రాష్ట్రీయం
ఇంటర్ విద్యార్థుల మరణ మృదంగం
S ,7 à 8 RSCA (si SASPAS) et 6 cialis pharmacie cialis rapports de stage.
బొమ్మలరామారం / శంకరంపేట, బాల్కొండ, ఏప్రిల్ 24: రాష్ట్రంలో ఇంటర్ విద్యార్థుల బలవన్మరణాలు కొనసాగుతునే ఉన్నాయ. బుధవారం ముగ్గురు విద్యార్థులు ఆత్మహత్యలకు పాల్పడ్డారు, యాదాద్రి భువనగరి, మెదక్, నిజామాబాద్ జిల్లాలో ఈ విషాదం చోటుచేసుకుంది. యాదాద్రి భువనగిరి జిల్లా బొమ్మలరామారం మండలం నాగినేనిపల్లి గ్రామానికి చెందిన ఇంటర్ విద్యార్థిని మితి (19) ఉరి వేసుకొని ఆత్మహత్యకు పాల్పడింది. బీబీనగర్ మండల కేంద్రంలోని ఇన్నోవేటివ్ కళాశాలలో ఇంటర్ విద్యను పూర్తిచేసుకున్న మితి ఇటీవల వెలువడిన ఇంటర్ ఫలితాలలో ఫిజిక్స్, జువాలజీ రెండు సబ్జెక్టులలో ఫెయిల్ అయినట్లుగా ఫలితాలు రావడంతో మనస్తాపానికి గురైన మితి తెల్లవారుజామున ఉరేసుకొని ఆత్మహత్యకు పాల్పడినట్లుగా తండ్రి ఆకారపు రవీంద్రాచారి తెలియజేసారు. ఆయన ఫిర్యాదు మేరకు కేసు దర్పాప్తు చేపడుతున్నట్లుగా ఎస్సై వెంకటేశ్ తెలియజేసారు. ఇంటర్‌బోర్డు చేసిన తప్పులకు విద్యార్థులు మనస్తాపానికి గురై మరణిస్తున్నా ప్రభుత్వం ఎలాంటి చర్యలు చేపట్టకపోవడం విడ్డూరంగా ఉందని స్థానికులు వాపోయారు. అలాగే, మెదక్ జిల్లా శంకరంపేటలో ఇంటర్ ద్వితీయ సంవత్సరం పరీక్షలో ఫెయలయ్యానని విద్యార్థి ఆత్మహత్య చేసుకున్నాడు. కుటుంబ సభ్యులు, పోలీసుల కథనం ప్రకారం.. మండలంలోని మడూరు గ్రామానికి చెందిన చాకలి పల్లెరాజు (18) ఇంటర్ ద్వితీయ సంవత్సరం ఫలితాలలో రెండు సబ్జెక్ట్‌లు తప్పడంతో మనస్తాపానికి గురై గ్రామంలోని జిల్లా పరిషత్ ఉన్నత పాఠశాలలో గల చెట్టుకు ఉరివేసుకొని మృతి చెందాడు. మృతుని తండ్రి శివరాములు ఫిర్యాదు మేరకు స్థానిక ఎస్‌ఐ ప్రకాశ్‌గౌడ్ మృతదేహానికి పంచనామా నిర్వహించి పోస్టుమార్టం నిమిత్తం మెదక్ ఏరియా అసుపత్రికి తరలించామన్నారు. నిజామాబాద్ జిల్లా మండల కేంద్రమైన బాల్కొండకు చెందిన శైలజ (17) అనే ఇంటర్ విద్యార్థిని బుధవారం రాత్రి ఉరి వేసుకుని ఆత్మహత్య చేసుకుంది. శైలజ జిల్లా కేంద్రంలోని ఓ ప్రైవేట్ కళాశాలలో హాస్టల్‌లో ఉంటూ ఇంటర్మీడియెట్ పూర్తి చేసింది. ఇటీవలే ఇంటర్ వార్షిక ఫలితాలు విడుదలైన సందర్భంగా ఆమెకు వేయి మార్కులకు గాను 876 మార్కులు వచ్చాయి. అప్పటి నుండి శైలజ కొంత ముభావంగానే ఉంటూ వస్తోందని స్థానికులు చెబుతున్నారు. తాను ఆశించిన రీతిలో మరింత ఎక్కువగా మార్కులు రాలేకపోయాయనే బెంగతో తనతో తాను కుమిలిపోయి ఉంటుందని వారు అభిప్రాయపడుతున్నారు. ఈ క్రమంలోనే బుధవారం రాత్రి 7.30గంటల వరకు కూడా కుటుంబ సభ్యులందరితో కలిసి ఆరుబయట గడిపిన శైలజ, అనంతరం ఇంట్లోకి వెళ్లి ఓ గదిలో ఫ్యానుకు తన చున్నీతో ఉరి వేసుకుని ఆత్మహత్య చేసుకుంది. కొద్దిసేపటి అనంతరం కుటుంబ సభ్యులు ఇంట్లోకి వెళ్లి చూడగా, ఫ్యానుకు వేలాడుతూ విగతజీవిగా కనిపించింది. మార్కులు తక్కువగా వచ్చాయన్న మనస్థాపంతోనే ఈ అఘాయిత్యానికి పాల్పడి ఉంటుందని భావిస్తున్నారు.
చిత్రాలు.. మితి *చాకలి పల్లెరాజు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.