రాష్ట్రీయం
నేడు టెన్త్ ఫలితాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పదో తరగతి పరీక్షా ఫలితాలు సోమవారం ఉదయం 11.30 గంటలకు విడుదల చేస్తున్నట్టు తెలంగాణ స్టేట్ బోర్డ్ ఆఫ్ సెకండరీ ఎడ్యుకేషన్ (టీఎస్‌బీఎస్‌ఈ) ప్రకటించింది. సచివాలయంలోని ‘డీ’ బ్లాక్ కాన్ఫరెన్స్ హాలులో ఫలితాల విడుదల కోసం ప్రత్యేక ఏర్పాట్లు చేశామని విద్యాశాఖ కార్యదర్శి బి. జనార్దన్ రెడ్డి, టీఎస్‌బీఎస్‌ఈ కార్యదర్శి విజయకుమార్ వెల్లడించారు. పదో తరగతి ఫలితాల విడుదలలో ఎలాంటి పొరపాట్లు జరగకుండా ముందస్తు చర్యలు తీసుకున్నారు. విద్యాశాఖ కార్యదర్శి బి. జనార్దన్ రెడ్డి నేతృత్వంలో ఇప్పటికే పలుమార్లు ఉన్నతస్థాయిలో ఈ అంశంపై సమావేశాలు జరిగాయి. టీఎస్‌బీఎస్‌ఈ కార్యదర్శి విజయకుమార్‌తోపాటు ఇతర అధికారులతో కూడా జనార్దన్ రెడ్డి చర్చించారు. ఇటీవల ఇంటర్మీడియట్ పరీక్షా ఫలితాలలో జరిగిన రాద్ధాంతాన్ని దృష్టిలో ఉంచుకుని పదో తరగతి ఫలితాలను రూపొందించడంలో, ఇతరత్రా కోణాల్లో ప్రత్యేక చర్యలు తీసుకున్నారు. పదో తరగతి పరీక్షలు 2019 మార్చి 16 నుండి ఏప్రిల్ 2 వరకు జరిగాయి. పరీక్షలు పూర్తయిన నలభై రోజుల్లో ఫలితాలను విడుదల చేస్తున్నారు. ఫలితాల వెల్లడిలో ఎలాంటి తప్పులకు అవకాశం లేకుండా చూసేందుకు కొద్దిగా సమయం ఎక్కువ తీసుకున్నట్టు తెలుస్తోంది. జాప్యం జరిగినా ప్రభుత్వంపై విమర్శలు రాకుండా చూడాలంటూ ముఖ్యమంత్రి కేసీఆర్ కూడా ఉన్నతాధికారులను హెచ్చరించినట్టు తెలిసింది. దాంతో అన్ని కోణాల్లో పరిశీలించి ఎస్‌ఎస్‌సీ ఫలితాలను విడుదల చేసేందుకు ఏర్పాట్లు చేశారు. రాష్ట్రంలో ఐదులక్షల మందికి పైగా విద్యార్థులు ఈ ఫలితాల కోసం ఎదురు చూస్తున్నారు. ఫలితాలు విడుదల చేసిన వెంటనే వివిధ వెబ్‌సైట్లలో వివరాలను అందించేందుకు ఏర్పాట్లు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.