రాష్ట్రీయం
ఆగస్టు 14న కెనడాలో అంతర్జాతీయ హిందీ సాహిత్య సమ్మేళనం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, మే 21: కెనడా దేశంలో హిందీ ప్రాచుర్యాన్ని తెలియజేసే విధంగా ఆగస్టు 14 నుంచి 20వ తేదీ వరకూ రెండవ అంతర్జాతీయ హిందీ సాహిత్య సమ్మేళనం-2019ను నిర్వహించనున్నట్టు హిందీ అకాడమీ చైర్మన్ డాక్టర్ యార్లగడ్డ లక్ష్మీప్రసాద్ తెలిపారు. విశాఖలోని లోక్‌నాయక్ ఫౌండేషన్ కార్యాలయంలో మంగళవారం నిర్వహించిన మీడియా సమావేశంలో ఆయన మాట్లాడుతూ ప్రపంచ వ్యాప్తంగా 16 దేశాల నుంచి హిందీ సాహిత్య కవులు సాహిత్య సమ్మేళనానికి హాజరవుతారన్నారు. ముఖ్యంగా ఐక్యరాజ్య సమితిలోని హిందీని అధికారభాషగా గుర్తించాలనే ఉద్దేశ్యంతోనే పలు దేశాల్లో ప్రతీయేటా సాహిత్య సమ్మేళనాలను ఏర్పాటు చేస్తున్నామన్నారు. ఆరు రోజుల పాటు నిర్వహించే సాహిత్య సమ్మేళనం కెనడాలోని టొరంటో, అటావా, బ్రామ్‌టన్, నయాగరా ఫాల్స్ ఏరియాలో నిర్వహించి అక్కడి వారికి హిందీ కవుల విశేషాలను తెలియజేస్తామన్నారు. ఆగస్టు 14వతేదీన అటావాలో జరిగే సమ్మేళనంలో ప్రతినిధులకు స్వాగతం, 15న స్వాతంత్య్ర దినోత్సవం వేడుకలను కెనడా పార్లమెంట్‌లో. 16న బ్రామ్‌టన్‌లో హిందీ సాహిత్య సమ్మేళనం ప్రారంభం, 17న ఇండియా పెరేడ్ యాత్ర ప్రారంభంలో భాగంగా సాహిత్య రథంపై ప్రముఖ కవులతో హిందీ సమ్మేళనం, 18న నయాగరా ఫాల్స్ ఏరియాలో కవి సమ్మేళనం, 20న టొరంటోలో ముగింపు ఉత్సవాలను నిర్వహిస్తామన్నారు. ఈ కార్యక్రమాలకు అతిథులుగా శరణ్ ఘాయ్ (విశ్వహిందీ సంస్థాన్, కెనడా), ఆచార్య కామరాజ్ సింధు (గ్లోబల్ హిందీ సాహిత్య సంస్థ), డాక్టర్ ఆచార్య యార్లగడ్డ లక్ష్మీప్రసాద్ (హిందీ అకాడమీ చైర్మన్) పాల్గొంటారన్నారు. వీరితోపాటు భారత ప్రభుత్వంలోని వివిధ మంత్రిత్వ శాఖలకు చెందిన మంత్రులు, హిందీ అకాడమీ సభ్యులు, కవులు హాజరవుతారన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.