రాష్ట్రీయం
రైతుబంధుకు షరతులు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 19: కేసీఆర్ ప్రభుత్వం ప్రతిష్టాత్మకంగా చేపట్టిన ‘రైతుబంధు’ పథకానికి ఈ ఏడు షరతులు విధించే అవకాశాలు ఉన్నాయని అధికార వర్గాల ద్వారా తెలుస్తోంది. 2018 వానాకాలం సీజన్‌లో రైతుబంధు డబ్బులు 2018 మే నెలలోనే చెల్లించారు. దాదాపు ఆరువేల కోట్ల రూపాయలు చెక్కుల ద్వారా చెల్లింపులు జరిగాయి. 2018-19 యాసంగిలో 30 లక్షల మంది రైతులకు రైతుబంధు చెల్లింపులు చేసినప్పటికీ, మరో 20 లక్షలపైగా రైతులకు చెల్లింపులు జరగలేదు. వాస్తవంగా యాసంగి రైతుబంధు డబ్బులు 2018 డిసెంబర్ వరకే చెల్లించాల్సి ఉన్నప్పటికీ, అయిదు నెలలైనా చెల్లించలేదు. సుమారు 2,000 కోట్ల రూపాయలు చెల్లించాల్సి ఉందని తెలుస్తోంది. ఇప్పుడు మళ్లీ 2019 వానాకాలానికి సంబంధించి రైతుబంధు అమలు చేయాల్సి ఉంది. వానలు రాగానే రైతులు విత్తనాలు వేయడం మొదలు పెడతారు. ప్రభుత్వం చెల్లించే డబ్బులు విత్తనాల కొనుగోలు, ఎరువుల కొనుగోలు, దుక్కిదున్నడం తదితర అవసరాల కోసం వాడతారు. రాష్ట్రం ఇటీవల కురిసిన అకాల వర్షాల వల్ల భూమి బాగా నానిన చోట్ల ఇప్పటికే దున్నడం మొదలైంది. విత్తనాలు వేసేందుకు భూమిని సిద్ధం చేయడంలో రైతులు నిమగ్నమయ్యారు. బ్యాంకులకు రుణాల కోసం వెళ్లకుండా, రైతుబంధు డబ్బులు ఎప్పుడు వస్తాయా అని రైతులంతా ఎదురు చూస్తున్నారు. రైతుబంధు కింద గత ఏడాది ఎకరానికి నాలుగువేల రూపాయలు చెల్లించగా, ఈ ఏడు ఎకరానికి ఐదువేల రూపాయల చొప్పున చెల్లిస్తామని ముఖ్యమంత్రి కేసీఆర్ ప్రకటించారు. అంటే 2018-19 సంవత్సరం బడ్జెట్‌లో రైతుబంధుకోసం 12 వేల రూపాయలు కేటాయించగా, 2019-20 సంవత్సరానికి 20 శాతం పెరుగుదల ఉంటుంది. అంటే 15 వేల కోట్ల రూపాయలు అవసరం అవుతాయని స్పష్టమవుతోంది. వానాకాలానికి 7,500 కోట్ల రూపాయలు అవసరం అవుతాయి. 2018-19 యాసంగికి బకాయిలుగా ఉన్న 2,000 కోట్ల రూపాయలు, 2019 వానాకాలానికి అవసరమైన 7,500 కోట్ల రూపాయలు కలిపితే 9,500 కోట్ల రూపాయలు రైతులకు జూన్ 15 లోగా చెల్లించాల్సి ఉంటుంది. ఇప్పటి వరకు జిల్లాస్థాయి అధికారులకు కాని, మండల, గ్రామ స్థాయి వ్యవసాయ అధికారులకు కాని రైతుబంధు గురించి ఎలాంటి సమాచారం ఇవ్వలేదు. ఈ కారణంగానే షరతులు ఏవైనా విధిస్తారా అన్న చర్చ మొదలైంది.
రాష్ట్రంలో శాసనసభ ఎన్నికలు, లోక్‌సభ ఎన్నికలు, గ్రామపంచాయతీ ఎన్నికలు, జిల్లాప్రజాపరిషత్, మండల ప్రజా పరిషత్ ఎన్నికలు ముగిసిపోయాయి. ఇక గ్రామాల్లో ప్రాథమిక సహకార సంఘాల ఎన్నికలు, మున్సిపాలిటీల ఎన్నికలు మాత్రమే మిగిలాయి. అందువల్ల ఏవైనా షరతులు విధిస్తూ, విధాన నిర్ణయాలు తీసుకున్నా, ఎన్నికలపై ప్రభావం ఉండకపోవచ్చని నిపుణులు భావిస్తున్నారు. రైతుబంధుపై కూడా విధాన నిర్ణయం తీసుకునే అవకాశం ఉందని తెలుస్తోంది. గత ఏడాదిలాగే రైతులందరికీ చెల్లింపులు చేస్తారన్న ప్రచారం కూడా జరుగుతోంది. వ్యవసాయ శాఖ మంత్రి ఈ అంశంపై ఇప్పటి వరకు ఎలాంటి ప్రకటన చేయలేదు. రైతు సమగ్ర సర్వే తర్వాత విధాన నిర్ణయం ఏదైనా తీసుకుంటారేమోనని నిపుణులు భావిస్తున్నారు. రైతు సమగ్ర సర్వే త్వరగా పూర్తి చేయాలని ప్రభుత్వం క్షేత్రస్థాయి సిబ్బందిపై వత్తిడి చేస్తోంది. సర్వే నివేదిక తర్వాత ప్రభుత్వం విధాన ప్రకటన చేస్తారని నిపుణులు భావిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.