రాష్ట్రీయం
22న నింగిలోకి పీఎస్‌ఎల్‌వీ-సీ 46 రాకెట్
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, మే 18: మరో అంతరిక్ష ప్రయోగానికి భారత అంతరిక్ష పరిశోధన సంస్థ (ఇస్రో) సిద్ధమయింది. ఈ నెల 22న ఉదయం 5:57గంటలకు శ్రీ పొట్టి శ్రీరాములు నెల్లూరు జిల్లాలోని భారత అంతరిక్ష కేంద్రం సతీష్ థావన్ స్పేస్ సెంటర్ (షార్)లోని మొదటి ప్రయోగ వేదిక నుంచి పీఎస్ ఎల్‌వీ-సీ 46 రాకెట్‌ను నింగిలోకి పంపనున్నారు. ఈ రాకెట్ ద్వారా రాడార్ ఇమేజింగ్ ఎర్త్ అబ్జర్వేషన్ శాటిలైట్ (రీశాట్-2బి) ఉపగ్రహాన్ని రోదసీలోకి పంపనున్నారు. ప్రయోగానికి సంబంధించిన ప్రయోగాత్మక ప్రయోగం (రిహార్సల్) ఆదివారం నిర్వహించనున్నారు. రిహార్సల్‌లో భాగంగా రాకెట్‌ను మోబైల్ సర్వీసు టవర్ నుంచి మెల్లగా బయటకు తీసుకొచ్చి మళ్లి వెనక్కి తీసుకెళ్లనున్నారు. దీనికి సంబంధించిన చివరి మిషన్ రెడీనెష్ రివ్యూ సమావేశం (ఎంఆర్‌ఆర్) ఈ నెల 20న షార్‌లోని బ్రహ్మప్రకాష్ హాలులో డాక్టర్ బిఎన్ సురేష్ అధ్యక్షతన జరగనుంది. ఈ సమావేశంలో షార్ డైరెక్టర్ పాండ్యన్‌తో పాటు శాస్తవ్రేత్తలందరూ పాల్గొని ప్రయోగం సుదీర్ఘంగా చర్చించనున్నారు. ఎంఆర్‌ఆర్ అనంతరం అదే రోజు షార్ డైరెక్టర్ ఆధ్వర్యంలో లాంచింగ్ ఆథరైజేషన్ బోర్డు వారు (ఎల్‌ఎబి) సమావేశమై ప్రయోగానికి సంసిద్ధత తెలపనున్నారు. ప్రయోగ కౌంట్‌డౌన్‌ను 25గంటలు ముందు అనగా ఈ నెల 21న తెల్లవారు జామున 4:57 గంటలకు ప్రారంభించేందుకు సన్నాహాలు చేస్తున్నారు. 300కిలో బరువుకలిగిన ఈ ఉపగ్రహంలో ఎక్స్‌బాండ్ సింథటిక్ అపార్చర్ రాడార్ అనే అత్యాధునిక సాంకేతిక పరిజ్ఞానాన్ని ఉపయోగించారు. భూమి మీద జరిగే మార్పులను ప్రకృతి వైపరీత్యాల సమయంలో నాణ్యమైన చిత్రాలను తీసిపంపే సామర్ధ్యం కలిగి ఉంటుంది. ఈ ఉపగ్రహం సైనిక సేవలకు ఎక్కువగా ఉపయోగపడనుంది. ఇప్పటికే రాకెట్ నాలుగు దశల అనుసంధాన పనులు పూర్తిచేసి శిఖర భాగాన ఉపగ్రహాన్ని అమర్చే ప్రక్రీయను కూడా శాస్తవ్రేత్తలు పూర్తిచేశారు. అన్ని సజావుగా సాగితే ఈ నెల 22న ఉదయం 5:57గంటలకు షార్‌లోని ప్రధమ ప్రయోగ వేదిక నుంచి పీఎస్‌ఎల్‌వీ-సీ 46 రాకెట్ నింగిలోకి ఎగరనుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.