రాష్ట్రీయం
రాష్ట్ర ఆర్థిక పరిస్థితి భేష్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 21: తెలంగాణ రాష్ట్ర ఆర్థిక పరిస్థితి చాలా బాగుందని ఆర్థిక శాఖ ముఖ్యకార్యదర్శి కే. రామకృష్ణారావు వెల్లడించారు. సచివాలయంలో మంగళవారం ఆయన మీడియాతో మాట్లాడుతూ, 2018-19 సంవత్సరానికి జీఎస్‌డీపీ (గ్రాస్ స్టేట్ డొమెస్టిక్ ప్రొడక్ట్) 8,66,875 కోట్ల రూపాయలని, ఇది గత ఏడాది కంటే 15 శాతం అధికమని వివరించారు. తెలంగాణ రాష్ట్రం ఏర్పాటు తర్వాత గత ఐదేళ్లలో వార్షిక వృద్ధిరేటు 12 శాతం నుండి 15 శాతం మధ్య నమోదవుతూ వస్తోందని, ఏటా గణనీయంగా పెరుగుదల ఉందని వివరించారు. గత ఏడాది ప్రాథమిక రంగమైన వ్యవసాయం అనుబంధ రంగాల్లో 10.9 శాతం వృద్ధి సాధించామని, ద్వితీయ రంగంలో వృద్ధిరేటు 14.19 శాతమని, వ్యాపార, వాణిజ్య రంగాల్లో ఇది 19.8 శాతంగా నమోదైందన్నారు. రాష్ట్ర ప్రభుత్వ సొంత ఆదాయం 2018-19 సంవత్సరంలో 64,716 కోట్ల రూపాయలని, అంతకు ముందటి ఏటి కంటే ఇది 14.5 శాతం అధికమన్నారు. సొంత ఆదాయం పెరుగుదలలో 14 రాష్ట్రాలతో పోలిస్తే తెలంగాణ నెంబర్ వన్ స్థానంలో నిలుస్తోందన్నారు. గత ఏడాది మూలధన వ్యయం (క్యాపిటల్ ఎక్స్‌పెండిచర్) 22,904 కోట్ల రూపాయలని రామకృష్ణారావు తెలిపారు. సమైక్య ఆంధ్రప్రదేశ్‌లో 2004-05 నుండి 2013-14 వరకు మూలధనం వ్యయం తెలంగాణలో 54,052 కోట్ల రూపాయలు కాగా, గత ఐదేళ్లలో మూలధనం మొత్తం వ్యయం 1,64,000 కోట్ల రూపాయని వివరించారు. మూలధన వయయం ఎక్కువ ఉంటే వృద్ధిరేటు అధికంగా ఉంటుందన్నారు.
పెండింగ్ బిల్లులు
------------
నీటిపారుదల, మిషన్ కాకతీయ, రోడ్లుభవనాలు, పంచాయతీరాజ్, ప్రజారోగ్యం, జాతీయ రహదారులు తదితర శాఖల ద్వారా చేపట్టిన అభివృద్ధి పనులకోసం చెల్లించాల్సిన పెండింగ్ బిల్లులు 3,474 కోట్ల రూపాయలు మాత్రమేనని ఆర్థిక శాఖ ముఖ్యకార్యదర్శి తెలిపారు. వివిధ శాఖల్లో అభివృద్ధి పనులు ఒకవైపు జరుగుతూ ఉంటే బిల్లులు పెండింగ్‌లో ఉండటం సహజమేనని అన్నారు. రాష్ట్రంలో 125 ట్రెజరీలు, 20 పే అకౌంట్ కార్యాలయాలు ఉన్నాయని, వీటిలో రెండు లక్షల బిల్లులు ప్రాసెస్ అవుతూ ఉంటాయన్నారు. ప్రభుత్వం చేపట్టిన అభివృద్ధి పనులు ఎక్కువగా ఉన్నాయని, వీటిపై నిధులు ఖర్చు చేస్తే రాష్ట్ర ఆర్థిక పరిస్థితి మెరుగవుతుందన్నారు. నీటిపారుదల ప్రాజెక్టులకోసం ఐదేళ్లలో 80 వేల కోట్ల రూపాయలు ఖర్చు చేశామని, ఈ ప్రాజెక్టుల ద్వారా వ్యవసాయ, అనుబంధ రంగాలు పురోగతిలో ఉంటాయని, తద్వారా జీఎస్‌డీపీ పెరుగుతుందని వివరించారు.
మిషన్ భగీరథ దేశంలోనే అన్ని రాష్ట్రాలకు ఆదర్శంగా నిలుస్తోందని, ఈ ప్రాజెక్టు మొత్తం వ్యయం 47,047 కోట్ల రూపాయలని రామకృష్ణారావు తెలిపారు. ఇప్పటి వరకు ఈ ప్రాజెక్టుకోసం 29,521 కోట్ల రూపాయలు వ్యయం చేశామని, పనులు పూర్తయిన వాటికి చెల్లించాల్సిన బకాయాలు 659 కోట్ల రూపాయలు మాత్రమేనని వివరించారు.
విద్యార్థులకు ట్యూషన్ ఫీజు తదితరాలకు కలిపి ఏటా 3,000 కోట్ల రూపాయలు వ్యయం చేస్తున్నామని రామకృష్ణారావు తెలిపారు. 1800 కోట్ల రూపాయలు గత బకాయిలు ఉంటాయని, ఈ ఏటికి 1200 కోట్లరూపాయలు చెల్లించాల్సి ఉందన్నారు. ఫీజు చెల్లింపులు సక్రమంగా, సకాలంలోనే జరుగుతున్నాయని తెలిపారు.
చిత్రం...సచివాలయంలో మీడియాతో మాట్లాడుతున్న ఆర్థిక శాఖ ముఖ్యకార్యదర్శి కే. రామకృష్ణారావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.