రాష్ట్రీయం
ఐఏఎస్, ఐపీఎస్‌లకు పదోన్నతి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: అఖిల భారత సర్వీసుకు చెందిన 49 మంది ఐఏఎస్, ఐఏఎస్ అధికారులకు తెలంగాణ ప్రభుత్వం పదోన్నతి కల్పిస్తూ మంగళవారం ఉత్తర్వులు జారీ చేసింది. వీరిలో 26 మంది ఐఏఎస్‌లు, 23 మంది ఐపీఎస్ అధికారులు మొత్తంగా 49 మంది ఉన్నారు. ఎన్నికల కోడ్ అమలులో ఉన్నప్పటికీ కేంద్ర ఎన్నికల సంఘం అనుమతితో పదోన్నతులు కల్పించినట్టు పేర్కొన్నారు. రాష్ట్రంలో పని చేస్తోన్న అధికారులకే కాకుండా కేంద్ర సర్వీసులకు డిప్యూటేషన్‌పై వెళ్లిన అధికారులు కూడా పదోన్నతి పొందిన వారిలో ఉన్నారు. ఆరుగురు ఐఏఎస్ అధికారులకు ప్రత్యేక ప్రధాన కార్యదర్శులుగా పదోన్నతి కల్పించగా, ఇందులో ముగ్గురు ప్రస్తుతం రాష్ట్రంలో పని చేస్తుండగా, మిగిలిన ముగ్గురు కేంద్ర సర్వీసుల్లో డిప్యుటేషన్‌పై పని చేస్తున్నారు. మిగిలిన వారిలో ఒకరికి ముఖ్య కార్యదర్శిగా, నలుగురికి కార్యదర్శులుగా, ఆరుగురికి ఆదనపు కార్యదర్శులుగా, ఐదుగురికి సంయుక్త కార్యదర్శులుగా పదోన్నతులు లభించాయి. అలాగే ఐదుగురు ఐపీఎస్ అధికారులకు అదనపు డీజీలుగా, నలుగురికి ఐజీలుగా పదోన్నతి కల్పించగా ఇందులో ఒకరు కేంద్ర సర్వీసులో కొనసాగుతున్నారు. అలాగే ఏడుగురికి డీఐజీలుగా పదోన్నతి లభించింది. అలాగే మరో ఆరుగురికి సీనియర్ స్కేల్ అధికారులుగా పదోన్నతి కల్పించింది. వీరి పదోన్నతులకు సంబంభించి వేర్వేరుగా 15 ఉత్తర్వులను ప్రభుత్వ ప్రధాన కార్యదర్శి ఎస్‌కే జోషి మంగళవారం విడుదల చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.