్యంలో శనివారం ఉదయం హైదరాబాద్‌లోని జనసేన కార్యాలయంలో కార్యకర్తల సమావేశాన్ని నిర్వహించారు. జనసేన తెలంగాణ ఇన్‌చార్జి ఎన్ శంకర్‌గౌడ్, ఉపాధ్యక్షుడు బీ మహేందర్‌రెడ్డి, పార్టీ అధ్యక్షుల రాజకీయ కార్యదర్శి పీ హరిప్రసాద్‌లు పాల్గొన్నారు. ఈ సందర్భంగా వారు మాట్లాడుతూ స్థానిక సంస్థల ఎన్నికల్లో పోటీపై కార్యకర్తల అభిప్రాయాలను కూడా తీసుకోవాలని అధ్యక్షుడు ఆదేశించారని అన్నారు. లోక్‌సభ ఎన్నికల్లో ఏడు స్థానాల్లో జనసేన పోటీ చేసిందని, అయితే స్థానిక ఎన్నికల్లో పోటీ అందుకు భిన్నంగా ఉంటుందని, పార్టీకి యువత, మహిళలు చాలా బలమని అన్నారు. పవన్‌కళ్యాణ్ ఆలోచనా విధానం, పార్టీ ఏడు సిద్ధాంతాలు తెలంగాణ రాష్ట్ర అభివృద్ధికి ఎంతో ముఖ్యమనే భావన వ్యక్తమైందని, వాటిని గ్రామ స్థాయి నుండి అమలుచేసేందుకు స్థానిక ఎన్నికల్లో పోటీచేయాలని, అందుకు అనుగుణంగా పార్టీ అధ్యక్షుడు తీసుకునే నిర్ణయానికి కట్టుబడి ముందుకు వెళ్తామని వారు పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.