రాష్ట్రీయం
పరిషత్ ఎన్నికల హడావుడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 24: జిల్లా ప్రజా పరిషత్ (జడ్పీపీ), మండల ప్రజా పరిషత్ (ఎంపీపీ) ప్రాదేశిక సభ్యుల ఎన్నికలకు సంబంధించి తొలిదశ నామినేషన్ల ఘట్టం బుధవారం సాయంత్రానికి ముగిసింది. జడ్పీటీసీ స్థానాలకు దాదాపు 1600 నామినేషన్లు, ఎంపీటీసీ స్థానాలకు పదివేలకుపైగా నామినేషన్లు దాఖలయ్యాయని బుధవారం రాత్రి 10 గంటల వరకు అందిన సమాచారం ప్రకారం తెలిసింది. నామినేషన్ల పరిశీలన గురువారం జరుగుతుంది. నామినేషన్లు సక్రమంగా లేకపోతే
తిరస్కరించినట్టు ప్రకటిస్తారు. గురువారం సాయంత్రం 5 గంటల తర్వాత అర్హత కలిగిన అభ్యర్థుల పేర్లతో జాబితాను రిటర్నింగ్ అధికారులు వెల్లడిస్తారు. రిటర్నింగ్ అధికారులు తిరస్కరించిన నామినేషన్లకు చెందిన అభ్యర్థులు తమకు ఏవైనా అభ్యంతరాలు ఉంటే ఉన్నతస్థాయిలో ఫిర్యాదు (అప్పీల్) చేయవచ్చు. తిరస్కరించిన విధానాన్ని అప్పీల్ ద్వారా సవాల్ చేయవచ్చు. ఎంపీటీసీ స్థానానాకి సంబంధించిన అభ్యర్థులు సంబంధిత ఆర్డీఓ లేదా సబ్-కలెక్టర్‌కు, జడ్పీటీసీకి చెందిన అభ్యర్థులు జిల్లా కలెక్టర్‌కు ఈ నెల 26 సాయంత్రం ఐదు గంటలలోగా అప్పీల్ చేసుకోవాలి. 27 న సాయంత్రం ఐదు గంటల వరకు ఈ అప్పీళ్లపై ఆర్డీఓలు, కలెక్టర్లు తీర్పు వెల్లడిస్తారు. అభ్యర్థులు ఎవరైనా తమ నామినేషన్లను ఉపసంహరించుకోవాలనుకుంటే ఏప్రిల్ 28 న సాయంత్రం 3 గంటలలోగా ఉపసంహరించుకోవచ్చు. అదే రోజు సాయంత్రం ఐదు గంటలకు పోటీలో ఉండే అభ్యర్థుల పేర్లను రిటర్నింగ్ అధికారులు ప్రకటిస్తారు. తొలిదశ పోలింగ్ 2019 మే 6 న నిర్వహిస్తారు. ఉదయం 7 గంటలకు ప్రారంభమయ్యే పోలింగ్ సాయంత్రం 5 గంటల వరకు కొనసాగుతుంది. పోలింగ్‌కోసం బ్యాలెట్ పేపర్లు, బ్యాలెట్ బాక్సులే వాడతారు. పోలింగ్ తర్వాత వీటిని స్ట్రాంగ్‌రూంలకు తరలించి, 2019 మే 27 న లెక్కిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.