రాష్ట్రీయం
ఏటీఎంల మాదిరి చెడిపోవు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 18: 2019 సాధారణ ఎన్నికల్లో ఉపయోగించిన ఓటర్ వెరిఫియేబుల్ పేపర్ ఆడిట్ ట్రయల్ (వీవీప్యాట్) లలో ఓటర్ స్లిప్పుల ముద్రణకు ఉపయోగించిన ఇంక్ అసాధారణమైందని, ఇది చెదిరిపోయే అవకాశం లేదని తెలంగాణ రాష్ట్ర ప్రధాన ఎన్నికల అధికారి (సీఈఓ) రజత్ కుమార్ తెలిపారు. శనివారం ఆయన ఆంధ్రభూమి ప్రతినిధితో మాట్లాడుతూ, 2019 సాధారణ ఎన్నికల్లో ఉపయోగించిన ఎలక్ట్రానిక్ ఓటింగ్ మిషన్లు (ఈవీఎం), ఓటర్ వెరిఫియెబుల్ పేపర్ ఆడిట్ ట్రయల్ (వీవీప్యాట్) మిషన్లు సమర్థతగా పనిచేశాయన్నారు. ఈవీఎంలలో బటన్‌ను ఉపయోగించి ఓటరు ఓటు వేసిన వెంటనే వారు వేసిన ఓటు సీరియల్ నెంబర్, పేరు, గుర్తులు వీవీప్యాట్ ట్రాన్స్ప్‌రెంట్ విండో ద్వారా ఏడు సెకన్లపాటు కనిపించాయన్నారు. ఈ ఏడు సెకన్లలో ఓటరు తాను ఎవరికి ఓటు వేసారో వారికి తెలిసిపోయిందన్నారు. ఓటు వేసిన ఏడు సెకన్ల తర్వాత ఓటర్ స్లిప్పు ప్రధాన పేపర్ బండిల్ నుండి కట్ అయిన స్లిప్పు బాక్సులో పడ్డదన్నారు. దాదాపు రెండుకోట్ల మంది ఓటర్లు ఓటు వేయగా, ఏ ఒక్కరి నుండి కూడా ఈవీఎంలు, వీవీప్యాట్లపనితీరుపై ఫిర్యాదు రాలేదన్నారు. ఈ నెల 23 న జరిగే కౌంటింగ్ కోసం ఏర్పాట్లు పూర్తి చేశామన్నారు. తెలంగాణలోని ప్రతి లోక్‌సభ నియోజకవర్గంలో ఏడు అసెంబ్లీ సెగ్మెంట్లు ఉన్నాయన్నారు. ఒక్కో అసెంబ్లీ సెగ్మెంట్‌లో ఐదేసి వీవీప్యాట్లలోని ఓట్లను లెక్కిస్తామన్నారు. అంటే ప్రతి లోక్‌సభ స్థానంలో 35 వీవీప్యాట్లలో ఉండే ఓటర్‌స్లిప్పులను లెక్కిస్తామన్నారు. 17 లోక్‌సభ నియోజకవర్గాల ఓట్ల లెక్కింపుకోసం రాష్ట్ర వ్యాప్తంగా 35 ప్రాంగణాలు ఏర్పాటు చేశామని, మొత్తం 82 హాళ్లను ఉపయోగిస్తున్నామన్నారు. 119 అసెంబ్లీ సెగ్మెంట్లకు గాను, 110 అసెంబ్లీ సెగ్మెంట్ల ఓట్ల లెక్కింపుకోసం 15 టేబుళ్లు (14+1) ఉంటాయని, నిజామాబాద్ లోక్‌సభ స్థానంలోని ఏడు అసెంబ్లీ సెగ్మెంట్లలో 19 టేబుళ్లు (18+1) ఉంటాయన్నారు. మల్కాజిగిరి లోక్‌సభ స్థానంలోని మేడ్చల్, ఎల్‌బీనగర్ సెగ్మెంట్లలో 29 టేబుళ్లు (28+1) ఉంటాయన్నారు. ప్రతి టేబుల్‌కు ఒక సూపర్‌వైజర్, ఒక లెక్కింపు సహాయకుడు, ఒక సూక్ష్మపరిశీలకుడు ఉంటారన్నారు. ప్రతి అసెంబ్లీ సెగ్మెంట్‌కు ఒక అదనపు లెక్కింపు సహాయకుడు, ఇద్దరు అదనపు సూక్ష్మపరిశీలకులు, ఇద్దరు ఆఫీస్ సబార్డినేట్స్, ఒక డీఈఓ ఉంటారన్నారు. లెక్కింపు ప్రక్రియలో 6,745 మంది సిబ్బంది పాల్గొంటారని రజత్ కుమార్ వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.