రాష్ట్రీయం
రైతుబంధు అమలు చేయాలి: సీపీఎం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 25: తెంలగాణ ప్రభుత్వం గతంలో ఉన్న పట్టాదారు పాస్‌పుస్తకాలు, టైటిల్‌డీడ్ పద్ధతిని రద్దు చేసి, ఏకంగా డిజిటల్ పాస్ పుస్తకాలు ఇవ్వాలని భావించిందని అసంపూర్తిగా జరిగిన ఈ ప్రక్రియ వల్ల రైతులకు తీవ్ర నష్టం జరుగుతోందని సీపీఎం రాష్ట్ర కార్యదర్శి తమ్మినేని వీరభద్రం వ్యాఖ్యానించారు. తక్షణమే పెండింగ్‌లో ఉన్న డిజిటల్ పాస్ పుస్తకాలతో పాటు గత రెండు విడతల రైతుబంధును కూడా రైతులకు అమలుచేయాలని ఆయన కోరారు. రాష్ట్రంలో ప్రభుత్వ లెక్కల ప్రకారం సుమారు 9 లక్షల డిజిటల్ పాస్‌పుస్తకాలు రైతులకు ఇంకా అందలేదని, అధికారుల నిర్లక్ష్యం, వివిధ సమస్యలే దీనికి కారణమని అన్నారు. దీంతో ఖరీఫ్, రబీలో రెండు విడతలుగా ఇచ్చిన రైతుబంధుతో పాటు కేంద్ర ప్రభుత్వం ఇచ్చిన రెండు వేలు కూడా వీరికి అందక నష్టపోతున్నారని అన్నారు. పాత పాస్‌పుస్తకాలు చెల్లక, కొత్త డిజిటల్ పాస్ పుస్తకాలు అందక రైతులు పంట రుణాలు పొందలేకపోతున్నారని , పెట్టుబడి కోసం ప్రైవేటు వడ్డీ వ్యాపారుల వద్ద అధిక వడ్డీకి అప్పులు తెచ్చి , తీవ్ర ఆర్థిక ఇబ్బందులకు గురవుతున్నారని అన్నారు. రెవిన్యూ సమస్యలపై పుంఖానుపుంఖాలుగా ఉద్యోగులపై అవినీతి ఆరోపణలు వస్తున్నాయని , ఉద్యోగుల అవినీతిని అదుపులోకి తెచ్చి వారితో పూర్తిస్థాయిలో పనిచేయించుకోవల్సిన బాధ్యత ప్రభుత్వానిదేనని అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.