రాష్ట్రీయం
సర్వేల్లోటీఆర్‌ఎస్‌కే మొగ్గు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 19: పార్లమెంట్ ఎన్నికల తుది దశ పోలింగ్ ముగిసాక జాతీయ స్థాయిలో వివిధ సంస్థలు ప్రకటించిన ఎగ్జిట్ పోల్స్‌లో రాష్ట్రంలో తెలంగాణ రాష్ట్ర సమితి దాదాపు అన్ని సీట్లను కైవసం చేసుకోనుందని అంచనా వేశాయి. టీఆర్‌ఎస్ పార్టీ అంచనాలకు తగ్గట్టుగానే ఎంఐఎం పోటీ చేసిన ఒక్క స్థానాన్ని మినహాయించి మిగిలిన 16 పార్లమెంట్ స్థానాలకు గాను టీఆర్‌ఎస్ 14 నుంచి 16 సీట్లను గెలుచుకోబోతుందని ఎగ్జిట్ పోల్స్‌లో వెల్లడైంది. శాసనసభ ఎన్నికల్లో టీఆర్‌ఎస్ ప్రభంజనం మోగించినట్టుగానే పార్లమెంట్ ఎన్నికల్లోను తన సత్తా చాటుకున్నట్టు వివిధ సంస్థలు వెల్లడించాయి. ఎగ్జిట్ పోల్స్ వెల్లడించిన దాదాపు అన్ని సంస్థలు టీఆర్‌ఎస్ పార్టీ ఖచ్చితంగా 14 సీట్లు
గెలుచుకుంటుందని అంచనా వేశాయి. ప్రధాన ప్రత్యర్థి కాంగ్రెస్‌కు కేవలం 2 స్థానాలు మాత్రమే దక్కనున్నటుట దాదాపు అన్ని ఎగ్జిట్ పోల్స్ ప్రకటించాయి. అలాగే భారతీయ జనతా పార్టీ ఒకే ఒక్క స్థానాన్ని గెలిచే అవకాశం ఉన్నట్టు ప్రకటించాయి. ఆర్జీ ప్లాష్ టీమ్ ప్రకటించిన ఎగ్జిట్ పోల్స్‌లో టీఆర్‌ఎస్ 14 నుంచి 16 స్థానాలను, కాంగ్రెస్ పార్టీ 0-2 స్థానాలు, ఎంఐఎం-1, బీజేపీ-0 స్థానాలు గెలుచుకోనున్నట్టు ప్రకటించాయి. ఈ ఒక సంస్థ మాత్రమే బీజేపీ ఒక్క స్థానాన్ని కూడా గెలుచుకోదని ప్రకటించింది. కాగా న్యూస్-18 సంస్థ ప్రకటించిన ఎగ్జిట్ పోల్స్‌లో టీఆర్‌ఎస్ 12-14 స్థానాలను, కాంగ్రెస్-1-2 స్థానాలు, ఎంఐఎం 1, బీజేపీ-1-2 స్థానాలు గెలుచుకుంటాయని ప్రకటించాయి. ఎన్డీటీవీ సంస్థ ప్రకటించిన ఎగ్జిట్ పోల్స్‌లో టీఆర్‌ఎస్-12, కాంగ్రెస్-2, ఎంఐఎం-1, బీజేపీ-1 స్థానాలను గెలుచుకుంటాయని పేర్కొన్నారు. ఇండియా టు డే ప్రకటించిన ఎగ్జిట్ పోల్స్‌లో టీఆర్‌ఎస్ 10-12, కాంగ్రెస్ 1-3 స్థానాలు, ఎంఐఎం-1, బీజేపీ-1 గెలుచుకోనున్నట్టు ప్రకటించింది. సీ ఓటర్ ప్రకటించిన ఎగ్జిట్ పోల్స్‌లో టీఆర్‌ఎస్-14, కాంగ్రెస్-1, ఎంఐఎం-1, బీజేపీ-1 గెలుచుకుంటాయని పేర్కొన్నారు. టైమ్స్ నౌ ఎగ్జిట్ పోల్స్‌లో టీఆర్‌ఎస్-13, కాంగ్రెస్-2, ఎంఐఎం-1, బీజేపీ-1 గెలుచుకుంటాయని పేర్కొన్నారు. టు డే చాణక్య ఎగ్జిట్ పోల్స్‌లో టీఆర్‌ఎస్ 12-16, కాంగ్రెస్ 1-2, ఎంఐఎం-1, బీజేపీ-1 గెలుచుకునే అవకాశం ఉన్నట్టు పేర్కొన్నారు. కాగా లగడపాటి ప్రకటించిన ఆర్జీ ఫ్లాష్ టీమ్ సంస్థ మాత్రమే బీజేపీకి ఒక్క స్థానం కూడా దక్కదని పేర్కొన్నారు. ఇలా ఉండగా ఎగ్జిట్ పోల్స్ వెల్లడించిన ఫలితాలకు భిన్నంగా రాష్ట్రంలో వివిధ పార్టీలు ఇంకా ఎక్కువ స్థానాలనే గెలుచుకోనున్నట్టు అంచనా వేస్తున్నాయి. మిత్రపక్షం ఎంఐఎం పోటీ చేసిన ఒక స్థానం మినహా మిగిలిన 16 సీట్లు తమవేనని టీఆర్‌ఎస్ పార్టీ ధీమా వ్యక్తం చేస్తోంది. కచ్చితంగా ఐదు స్థానాలను గెలుచుకోనున్నట్టు కాంగ్రెస్ ధీమా వ్యక్తం చేస్తోంది. ఆరు స్థానాలకు గట్టి పోటీ ఇచ్చిన తాము పక్కాగా నాలుగు స్థానాలు గెలుస్తామని కాంగ్రెస్ అంచనా వేస్తోంది. వీటిలో మల్కాజ్‌గిరి, చేవెళ్ల, నల్లగొండ, భువనగిరి ఉన్నాయి. కాగా ఇవే కాకుండా ఖమ్మం, పెద్దపల్లి, జహీరాబాద్ స్థానాలు గెలిచే అవకాశం ఉన్నట్టు కాంగ్రెస్ అంచనా వేస్తోంది. బీజేపీ అంచనాల మేరకు సికింద్రాబాద్, మహబూబ్‌నగర్, నిజామాబాద్ మూడు స్థానాల్లో గట్టి పోటీ ఇచ్చినప్పటికీ పక్కగా రెండు స్థానాలను గెలుచుకోవడం ఖాయమని అంచనా వేస్తోంది. వీటిలో సికింద్రాబాద్, మహబూబ్‌నగర్ రెండు స్థానాలు తమవేనని ధీమా వ్యక్తం చేస్తోంది. ఎగ్జిట్ పోల్స్, పార్టీల అంచనాలు ఎలా ఉన్నా ఎవరెన్ని స్థానాలను గెలుచుకున్నది తేలడానికి ఈ నెల 23 వరకు వేచి చూడాల్సిందే.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.